ILINNIAGASSAQ 53
Jehovap nuannarisaanik aliikkutaqartarit
Jehova ‘Guutiuvoq pilluartoq’. (Timuutiusimut 1. 1:11) Pilluarnissarput nuannaarnissarpullu kissaatigigamiuk ilaannikkut sulinata qasuersaarnissatsinnut piffissaqartarnerput nuannaarutigisarpaa. Ilinniagassami matumani sammissavarput sunngiffeqarnerput Jehovap iluarisaanik ineriartornartumillu qanoq atorsinnaagipput.
1. Aliikkutassanik toqqaaniarnitsinni suna eqqaamassavarput?
Qasuersaaraangavit susarpit? Ilaat angerlarsimaannarlutik eqqissisimaarujoornissartik nuannaarutigisarpaat, soorlu atuakkamik atuarlutik, nipilersuutinik tusarnaarlutik, filmimik isiginnaarlutik interneterlutilluunniit. Allallu ikinngutitik sammisaqaqatigissallugit nuannaarutigisarpaat, soorlu qaqqasiorlutik, nalullutik spillerlutilluunniit. Sunilluunniit nuannarisaqaraluarutta “Naalakkap suna iluarinartinneraa” eqqarsaatigisariaqarparput. (Efesossimiut 5:10) Tamanna pingaaruteqarpoq aliikkutassat nuannarineqartut ilarpassui Jehovap maajugisaanik – soorlu nakuusernermik, atoqatigiinnikkut eqqunngitsuliornermik anersaarsiornermillu – imaqartarmata. (Tussiaat 11:5 atuarsiuk). Aliikkutassanik toqqaaniarnitsinni suna iluaqutigissavarput?
Ilinniagassat siuliisa ilaanni sammineqartutut “ilisimasunik peqateqartoq ilisimassuseqalersarpoq”. (Ussatit 13:20) Tassa Jehovamik asannittunik ikinnguteqarutta uagutsinnut sunniuteqarluassapput, aliikkutassanillu toqqaalluarsinnaanerulissaagut. Ikinngutittali Jehovap peqqussutai nuannarinngippatigit Biibilimi ersersinneqartutut ajortumik kinguneqassaaq.
2. Aliikkutassat piffissartorfigivallaarnerlugit sooq eqqumaffigisariaqarparput?
Biibilimi kajumissaarneqarpugut ‘piffissarput pitsaanerpaamik atortassagipput’. (Efesossimiut 5:15, 16 atuarsigit). Taamaattumik aliikkutassagut ineriartornartuugaluartut piffissartorfigivallaarnerlugit eqqumaffigisariaqarparput. Taamaaliunngikkuttami pingaarnerusunut piffissaqarpallaarunnaassaagut.
ITISILIINEQ
Aliikkutassanik qanoq toqqaalluarsinnaasutit paasiniaruk.
3. Ajoqutaasunik aliikkutaqarnaveersaarit
Sooq aliikkutassanik toqqaaniarnitsinni mianersussaagut? VIDEO takusiuk apeqqutillu tulliuttut eqqartorlugit.
-
Itsaq Romami isiginnaartitsivinni sakkulerlutik akersuuttut nalitsinnilu aliikkutat ilaat sunik assigiissuteqarpat?
-
Dannyp aliikkutat pillugit suna paasivaa?
Romamiut 12:9 atuarsiuk apeqqullu una eqqartorlugu:
-
Aliikkutassanik toqqaaniarninni allassimaffik qanoq atorsinnaaviuk?
Jehovap ilaatigut suut maajugai? Ussatit 6:16, 17 aamma Galaatiamiut 5:19-21 atuarsigit. Allassimaffiit ataasiakkaarlugit atuariarlugit apeqqut una eqqartorsiuk:
-
Allassimaffinni eqqaaneqartut suut aliikkutarineqartartuni nalinginnaappat?
Aliikkutassanik qanoq toqqaalluarsinnaasutit
Uku eqqarsaatigikkit:
-
Suua? Jehovap maajugisaanik imaqarpa?
-
Qaqugukkut? Pingaarnerusunut piffissakippallaalerpunga?
-
Kikkut? Jehovamik asanninngitsut qanimut akulikitsumilluunniit attavigisalerpakka?
Navianartorsiorumanata ulorianartut ungasikkusuttarpagut. Taamatuttaaq ajoqutaasinnaasorisatsinnik aliikkutaqarnaveersaassaagut
4. Piffissat atorluartaruk
VIDEO takusiuk apeqqullu tulliuttoq eqqartorlugu.
-
Qatanngutip angutip ajoqutaasumik aliikkutaqanngikkaluarluni suna ajornartorsiutigaa?
Filippimiut 1:10 atuarsiuk apeqqullu una eqqartorlugu:
-
Qasuersaarnermut piffissaq qanoq annertutigisoq atussanerlugu aalajangiiniarnitsinni allassimaffik qanoq iluaqutigisinnaavarput?
5. Ineriartornartunik aliikkutaqartarit
Aliikkutat ilaat Jehovap nuannarinngikkaluarlugit allarpassuit ajorinngilai. Oqaluussisartup oqaasii 8:15 aamma Filippimiut 4:8 atuarsigit apeqqullu una eqqartorlugu:
-
Aliikkutat ineriartornartut suut nuannaraagit?
Nuannarisannik ineriartornartumik aliikkutaqarsinnaavutit
OQARTOQARTARPOQ: “Nakuusernertalinnik, inuunerlunnertalinnik anersaarsiornertalinnilluunniit aliikkutaqarneq uannut sunniuteqanngilaq. Taamaattumik ajortuunngilaq.”
-
Qanoq oqassagaluarpit?
EQIKKAANEQ
Jehovap kissaatigaa ineriartornartunik aliikkutaqarnerput nuannaarutigissagipput.
Uteqqiineq
-
Kristumiut sunik aliikkutaqarnaveersaassappat?
-
Sooq aliikkutassanut piffissaq qanoq annertutigisoq atornerlugu eqqumaffigisariaqarparput?
-
Sooq aliikkutassarsiorninni Jehova nuannaartikkusuppiuk?
NAMMINEQ MISISSUGASSATIT
Aliikkutassanik toqqaanermi kikkut akisussaasuunersut misissoruk.
Aliikkutassanik qanoq toqqaalluarsinnaasutit paasiniaruk.
Oqaluttuami “Uumissuisarunnaarpunga”-mi angutip aliikkutarisartakkani sooq allanngortikkai atuaruk.
“Biibili inuit inuunerannik allannguisitsisarpoq” (Napasuliaq Alapernaarsuiffik-mi allaaserisaq)
Anaanaasoq aliikkutamut anersaarsiornertalimmut tunngatillugu qanoq aalajangiilluartoq takuuk.
Soqutigisinnaasatit allat
APEQQUTIGINEQARTARTUT
Jehovap Nalunaajaasuisa Biibilimik pikkorissartitsinerat suugami?
Jehovap Nalunaajaasuisa Biibilimik pikkorissartitsinerat akeqanngilaq, Biibilimillu nutsigaq sunaluunniit atorsinnaavat. Aamma ilaquttatit ikinngutitilluunniit pikkorissarnermut ilaserisinnaavatit.
