MUTU 53
Sankhani Zosangulusha Zokondwelesha Yehova
Yehova ni “Mulungu wacimwemwe.” (1 Timoteyo 1:11) Ofuna kuti nase tikonkhala acimwemwe nosangalala na umoyo. Okondwela ngati tupatula nthawi yopumula nosangalalako. M’mutu uno, tione mwatingaseŵenzeshele nthawi yasu yopumula m’njila yokhutilisha na yokondwelesha Yehova.
1. N’cinji catufunika kuganizila posankha zosangulusha?
Kansi mukonda kucita cinji pa nthawi yopumula? Ayakine okonda tyala kunkhala pa ng’anda. Akankhala pa ng’anda, okonda kuŵelenga mabuku, kumvwililila nyimbo, kutamba TV kapena kuŵelenga zinthu pa intaneti. Pamene ayakine okonda kuyosoŵela na ayao, monga kuchova njinga, kunyaya olo kuchaya nsolo. Zosangulusha zilizonse zatingasankhe, tufunika kusimikizhyila kuti “n’zovomelezhyeka kwa Asikulu.” (Aefeso 5:10) N’cinthu cofunika ngako kumvwisha mfundo iyi, cifukwa vosangulusha vinyinji vakukonda ŵanthu masiku ŵano, vuonesha vinthu vakuzonda Yehova monga ciwawa, ciwelewele olo vamizimu. (Ŵelengani Salimo 11:5.) N’cinji cingatiyavye kupanga zosankha mwanzelu pa nkhani ya zosangulusha?
Ngati tukondana na ŵala okonda Yehova, angatilimbikishe kusankha zosangulusha mwanzelu. Monga ni mwetephunzilila m’Mutu 48, “munthu wamene oyenda na ŵanthu anzelu, onkhala wanzelu.” Koma ngati tukondana na ŵanthu amene okonda lini mfundo za Mulungu, ‘tingakumane na mavuto.’—Miyambo 13:20.
2. Ndaŵa yanji tufunika lini kutaila nthawi yasu ikulu pa zosangulusha?
Olo kuti zosangulusha zatukonda ni zabwino, tufunika lini kutaila nthawi yasu ikulu pa zosangulusha, cifukwa tingasoŵe nthawi yocita zinthu zofunika ngako. Baibo yutilimbikisha ‘kuseŵenzesha bwino nthawi yasu.’—Ŵelengani Aefeso 5:15, 16.
PHUNZILANI ZINYINJI
Onani mwamungapangile zosankha mwanzelu pa nkhani ya zosangulusha.
3. Pewani zosangulusha ziipa
Ndaŵa yanji tufunika kunkhala osamala posankha zosangulusha? Onelelani VIDYO, nokambilana makonsho okonkhapo.
-
Kansi zosangulusha za masiku ŵano zulingana tyani na masoŵela amene enzocitika mumzinda wakale wa Roma?
-
M’vidyo iyi, kansi Danny ephunzila cinji pa nkhani ya zosangulusha?
Ŵelengani Aroma 12:9, nokambilana konsho iyi:
-
Kansi lemba iyi ingakuyavyeni tyani kusankha zosangulusha zabwino?
Kansi viyakine mwa vinthu vakuzonda Yehova ni votyani? Ŵelengani Miyambo 6:16, 17 na Agalatiya 5:19-21. Mukaŵelenga lemba iliyonse, kambilanani konsho iyi:
-
Pa vinthu vatomolewa pa lemba iyi, ni votyani vuoneshewa m’vosangulusha va masiku ŵano?
Makonsho amene angakuyavyeni kusankha zosangulusha mwanzelu
Zikonsheni kuti:
-
Kansi zosangulusha izi zuonesha vinthu vakuzonda Yehova?
-
Kansi zosangulusha izi zunilyela nthawi yocita zinthu zofunika ngako?
-
Kansi zosangulusha izi zicitishe kuti nikocita zinthu na ŵanthu osakonda Yehova?
Tufunika lini kucitila lona kuika moyo wasu pangozi. Tetyo, tufunika kupewa zosangulusha zilizonse zamene zingaike umoyo wasu wauzimu pangozi
4. Seŵenzeshani bwino nthawi yanu
Onelelani VIDYO, nokambilana konsho yokonkhapo.
-
M’vidyo iyi, mkwasu enzoonelela lini zosangulusha ziipa. Koma kansi vuto yenze pani?
Ŵelengani Afilipi 1:10, nokambilana konsho iyi:
-
Kansi lemba iyi ingatiyavye tyani kuona nthawi yatuseŵenzesha pocita zosangulusha?
5. Sankhani zosangulusha zabwino
Olo kuti zosangulusha zinyinji n’zosakondwelesha Yehova, zilipo ziyakine zabwino zatingasangalale nazo. Ŵelengani Mlaliki 8:15 na Afilipi 4:8, nokambilana konsho iyi:
-
Ni zosangulusha zabwino zotyani zamukonda?
Mungasangalale na zosangulusha zabwino
ŴANTHU AYAKINE OKAMBA KUTI: “Paliye vuto kuonelela vosangulusha vamene vuonesha vaciwawa, vaciwelewele olo vamizimu, malinga ngati neo nuvicita lini.”
-
Mungayankhe kuti tyani?
MFUNDO ZACIDULE
Yehova ofuna kuti tikosangalala na zosangulusha zabwino.
Kuwelezhya mfundo zikulu-zikulu
-
Ni zosangulusha zotyani zakufunika kupewa Akhristu?
-
Ndaŵa yanji tufunika kunkhala osamala na nthawi yatuseŵenzesha pocita zosangulusha?
-
Ndaŵa yanji mufunika kusankha zosangulusha zokondwelesha Yehova?
FUFUZANI
Onani ngati pali munthu ofunika kutipangila zosankha pa nkhani ya zosangulusha.
“Kansi Muli na Lamulo Yolesha Mavidyo Ayakine, Mabuku Ayakine Olo Nyimbo Ziyakine?” (Nkhani yupezeka tyala pa webusaiti)
Onani mwamungapangile zosankha mwanzelu pa nkhani ya zosangulusha.
“Kansi Zamucita pa Nthawi Yosangalala ni Zopindulisha?” (Nsanja ya Olonda, October 15, 2011)
M’nkhani yakuti “Neleka Kuzondana na Azungu,” onani zeyavya munalume muyakine kucinja zosangulusha zeenzokonda.
“Baibo Yucinja Umoyo wa Ŵanthu” (Nsanja ya Olonda, February 1, 2010)
Onani mwamene amama epangila cosankha canzelu pa nkhani ya zosangulusha zamene zenzoonesha zamizimu.
