LESON 53
Swazir Bann Divertisman ki Fer Zeova Kontan
Zeova, Li enn “Bondie ere.” (1 Timote 1:11, NW) Li anvi ki nou ere ek ki nou profit lavi. Li kontan kan nou pran letan pou repoz nou ek rilax. Dan sa leson-la, nou pou gete kouma nou kapav profit sa bann moman-la pou fer nou dibien ek anmemtan fer Zeova kontan.
1. Lor ki kitsoz nou bizin reflesi avan ki nou swazir nou bann divertisman?
Ki ou kontan fer pou rilax? Ena ki kontan res lakaz trankil pou lir enn liv, ekout lamizik, get enn fim ouswa al lor Internet. Lezot kontan fer bann kitsoz avek zot bann kamarad, kouma par exanp grinp montagn, naze, ouswa zwe football. Ninport ki divertisman nou kontan, nou bizin fer sir ki nou swazir bann divertisman ki “fer Bondie plezir.” (Efezien 5:10) Li bien inportan ki nou konpran sa, parski dan laplipar bann divertisman azordi, ena bann kitsoz ki Zeova deteste kouma par exanp, laviolans, limoralite sexiel, ouswa bann kitsoz demoniak. (Lir Psom 11:5, NW.) Ki kitsoz kapav ed nou pou bien swazir nou bann divertisman?
Si nou swazir bann kamarad ki kontan Zeova, zot kapav ena enn bon linflians lor nou ek lor bann divertisman ki nou pou swazir. Kouma nou finn trouve dan Leson 48, “enn kikenn ki mars avek bann dimounn ki ena lasazes pou gagn lasazes.” Me parkont, si enn kikenn souvan frekant bann dimounn ki pa kontan bann prinsip Zeova, “sa pou mal fini pou li.”—Proverb 13:20.
2. Kifer li inportan ki nou get bien kantite letan ki nou pase dan nou bann divertisman?
Mem si Zeova kontan bann divertisman ki nou swazir, nou bizin fer bien atansion lor kantite letan ki nou pase dan sa bann divertisman-la. Sinon, kitfwa nou pa pou ena ase letan pou bann aktivite ki pli inportan. Labib ankouraz nou pou “servi bien tou bann lokazion ki prezant devan [nou].”—Lir Efezien 5:15, 16.
ANOU GET INPE PLIS
Ou pou aprann kouma ou kapav pran bann bon desizion konsernan ou bann divertisman.
3. Rezet bann divertisman ki pa bon
Kifer nou bizin fer bien atansion kan nou swazir nou bann divertisman? Zwe VIDEO-la, ek apre sa, get sa bann kestion-la ansam:
-
Dan ki fason bann divertisman ki ti existe lontan dan Rom parey kouma sertin divertisman azordi?
-
Dan sa video-la, ki Danny ti aprann konsernan bann divertisman?
Lir Romin 12:9, ek apre sa, get sa kestion-la ansam:
-
Kouma sa verse-la kapav ed ou kan ou bizin swazir enn divertisman?
Ki sertin kitsoz Zeova deteste? Lir Proverb 6:16, 17 ek Galat 5:19-21. Apre ki ou’nn lir sak verse, get sa kestion-la ansam:
-
Ki bann kitsoz ki mansione dan sa bann verse-la ou trouve dan bann divertisman azordi?
Kouma ou kapav swazir bien ou bann divertisman?
Reflesi lor sa bann kestion-la:
-
Ki kitsoz? Eski ladan ena enn kitsoz ki Zeova deteste?
-
Kan? Eski sa pou pran letan lor bann kitsoz ki pli inportan?
-
Avek kisannla? Eski mo pou pas letan avek bann dimounn ki pa kontan Zeova?
Pou nou sekirite, nou pou res lwin ar bann kitsoz ki danzere. Dan mem fason, nou bizin res lwin avek ninport ki divertisman ki paret pa bon pou nou
4. Servi bien ou letan
Zwe VIDEO-la, ek apre sa, get sa kestion-la ansam:
-
Mem si sa frer-la pa ti pe get nanye demal, ki kitsoz ti vinn enn problem pou li?
Lir Filipien 1:10, NW, ek apre sa, get sa kestion-la ansam:
-
Kouma sa verse-la kapav ed nou pou deside ki kantite letan nou pou pase dan nou bann divertisman?
5. Swazir bann bon divertisman
Mem si Zeova pa kontan sertin divertisman, ena boukou lezot divertisman ki bon ek ki Li kontan. Lir Ekleziast 8:15 ek Filipien 4:8, ek apre sa, get sa kestion-la ansam:
-
Ki bann bon kitsoz ou kontan fer pou diverti ou?
Ou kapav profit bann bon divertisman
SERTIN DIMOUNN DIR: “Pena nanye demal si dan mo bann divertisman ena laviolans, limoralite, ouswa bann kitsoz demoniak, tanki ki mo pa fer sa bann kitsoz-la.”
-
Ki ou ti pou dir?
SEKI NOU’NN APRANN
Zeova anvi ki nou swazir ek profit bann divertisman ki bon.
Eski Ou Rapel?
-
Ki bann divertisman bann Kretien bizin rezete?
-
Kifer nou bizin fer bien atansion lor kantite letan ki nou pase dan nou bann divertisman?
-
Kifer ou anvi swazir bann divertisman ki Zeova kontan?
DEKOUVER
Kisannla bizin swazir nou bann divertisman?
“Eski Ena Bann Fim, Liv Ouswa Sante ki Bann Temwin Zeova Interdi?” (Lartik lor jw.org)
Gete kouma ou kapav pran bann bon desizion konsernan bann divertisman.
“Eski ou bann divertissement faire ou gagne bann bienfait?” (Latour Degard, 1e Oktob 2011)
Dan lartik “Mo finn surmonte mo bann prejugé,” gete kouma enn misie finn swazir bann lezot divertisman.
“Labib Sanz Bann Dimounn” (Latour Degard, 1e Mars 2010)
Gete kouma enn mama finn fer bann bon swa konsernan so bann divertisman ki ti ena enn lien avek bann kitsoz demoniak.
Ena Osi
KESTION KI POZE SOUVAN
Ki sa Inplike Etidie Labib Avek Bann Temwin Zeova?
Bann Temwin Zeova ofer bann letid Labib gratis, ek ou kapav servi ninport ki version Labib ki ou anvi. Santi ou lib pou invit bann manb ou fami ouswa bann kamarad ki ou anvi.
