Yova kʉ “hwè dhi Mungu.” (1 Timoteo 1:11) Ke jiri ko é hwè na ndirigoti ko njí maisha hwè. Ke nanga adi jini ji njati ko chʉ ko ronga ro ndirigoti ko ba saa ro ko nyǒ djedha dho ró. I somo nǎ, ko si ngbaribbai ma ko ka ko njinjí ko ronga chʉdha dho ko li ná saa na ngbà thonga ná chulu nari nja ndiro ri bbʉ hwè ko dho ndirigoti Yova dho maddi d’e.

1. Ko nyǒ ko djé ná saa na ká ringani ko ddinga ngbá lo djo?

Ni ká adi riji ni njí addu ni ronga ni chʉ ná saa na? Nja ndrŭ adi riji ndima di abba ma, ndima zø buku ma, ndima rr miziki ma, ndima nja filme ma, inga ndima ro tsu eternete djo ma. Nja ndrŭ adi riji ndima di ddinga ndima dhó kau na ma, ndima ro rá bbibbi ma, ndima rá vɨ ro ma tɨ, inga ndima rá dja ro ma bla. Njati ko vʉ ngbá lo ma ko nyǒ djedha dho ró, ringani ko chu ri tso ká “uni Bboke na ngbà ma nari.” (Waefeso 5:10) Ri kʉ bbo na mana kʉ ná lo ko famu fø lo, dhonalo njʉ bí kʉ ná ndrŭ adi vʉ ndima njanja ma, ndima rr rr ma, inga ndima njinjí ma nari kʉ ndro Yova ndro ná lo. Loroji na føri kʉ jeuri le nji nari ma, uasherati le nji nari ma, inga gó na le loti nari ma na. (Azø Zaburi 11:5.) Ko tsotso ká addu ka ndi kó ndiro ko vʉ ko nyǒ djedha dhi ritsi bblo d’e?

Kodhó kau é ngbà ji Yova ná ndrŭ ró, kpa ka ndima cho ko bblo lo njidha dho ndirigoti kpa ka ndima liri ko vʉ ko nyǒ djedha dhi ritsi bblo. Somo 48 nǎ ko njaeri nari bbai, “nyodyu dhi le na bbí ná le si ngʉ nyodyu.” Ro, njati ko di bbí nzá ji Yova dhó yadha ná ndrŭ na ró, ko “si bani kpakpalo na.”​—Mezali 13:20.

2. Ko nyǒ djedha dho ko lɨ ná saa djo ká ringani ko ddinga bbo addudho?

Ko vʉ ko nyǒ djedha dho nari é bblo kʉ ná ritsi ma ró, ringani ko nja lo bblo ndiro nzɨ ri dzi kodhó saa bbo ró. Njati ko njiri fø nzá ró, ko nzá ka ko ba saa ro bbo na mana kʉ ná lo njidha dho ri. Biblia ripo ko dho, ko “njinjí bblo [kodhó] saa na.”​—Azø Waefeso 5:15, 16.

 4. Anjinjí nyodyu na nidhó saa na

5. Avʉ bblo kʉ ná ritsi ni nyǒ djedha dho

Ni mai ri kʉ fø ro, le nyǒ djedha dhi nja kʉ ná ritsi nzɨ adi hwè bbʉ Yova dho ri, ro hwè ka ndi bbʉ ke dho ná ri kʉ bí. Azø Muhubiri 8:15 ndirigoti Wafilipi 4:8, ndirigoti anitilo i ngadhudha djo:

• Ni ká adi riji ni djé ni nyǒ bblo kʉ ná ngbá ritsi na?

 LO DZÁ DɄNGA

Yova jiri ko vʉ bblo kʉ ná ritsi ko nyǒ djedha dho ndirigoti ko ba hwè ri nǎ ro.

Lo djolu le ngʉ nari

• Wakristo dho ká ringani ndima pʉ ngbà di ná ritsi na ndima ndima nyǒ djé nari ndima ró ro?

• Ká addudho ringani ko nja lo bblo ndiro ko chu ngbabø ma ringani ko ba saa ko nyǒ djedha dho nari d’e?

• Ko nyǒ djedha dho ká ringani ko vʉ ngbà tho Yova nyǒ ná ritsi addudho?