53-ҶІ УРОК
Тынанчатсар даа, Иегованы ӧріндіріңер
Иегова — «часкалығ Худай» (1 Тимофейге 1:11, НТ). Ол пісті чуртасха ӧрінзіннер паза часкалығ ползыннар тіп хынча. Тынанып аларға тус таапчатсабыс, ол ӧрінче. Хайди чахсы тынанып ал турарға, олох туста Иегованы ачырғандырбасха? Пу уроктаң анзын піліп аларбыс.
1. Тынанарға оңдай таллапчатса, нимедеңер ундутпасха кирек?
Сірер хайди тынанарға хынчазар? Кем-де ибде книга хығырып, кӧглер истіп, кино кӧріп алай интернетте хасхланып, тынанып алча. Кем-де нанҷыларынаң хада походха пар килерге, суға сомарға алай ойыннар ойнирға хынча. Хайдағ даа оңдайнаң тынанарға хынчатсабыс, анзы Худайның кӧңніне кірче бе тіп сыныхтирға кирек (Ефестегілерге 5:10). Анзы уғаа аарлығ. Пӱӱнгі ӱтертістерде Иегова хырт кӧрчеткен нимелер уғаа кӧп: кӱстег, сайбах тудыныс паза демонизм. (Псалом 11:5 хығырыбызыңар.) Ӱтертістерні орта таллап ал турарға ниме полызар?
Иеговаа хынчатхан кізілернең нанҷылассабыс, олар піске чахсы ӱтертістерні таллирға полызарлар. Хайди мының алнындағы уроктарның пірсінде чоохталған, «хыйғаларнаң чӧрчеткен кізі хыйға полар» (Притчи 13:20). Че Худайның кӧңнін аарлыға санабинчатхан кізілернең кӧп тус иртірчетсебіс, позыбысха хомай идербіс.
2. Ноға нинҷе тус тынанчатханыбысха хайығ саларға кирек?
Ӱтертісте пір дее хомай ниме чох полза даа, ол ӱтертіске нинҷе тус парыбысчатханнаңар сағынып аларға кирек. Аннаңар сағынмазабыс, аарлығ нимелер идерге тус читпес. Библия піске тусты тузалығ иртірерге чоохтапча. (Ефестегілерге 5:15, 16 хығырыбызыңар.)
ТИРЕҢ АРАХ ХАС КӦРІҢЕР
Тынанҷаң оңдайны таллапчатсабыс, нимені санға аларға кирек? Піліп алыңар.
3. Хомай ӱтертістердең оортах тудыныңар
Ноға ӱтертістерні, чахсы сағынып алып, таллирға кирек? ВИДЕО кӧріп алып, ӱзӱрібізіңер:
-
Пурунғы тустағы гладиаторларның харбазығларына амғы ӱтертістер нименең тӧӧйлер?
-
Дэнни ӱтертістердеңер ниме піліп алған?
Римдегілерге 12:9 хығырып алып, ӱзӱрібізіңер:
-
Хайди пу стихтағы принцип чахсы ӱтертіс таллап аларға полыс пирер?
Иегова нимені хырт кӧрче? Притчи 6:16, 17 паза Галат чиріндегілерге 5:19—21 хығырыбызыңар. Полған на кизекті хығырған соонда, ӱзӱрібізіңер:
-
Пу стихтардағы нимелернің хайзы амғы ӱтертістерде удаа учурапча?
Чахсы ӱтертіс таллап алар ӱчӱн
Позыңнаң сурыбыс:
-
Ниме? Мында Иегова хырт кӧрчеткен ниме пар ба?
-
Хаҷан? Аарлығ нимелерні идерге харығ полча ба?
-
Кемнең хада? Иеговаа хынминчатхан кізілернең удаа тус иртірерге килізер бе?
Хорғыстығ орыннардаң оортах арах тудынарға кирек. Андағох оңдайнаң, ӱтертіс сағаа хомай саринаң теелчетсе, пасха ӱтертіс таллап аларға кирек
4. Тусты хыйға иртіріңер
ВИДЕО кӧріп алып, ӱзӱрібізіңер:
-
Харындас пір дее хомай ниме кӧрбеен. Че ол тузын хыйға иртірген ме? Чарыда чоохтап пиріңер.
Филипптегілерге 1:10 хығырып алып, ӱзӱрібізіңер:
-
Ӱтертістерге нинҷе тус хорадарын піліп аларға пу стихтағы принцип хайди полыс пирер?
5. Чахсы ӱтертістерні таллаңар
Пірее ӱтертістер Иегованың кӧңніне кірбинчелер, че андағ даа полза, тузалығ паза тынанып аларға полысчатхан ӱтертістер кӧп. Экклезиаст 8:15 паза Филипптегілерге 4:8 хығырып алып, ӱзӱрібізіңер:
-
Христианнарға килісчеткен ӱтертістернің хайзы кӧңніңерге кірче?
Тусты хынығ паза тузалығ иртірерге кӧп оңдайлар пар
КЕМ-ДЕ ПІДИ ТІПЧЕ: «Ниме дее кӧрзе, ноо даа ойын ойназа, пасхазы чоғыл. Мин ол киректерні итпинчем нооза».
-
Сірер анзына хайди нандырарҷыхсар?
ӦӦН САҒЫС
Иегова пісті тузалығ, хынығ паза піске хомай итпес ӱтертістерні таллазыннар тіп хынча.
Сағысха хатап кир кӧреелер
-
Хайдағ ӱтертістер христианнарға киліспинчелер?
-
Ӱтертістерге нинҷе тус хоратчатханыбысты ноға сыныхтирға кирек?
-
Ноға Иегованың кӧңніне кірчеткен ӱтертістерні таллирға кирек?
ХОЗА ІСТЕЗІҢЕР
Сірерге хайди тынанарын кем таллирға кирек?
«Иегованың киречілеріне хайдағ-да фильмнер, кинделер алай сарыннар чарадылбинчалар ба?» (веб-статья)
Тынағдаңар чахсы пӧгіннер аларға ниме полыс пирер?
«Тузалығ оңдайнаң тынанчазың ма?» («Сторожевой башня», 15 чарыс айы, 2011 чыл)
Ноға пір ирен ӱтертістерін алыстырыбысханнаңар «Ах кізілерні хырт кӧргенімні тобырып алғам» тіп статьяда хығырып алыңар.
«Библия чуртасты алыстырча» («Сторожевой башня», 1 азығ айы, 2010 чыл)
Ол кӧрчеткен фильм демонизімнең палғалыстығ полчатханын піліп алғанда, пір ипчі хайди тудынғанын кӧріп алыңар.
«Демонизімнең палғалыстығ ӱтертістердең хыйа тудыныңар» (2:02)
Сірерге хынығ полар, арса
УДАА ТУРҒЫЗЫЛЧАТХАН СУРЫҒЛАР
Иегованың киречілері иртірчеткен библейскай курс нимедір ол?
Иегованың киречілерінің Библия нимее ӱгретчеткенін піліп аларға полысчатхан курс пар. Ӱгренчетсер, постарыңның Библияңарнаң тузаланарға паза ӱгредіге сӧбіреңерні паза нанҷыларыңны хығырарға чарир.
