PELAJARAN 53
Pillit ma Hiburan na Palashon Roha ni Jahowa
“Debata na marlas ni roha” do Jahowa. (1 Timoteus 1:11) Lomo do rohana asa marlas ni roha hita di ngolutta. Dang lomo rohana torus hita karejo. Jadi porlu do tabahen tikki lao bersantai. Di pelajaran on, taida ma boha carana asa boi hita marlas ni roha tikki menikmati waktu santai jala boi tong mambahen las roha ni Jahowa.
1. Aha do na porlu tapikkirhon tikki mamilit hiburan?
Aha do na diulahon hamu tikki santai? Adong do piga-piga halak na lomo rohana menikmati waktu santai di jabu. Contohna manjaha bukku, mambege musik, manonton film, manang marinternet. Alai adong do muse na lomo rohana bersantai rap dohot donganna. Contohna mardalani, marlange, manang margame. Manang aha pe na taulahon tikki bersantai porlu do tapastihon, hiburan na tapillit i ikkon sesuai tu “na dihalomohon Tuhan i”. (Epesus 5:10) Alana godang do saonari hiburan na patuduhon akka na dihasogohon Jahowa. Misalna na patuduhon kekerasan, seks na so patut, manang spiritisme. (Jaha Psalmen 11:5.) Attong, boha do carana asa boi hita mambahen keputusan na denggan taringot hiburan?
Molo mardongan hita tu halak na makkaholongi Jahowa, boi do nasida mangalehon pengaruh na denggan tu hita termasuk ma i tikki mamillit hiburan. Songon naung tapelajari di pelajaran sebelumna, “gabe marbisuk do manang ise na mardongan tu halak na marbisuk”. Alai molo mardongan hita tu halak na so makkaholongi Debata, boi do hita “gabe marjea”.—Poda 13:20.
2. Boasa ikkon tatottuhon sadia leleng tikkitta naeng menikmati hiburan?
Nang pe denggan hiburan na tanikmati, unang ma gabe palelengku hita mangulahon i. Alana boi do gabe dang adong be tikkitta lao mangulahon ulaon na lebih penting. Didok Bibel do tu hita, “Denggan ma pakke tikkimuna.”—Jaha Epesus 5:15, 16.
ASA LAM TAATTUSI
Taida ma boha carana mambahen keputusan na denggan taringot hiburan.
3. Unang ma pillit hiburan na so denggan
Boasa ikkon manat hita mamillit hiburan na lao tanikmati? Putar ma VIDEO, dung i bahas ma sukkun-sukkun on:
-
Aha do persamaan ni pertandingan gladiator najolo tu piga-piga hiburan jaman saonari?
-
Di video i, aha do ujungna na disadari si Danny taringot hiburan? Jala aha ma na diulahon ibana?
Jaha Rom 12:9, dung i bahas ma sukkun-sukkun on:
-
Boha do ayat on mangurupi hamu tikki mamillit hiburan?
Akka aha do na dihasogohon Debata? Jaha Poda 6:16, 17 dohot Galatia 5:19-21. Dung dijaha hamu setiap ayat, bahas ma sukkun-sukkun on:
-
Akka aha do na dipaboa di ayat on na sering dipatudu di akka hiburan saonari on?
Cara mamillit hiburan na denggan
Tasukkun ma diritta:
-
Aha? Adong do di hiburan i akka na dihasogohon Debata?
-
Sadia leleng? Gabe dang sanga be au mangulahon na lebih penting alani hiburan i?
-
Ise? Gabe sering do au bergaul tu halak na so makkaholongi Jahowa alani hiburan i?
Molo tapadao diritta sian jurang, selamat ma hita. Dos songon i ma, ikkon tapadao do diritta sian hiburan na so denggan
4. Denggan ma pakke tikkimuna
Putar ma VIDEO, dung i bahas ma sukkun-sukkun on:
-
Nang pe dang sala hiburan na dinikmati donganta di video i, alai aha do akibatna ala palelengku ibana menikmati i?
Jaha Pilippi 1:10, dung i bahas ma sukkun-sukkun on:
-
Menurut ayat on, aha do na porlu tapikkirhon tikki manottuhon sadia leleng hita naeng menikmati hiburan?
5. Pillit ma hiburan na denggan
Nang pe adong hiburan na dihasogohon Jahowa, alai godang dope hiburan na denggan na boi tanikmati. Jaha Parjamita 8:15 dohot Pilippi 4:8, dung i bahas ma sukkun-sukkun on:
-
Hiburan na songon dia do na dihalomohon rohamuna? Hiburan na denggan do i?
Boi do hita menikmati hiburan dohot rekreasi na denggan
ADONG DO NA MANDOK: “Dang pola boha menikmati hiburan na marisi kekerasan, seks na so patut, manang spiritisme. Ai holan hiburan do i, asal ma dang taulahon.”
-
Molo adong na mandok songon i, boha ma alusmuna?
KESIMPULAN
Lomo do roha ni Jahowa molo tapillit hiburan na denggan.
Tinjauan
-
Hiburan na songon dia do na so boi dinikmati halak Kristen?
-
Boasa ikkon tatottuhon sadia leleng hita naeng menikmati hiburan?
-
Boasa ikkon dipillit hamu hiburan na palashon roha ni Jahowa?
LULUI MA
Ise do na bertanggung jawab lao mamillit hiburan na tanikmati?
“Diorai Saksi Jahowa do Huriana Mangida Piga-Piga Film, Bukku, manang Musik?” (Artikel web)
Boha do carana asa boi tabahen keputusan na denggan taringot hiburan dohot waktu bersantai?
“Bermanfaat do Rekreasi na Dinikmati Hamu?” (Joujou Paboahon, 15 Oktober 2011)
Di kisah hidup na marjudul “Dang Hubeda-bedahon be Halak”, ida ma pengalaman ni sahalak bawa na boi manguba pillihanna tu hiburan.
“Bibel Mambahen Denggan Ngolukku” (Joujou Paboahon, 1 Februari 2010)
Ida ma pengalaman ni sahalak ina na boi mambahen keputusan na denggan taringot hiburan na patuduhon spiritisme.
Mungkin Lomo do Rohamuna Mamboto
NA JOTJOT DISUKKUN HALAK
Songon dia do Parsiajaran Bibel na Dibahen Saksi Jahowa?
Boi do dipakke Bibel terjemahan na dia pe tikki marsiajar Bibel dohot Saksi Jahowa. Boi do diajak hamu donganmuna dohot keluargamuna.
