NLÔ AJÔ 53

Tobe’e mimvôman mia ve Yéhôva nlem avak

Vô’ôlô nkobô

Yéhôva a ne “Zambe ya [mevak].” (1 Timothée 1:11) A yi na bi bo mevak a na bi bu’uban ényiñ. A ne mevak éyoñ bia nyoñ éyoñe ya wo’on a vôman. Nlô ajô wu, bii yen aval avé bi ne belan aval biyoñ ete asu na bi vôman avale da ye bo bia mfi, a avale Yéhôva a yene mvaé.

1. Jé bia yiane simesan éyoñ bia kômbô tobe mimvôman miangan?

Jé ô wô’ô bo éyoñ wo kômbô vôman? Bôte béziñ ba nye’e be kele’e tabe afôla éziñ nda jap, évôvoé été. Ba bevo’o ki ba nye’e be lañe’e bekalate, be vô’ôlô mezik, be yene’e befilm, nge ke be kele’e internet. Bevo’o ba nye’e be kele’e ba wulu minkôl a bemvôé bap, bevo’o ke ba lé bejeu vidéo, nge ke jok. Bi kusa top avale mimvôman avé, bia yiane véé mise na mimvôman mite mi yené “mvaé mfa’a Tate.” (Beéphésien 5:10) E ne mfi na bi kôme wô’ô jam ete, amu abui mimvôman da wum émo ji da ngôné mame Yéhôva a vini, aval ane évô, mvine mam ya bisôk, nge ke mbia minsisim. (Lañe’e Besam 11:5.) Nde, jé é ne volô bia na bi yeme tobe mimvômane miangan?

Nge bia tobe mbamba bemvôé, bé volô bia na bi tobe mbamba mimvôman. Aval bi nga yene nlô ajô 48, nge wo “wulu nsamba beyeme mam, nde wo ye bo fek.” Ve nge wo wulu kom ése a bôte ba nye’e ki Yéhôva, wé “wô’ô jam ete ésôbôk.”—Minkana 13:20.

2. Amu jé é ne mfi na ô fombô abim éyoñ wo lôte na wo vôman?

To’o mimvômane miangan mi nji bo abé mise me Yéhôva, bia yiane tabe ntyel na mi bo teke bia nyoñ abui éyoñ, amu nalé a ne bo na bi bo teke bi abim éyoñ da sili asu na bi bo mam ma dañe mfi. Kalate Zambe a lebe bia na bi ‘tôte mame ya biyoñ,’ nge ke na bi yeme belan éyoñe jangan.—Lañe’e Beéphésien 5:15, 16.

TUKA’A FAK

Yene’ aval avé ô ne nyoñ mbamba mintyi’an a lat a mimvôman.

3. Sa’ale’e mbia mimvôman

Amu jé bia yiane nyoñ éyoñe ya kôme top mimvômane miangan? Futi’i VIDÉO, mvuse ya valé, yala’ane minsili mi:

VIDÉO: Mimvômane mivé ma yiane top? (4:39)

Aval avé mimvômane mi mbe mi boba’ane Rome ya melu mvus mia funane mimvôman miziñ mia boban den?
Mam mevé Danny a nga yé’é a lat a mimvôman?

Lañe’e Beromain 12:9, mvuse ya valé, yala’ane nsili wu:

Aval avé éfus éte é ne volô wo na ô yeme tobe mimvôman miôé?

Avale mam avé Yéhôva a vini? Lañe’e Minkana 6:16, 17 a Begalate 5:19-21. Éyoñ ô maneya lañ éfus ése ya été, yala’ane nsili wu:

Mam mevé ya bifuse bi bia koone me mimvômane ya den?

Aval avé ô ne yeme tobe mimvômane miôé?

Sili’i womien na:

Jé ma ye koone je été? Ye jam éziñ Yéhôva a vini e ne été?
Abim éyoñ avé? Ye mia mane ma di éyoñ ma yiane belane je asu mam ma dañe mfi?
A za? Ye mimvôman mite mia bo na me yeñ a bôt ba yeme ki Yéhôva?

E ne mfi na bi bo teke subu mbia jam bebé. Jôme te nje bia sa’ale mimvôman mise bia simesane na mia ye ke bo mvo’é asu dangan

4. Bela’an éyoñ jôé a fek

Futi’i VIDÉO, mvuse ya valé, yala’ane nsili wu:

VIDEO: Jé ja nyoñ éyoñe jôé? (2:45)

Akusa bo mojañ ate a nji be a yene’e jam e ne abé, ve aval avé mimvôman mite mi nga ndeñele nye?

Lañe’e Bephilippien 1:10, mvuse ya valé, yala’ane nsili wu:

Aval avé éfus éte ja volô bia na bi tyik abim éyoñ bii lôte na bia vôman?

5. Tobe’e mbamba mimvôman

To’o na mimvôman miziñ mi nji bo mvo’é mise me Yéhôva, ve abui mimvôman afe e ne mvo’é. Lañe’e Ecclésiaste 8:15 a Bephilippien 4:8, mvuse ya valé, yala’ane nsili wu: