BAG I 53

Tshoʼ sa tsʼa tsiañde ntù Yaweh Nsi là

Yaweh Nsi bʼa “Nsi tsiañde.” (1 Timôtio 1:11, nwt-F) A kô mbe be juʼ tsiañde, mbèn ntswe mebwô ntùm yôg ben. A num mbwô i ngelañ be loʼ me ngelañ num nefide wut ben nà. Ntùm yen bag i li, bag bin aʼ yen mba be kuʼni neloʼ zebe ngelañ fide mfaʼ yi bo taʼ mat zʼa bwô i—mbèn ntsiañde ntù i là.

1. Ke zʼa bètte be siañde nu mfà num bwe kà ntshoʼ taʼ sa à?

Ke zʼo num nkô neghù bo yu ngelañ fide à? Tsemoʼ num nkô netswe à ndà, ngù tshu mba—nesiañ taʼ ñwaʼni, nejuʼ kwi, nelôde ngùayen ke nenèn num koñnkùn no. Tsemoʼ kô yub à netôg mbwô ngelañ bo shun—nekate, nda ntse, mbèn ngù sa nzenze. Be tshoʼ neghù mba zit lo, mbʼa bètte be lôde mbʼa “bwô Tshùaben.” (Efésô 5:10) A bwô mbe be juʼ yennà nummbe mbeʼyàm sa ghù ba tshu tse Yaweh Nsi keʼ kô là mba mvamva, tshunu ghàne, ke tshunu ka lo. (Siañ Yobkwi 11:5.) Ke zʼa ywimde ben netshoʼ tseben sa mebwô à?

Be tshoʼ ba shun tse bo kô Yaweh Nsi là, mba bo kuʼni neywimde ben netshoʼ ba sa tsʼa bwô là. Mba be yen ntùm bag i 48 là, “mèn ke njôg boa ghazenu, mbʼa nsi tùʼ nzenu.” Num moʼ bag i, be nke njôg à boa benntùn tse bo keʼ be kô tun ntshùʼ Nsi là, mba bag bin aʼ “[juʼ] kebwô.”—Tànkùt 13:20.

2. Numke a mbʼa ju ndùb nezede num njoñ ngelañ be num njab num sa lʼà?

Be lèn mba ndù Yaweh Nsi keʼ bàn sa tse be tshoʼ là, mbʼa bètte be bàm nà num njoñ ngelañ be num njab num bwe là. Nya ke là, mba bag bin ke bèn ngù ngelañ num tshu tsʼa be tse ndùb là. Ñwaʼni Nsi tshwèt nso kù num ben mbe be “tshuʼ ngelañ.”—Siañ Efésô 5:15, 16.

TSWEʼ NTUN MI

Yen ju ze bʼa ywimdʼo netshoʼ sa mebwô là.

3. Ghuaʼ ba sa tse Yaweh Nsi keʼ kô là

Numke a mbètte be siañde nu kuaʼ mebwô kà ntshoʼ tseben sa à? Lôde LAʼDE NETSHAÑ, mbèn mbùnde tshen mbètte li.

LAʼDE NETSHAÑ: Zit sa me tshoʼ neghù à? (4:39)

Ba sa ba Roma ngelañ mbwe tshwèt mfude tsemoʼ sa sènni à ndùke?
Ntùm laʼde netshañ, ke ze Danny naʼ nziʼdʼà?

Siañ Roma 12:9, mbèn mbùnde yen bètte li:

Be yen nka Ñwaʼni Nsi li ywimdʼo netshoʼ mbwô sa à ndùke?

Tsemoʼ tshu tse Yaweh Nsi num mbàn nà bʼa tsile? Siañ Tànkùt 6:16, 17 bo Galatia 5:19-21. O miagde nesiañ mba zit nka i lo, o bùnde yen bètte li:

Tsit tshu tse bo tunde ntùm tshen nka Ñwaʼni Nsi li bo num njen ntùm ba sa sènni à?

Mba bʼo tshoʼ sa bo zenu là

Bètte wul o mbe:

Ke? Yen sa là ghù taʼ ju ze Yaweh Nsi bàn nà ké?
Se? A tshwèt ndoʼ ngelañ zʼa fe mbe ndù mʼaʼ loʼ ngù tshu ndùb yi ké?
We? A tshwèt ngù mbe me ghebte ke netôg ngelañ bo benntùn tse bo ke tshwèt ngamde Yaweh Nsi là ké?

A bʼa zenu nekagtùn njoñ mba be kuʼni là netswe ngùanesà mbañ nukebwô. A ju zʼa ghù a bètte be ghuaʼ njoñ sa fa tse be yen mbe moʼndù taʼ ju kebwô be ntùm bwe là.

4. Loʼ yu ngelañ mfaʼ yi mebwô

Lôde LAʼDE NETSHAÑ, mbèn mbùnde yen bètte li.

LAʼDE NETSHAÑ: Êtes-vous maître de votre temps? (2:45)

Mba tà ndù yen mvèt li ntùm laʼde netshañ naʼ ke nke ndôdʼà tshu tsʼa bag là, ze ngùtni naʼ mbʼa ke?

Siañ Filipi 1:10, mbèn mbùnde yen bètte li:

Be yen nka Ñwaʼni Nsi li ywimde ben neloʼ mbwô mfiʼ num njoñ ngelañ be yab ntùm sa lʼà ndùke?

5. Tshoʼ ba sa tsʼa bwô Yaweh Nsi là

Yaweh Nsi keʼ be bàn à njoñ sa fa. Siañ Eklésia 8:15 bo Filipi 4:8, mbèn mbùnde yen bètte li:

Ke lèn mbwô sa o num nkô à?

O kuʼni nejuʼ mebwô njam ne nke ngù ba sa tsʼa bwô Yaweh Nsi là

TSEMOʼ BENNTÙN NUM NTSHOB MBE: “Me nke njen ba sa tse mvamva, tshunu ghàne ke ka lo be ntùm bwe là, ndaʼndù ke nke ngù tshen tshu là, mba moʼ ngùtni ke bwe.”