UWUHRẸ AVỌ 53
Salọ Oghẹrẹ Ile gbe Ighe nọ E rẹ Were Jihova
Jihova họ “Ọghẹnẹ evawere na.” (1 Timoti 1:11) Ọ gwọlọ nọ ma wereva je wo omaweromẹ evaọ uzuazọ. O rẹ were iẹe nọ ma te wo oke nọ ma re ro somahọ jẹ zahamaro. Ma te jọ uwuhrẹ nana ruẹ epanọ ma sai ro wo omaweromẹ evaọ oke nọ ma bi somahọ, ma ve je ru eva were Jihova.
1. Eme ma rẹ kareghẹhọ nọ ma tẹ gwọlọ gaviezọ kẹ ile, rri ifimu hayo eware itieye?
Nọ whọ tẹ gwọlọ somahọ, eme whọ be hai ru? Ahwo jọ a rẹ gwọlọ rehọ oke utioye na jọ uwou se obe, gaviezọ kẹ ile, rri ifimu, hayo kpohọ itanẹte. Amọfa a rẹ gwọlọ kuomagbe egbẹnyusu rai nyae gadiẹ igbehru, ya ame, fa ividio gemu hayo ebọro. Oghẹrẹ onọ ma salọ kpobi kẹhẹ, o gwọlọ nọ ma rẹ daoma ruẹ nọ yọ onọ “Olori na ọ jẹrehọ.” (Ahwo Ẹfisọs 5:10) Onana u wuzou gaga keme ile gbe ighe buobu nọ e riẹ nẹnẹ na yọ enọ a be jọ dhesẹ ozighi, ọfariẹ-ogbe, hayo iruẹru-imizi. (Se Olezi 11:5.) Eme o re fiobọhọ kẹ omai salọ emamọ ile hayo ighe?
Ma te mu usu kugbe ahwo nọ a you Jihova, a sae lẹliẹ omai wo emamọ uruemu, a sae jẹ lẹliẹ omai salọ emamọ ile hayo ighe. Wọhọ epanọ ma wuhrẹ evaọ uwuhrẹ jọ nọ o vrẹ na, “ọnọ o bi lele iwareghẹ nya usu o re wo areghẹ.” Rekọ nọ ma tẹ be hae jọ kugbe ahwo nọ izi Ọghẹnẹ e rẹ were he, ma ti “kie ruọ ẹbẹbẹ.”—Itẹ 13:20.
2. Fikieme u ro wuzou re ma muẹrohọ epanọ ma be raha oke te rọ gaviezọ kẹ ile, rri ifimu, hayo eware itieye?
O tẹ make rọnọ emamọ ile gbe ighe ma be hai rri, ma rẹ yọroma re ma gbẹ raha oke fihọ ae ga hrọ họ. O gbẹ rrọ ere he, ma ti wo oke ziezi nọ ma ti ro ru eware nọ e mai wuzou hu. Ebaibol na ọ ta kẹ omai nọ ma “hae rehọ oke [mai] ruiruo evaọ edhere nọ ọ mai woma.”—Se Ahwo Ẹfisọs 5:15, 16.
GBE WUHRẸ EWARE EFA
Wuhrẹ epanọ whọ sae rọ jẹ emamọ iroro evaọ ẹme ile, ighe, gbe oghẹrẹ arozaha nọ whọ rẹ zaha.
3. Whọ gaviezọ kẹ ekpehre ile hayo rri ekpehre ighe he
Fikieme u ro fo re ma romatotọ salọ oghẹrẹ ile gbe ighe nọ ma re rri? Kporo IVIDIO na, kẹsena wha vẹ ta ẹme kpahe enọ nọ e rrọ obotọ na.
-
Oghẹrẹ vẹ erozaha ahwo Rom oke anwae e rọ wọhọ ighe jọ nọ a bi dhesẹ enẹna?
-
Evaọ ividio na, eme Danny o wuhrẹ kpahe ividio gemu gbe eware itieye efa?
Se Ahwo Rom 12:9, kẹsena wha vẹ ta ẹme kpahe onọ nana:
-
Ẹvẹ oria Ebaibol nana o sai ro fiobọhọ kẹ owhẹ salọ emamọ ile, ighe, gbe eware itieye efa?
Eware jọ vẹ Jihova o mukpahe? Se Itẹ 6:16, 17 gbe Ahwo Galesha 5:19-21. Nọ wha te se oria ikere ọvuọvo no, wha vẹ ta ẹme kpahe onọ nana:
-
Eware jọ vẹ a fodẹ evaọ eria Ebaibol nana nọ whọ be hae ruẹ evaọ ighe nọ a bi dhesẹ enẹna?
Epanọ whọ sae rọ salọ emamọ ile, ighe, gbe eware itieye efa
Nọ omara nọ:
-
Eme? Kọ a be jariẹ dhesẹ oware jọ nọ Jihova o mukpahe?
-
Oke vẹ? Kọ o be rehọ oke nọ me re ro ru eware nọ e mai wuzou?
-
Ono? Kọ o be hae lẹliẹ omẹ jọ kugbe ahwo nọ a you Jihova ha?
O mai woma re ohwo ọ kẹnoma kẹ oware nọ o sae wha okpẹtu ze lelele. Fikioye u ro woma re ma kẹnoma kẹ ile, ighe, gbe eware itieye kpobi nọ ma viẹro ku nọ i woma ha
4. Rọ oke ra ruiruo avọ areghẹ
Kporo IVIDIO na, kẹsena wha vẹ ta ẹme kpahe onọ nọ ọ rrọ obotọ na.
-
O make rọnọ oniọvo nọ a dhesẹ evaọ ividio na o je rri ekpehre ighe he, ẹbẹbẹ vẹ o wo fiki eware nọ ọ jẹ rọ oke riẹ ru?
Se Ahwo Filipai 1:10, kẹsena wha vẹ ta ẹme kpahe onọ nana:
-
Ẹvẹ oria Ebaibol nana o sai ro fiobọhọ kẹ omai nọ ma gbẹ raha oke ga hrọ fihọ arozaha ha?
5. Salọ emamọ ile, ighe, gbe eware itieye efa
O make rọnọ u wo oghẹrẹ ile gbe ighe jọ nọ e rẹ were Jihova ha na, u wo emamọ eware arozaha efa buobu nọ e rẹ were iẹe. Se Ọtausiuwoma Na 8:15 gbe Ahwo Filipai 4:8, kẹsena wha vẹ ta ẹme kpahe onọ nana:
-
Oghẹrẹ ile gbe ighe hayo eware itieye vẹ e rẹ were owhẹ?
Whọ sae gaviezọ kẹ emamọ ile, rri emamọ ifimu, jẹ zaha emamọ aro
AHWO JỌ A RẸ TA NỌ: “Oware ovo o jariẹ thọ họ nọ me te bi rri ighe nọ a rẹ jọ dhesẹ ozighi, ọfariẹ-ogbe hayo iruẹru-imizi, nọ orọnọ me bi ru eware nọ a bi dhesẹ na ha.”
-
Eme whọ te ta kẹe?
EME WHO WUHRẸ NO?
Jihova ọ gwọlọ nọ ma salọ emamọ ile, ighe, gbe eware itieye efa.
Ọkiẹkpemu
-
Oghẹrẹ ile gbe ighe vẹ u fo nọ Ileleikristi a rẹ kẹnoma kẹ?
-
Fikieme ma rẹ rọ yọroma kpahe oke nọ ma be raha fihọ ile, ighe, gbe eware itieye efa?
-
Fikieme whọ rọ gwọlọ salọ ile, ighe, gbe eware itieye nọ e rẹ were Jihova?
KIẸ KPAHE EFA
Se kpahe ohwo nọ ọ rẹ vuẹ omai oghẹrẹ ile nọ ma rẹ gaviezọ kẹ hayo ividio nọ ma re rri.
“Kọ Isẹri Jihova A Whaha Ahwo Egagọ Rai Oghẹrẹ Ifimu, Ebe, Hayo Ile Jọ?” (Uzoẹme nọ o rrọ itanẹte)
Se kpahe epanọ whọ sae rọ jẹ emamọ iroro evaọ eware nọ a re ru rọ zaharo hayo ro somahọ.
“Kọ Aruọzaha Ra Ọ be Kẹ Owhẹ Erere?” (Uwou-Eroro Na, Akpe 15, 2011)
Jọ iku nọ uzoẹme riẹ o ta nọ “Mẹ Tubẹ Sae Whaha Ẹzi Omagbẹre nọ Me Wo,” ruẹ oware nọ o lẹliẹ ọzae jọ nwene oghẹrẹ ile nọ ọ jẹ gaviezọ kẹ.
“Ebaibol na O re Nwene Uzuazọ Ohwo” (Uwou-Eroro Na, Ahrẹ 1, 2010)
Rri epanọ oniọmọ jọ ọ rọ jẹ emamọ iroro evaọ ẹme ighe nọ a be jọ dhesẹ iruẹru-imizi.
Enana E Sae jẹ Were Owhẹ
ENỌ NỌ AHWO A RẸ NỌ KẸSE KẸSE
Oghẹrẹ Vẹ Isẹri Jihova A re ro Wuhrẹ Ebaibol Kugbe Ahwo?
Isẹri Jihova a gwọlọ nọ a re wuhrẹ Ebaibol na kugbe owhẹ ọvọvẹ. Yọ nọ a te bi wuhrẹ kugbe owhẹ, whẹ sai se oghẹrẹ Ebaibol kpobi. Whọ sai zizie uviuwou ra soso hayo egbẹnyusu ra re a kuomagbe owhẹ.
