LÉZIʼI 53
Tsôʼô lé kièʼté nnè yié a poŋo Jéova
Jéova aa «Ssé lékag» (1 Timoté 1:11). A né nkouŋo ngié pégé jouʼ mboŋo mbing njʉo pi na léwô. A gwiée lékag lé gia paʼ pégé pii tam lé lôg nzuièté mbing nkièʼté nnè. Pégé gé giè tsèe sôôn léziʼi paʼ ngouo pégé yousé tam wuié pégé lôg nkièʼté nnè na nti yié é gé poŋo wégé, éping poŋo Jéova.
1. Pégé gwiée lé kimté kô fʉʼ yié pégé né ntsôʼô mmo yié pégé gé lôg kièʼté nnè?
O kouŋo lé gʉo kô ndôg nkièʼté nnè? Tso pʉa kouŋo lé néŋé mbʉa pôb ntoŋo taʼ ŋwaʼné, nzuiʼté muzik, ndié taʼ filme, ka ngʉa po tsèe intèenet wôô. Tso pʉa kouŋo lé gʉo tso méfaʼ, ka lé gʉo sport né méchouou wô. Pégé lôôn nkoung po yèe nti wô, mba pégé gwiée lé tsôʼ mégʉa mié é «poŋo Tchʉapʉa» (Éféso 5:10). Yèe pou ngouo tʉnzuing nti noué lélʉo choum lôg nkièʼté nnè kuingté po choum sié é pʉaga Jéova paʼ, lébat, méno mpfouôʼ, po lékang (toŋo Zôbô ntsé 11:5). Ngouo kô kuiété wégé lékièʼté nnè na nti yé mboŋo?
Pégé lôôn ntsôʼ méchou pié é kouŋo Jéova, mba angouo po kuiété wégé lé kièʼté nnè na nti yé mboŋo. Paʼ pégé la giè na two léziʼi 48, «gning wuié a ying lé nzséno gé tchʉʼ yé nzséno». Taʼ gning paa pʉa pié po té gouʼté Jéova wô lôôn nzôg tèʼ, mba a gé «gwiée ngégé» (Provèebe 13:20).
2. Nti kô aa tʉnzuing lé lié nzuing tam wuié pégé lôg nkièʼté nnè?
Aa mbong lé tsôʼ mégʉa mboŋo, taʼ, pégé té gwiée lé néŋé tam tèʼ na mégʉa wô. Nti noué pégé lôôn ngʉo pouʼou, mba pégé té ying ngwiée tam wuié pégé gé lôg faʼ méfaʼ mié é pou mboŋo tʉnzuing wô. Biible kuingté wégé ngié «pégé zsé lé zuièʼ mélièʼè laʼ mié Ssé naa né pégé» (toŋo Éféso 5:15, 16).
YING NKUIʼI NZIʼI
Gia paʼ yié ngouo o tchouŋo ntsôʼ mégʉa mou pouʼou.
3. Pégé gwaʼa lékièʼtée nnè wé tépong
Pégé gwiée lé tchouŋo ntsôʼ choum sié pégé lôg nkièʼté nnè nti kô? Tsôʼô VIDÉO, mbing ngôôn no na ménzaté mié ée mvfo.
-
Ée yèe ntémté yié ée tsétsèe mécombat gladiateur mé fʉʼʉ mvfo po tso choum lôg nkièʼté nnè sé lièʼôôn?
-
Danny la ziʼi kô na choum lôg nkièʼté nnè?
Toŋo Roma 12:9, mbing ngôôn no na yôôn nzaté:
-
Ngouo wôôn nkang ŋwaʼné kuiété wou lékô lé tsôʼ choum mboŋo sié o gé lôg kièʼté nnè?
Ée sèe choum sié Jéova pʉa? Toŋo Provèebe 6:16, 17 po Galatia 5:19-21. O lôôn ntong wèe wèe nkang ŋwaʼné wô, o gôôn no na yôôn nzaté:
-
A gʉa na choum sié mé tʉʉ tsèe môôn ménkang ŋwaʼné, ée sèe sié mé waa ngiè lièʼôôn tsèe mégʉa?
Ménzèté mié ngouo é kuiété wou
Zaté yôôn nti ménzèté two wou:
-
Aa kô? Ta é gwiée choum sié Jéova pʉa?
-
Fʉʼ kô? Ta é né ntaté wôôn lé faʼ méfaʼ mié é pou mboŋo tʉnzuing?
-
Wôô? Ta é gʉo méng tchʉʼ ngouaté po pʉa pié po té kouŋo Jéova wô kée?
Aa tʉnzuing lé thié ngʉa chʉchʉa na léjʉôʼ. Aa yèe ta pégé gwiée lé pôôn ménti lé lôg nkièʼté nnè mié pégé zsée ngié é té pong.
4. Tchouŋo yousé tam wou
Tsôʼô VIDÉO, mbing ngôôn no na nzaté yié ée mvfo.
-
Fè wégé la té né ndié tso mmo yié a pʉag wô, ta lôôʼ laa nzôô?
Toŋo Filipo 1:10, mbing ngôôn no na yôôn nzaté:
-
Ngouo wôôn nkang ŋwaʼné kuiété wégé lé tʉôgô tam wuié pégé gé lôg nkièʼté nnè lékô?
5. Tsôʼ mégʉa mié é pong
Tso mégʉa té poŋo Jéova wô, taʼ tso mégʉa ta ngiôôn poŋo yé. Toŋo Ékléziaste 8:15 po Filipo 4:8, mbing ngôôn no na yôôn nzaté:
-
Ée mèe mégʉa mboŋo mié o koung?
Ngouo o kouaʼ njʉo pi na lékièʼtée nnè wé mboŋo.
TSO PɄA GÔÔN NGIÉ: «A té pʉag lé lôg mégʉa mié é lié lépat, ngʉo no mpfouôʼ, po lékang ndôg nkièʼté nnè wô nti noué nté gʉo sèe choum wô.»
-
Ta o kouang jou ngié kô?
TA O ZIʼII KÔ?
Jéova né nkouŋo ngié pégé tsôʼ mégʉa mboŋo mié é té pʉag ndôg nkièʼté nnè.
Ta o né nkimté?
-
Ée mèe mégʉa mié taʼ Kréeté gwiée lé waʼ?
-
Nti kô pégé gwiée lé tsaasé nzuing tam wuié pégé lôg nkièʼté nnè?
-
Nti kô pégé gwiée lé tsôʼô choum sié é poŋo Jéova lé lôg nkièʼté nnè?
KUIʼI FAʼ
Awô gwiée lé tsôʼ choum sié pégé gé lôg kièʼté nnè?
Méntʉôgô mboŋo lé lôg ntchouŋo ntsôʼ mégʉa.
« Comment se détendre sainement ? » (La Tour de Garde, 15 octobre 2011)
Pité tsoo mouô mbaŋa wuié a la koubé wé nti lôg nkièʼté nnè. Biographie « Jʼai même surmonté mes prégugés ».
« La Bible transforme des vies » (La Tour de Garde, 1er février 2010)
Tsoo mama gʉo lékô fʉʼ yié a né ngia taʼ film wuié a gwiée lékang?
