Jehofa ke “Modimo yo a thabilego.” (1 Timotheo 1:​11) O nyaka gore le rena re thabe e bile re ipshine ka bophelo. O a thaba ge a bona re fela re khutša mešomong ya rena gomme re itapološa. Thutong ye, re tlo bona gore re ka dira eng gore re šomiše nako yeo re itapološago ka yona ka tsela e thabišago, e kgotsofatšago le yeo e tlago go dira gore Jehofa a thabe.

1. Re swanetše go dula re gopola eng ge re kgetha boithabišo?

Wena o rata go dira’ng ge o ithabiša? Batho ba bangwe ba rata go ithabiša ka go no itulela ka gae, gomme ba bala dipuku, ba theetša mmino, ba bogela dimubi goba ba tsena Inthaneteng. Mola ba bangwe ba rata go dira dilo tše itšego ba na le bagwera ba bona. Ba dira dilo tša go swana le go bogela dipapadi thelebišeneng, goba go bapala di-game. Eupša go sa šetšwe gore re dira eng ge re ithabiša, re swanetše go dula re kgetha dilo tšeo di “amogelegago go Morena.” (Baefeso 5:​10) Go bohlokwa gore re kwešiše taba ye ka gobane boithabišo bjo bontši bjo bo tumilego lehono, bo na le dilo tšeo Modimo a di hloilego. Dilo tša go swana le bošoro, go itshwara gampe ka tša thobalano goba boloi. (Bala Psalme 11:5.) Re ka thušwa ke’ng gore re kgethe boithabišo gabotse?

Ge e ba re kgetha bagwera bao ba ratago Jehofa, ba ka re thuša gore re kgone go kgetha boithabišo bja rena gabotse. Ka ge re šetše re kwele thutong e fetilego, “yo a sepelago le ba bohlale o tla hlalefa, eupša yo a gweranago le ditlaela o tla tshereana.” Se se ra gore ge e ba re gwerana le batho bao ba sa ratego go phela ka melao ya Modimo, ‘re tlo tshereana.’​—Diema 13:20.

2. Ke ka baka la eng go le bohlokwa gore re kgone go laola nako yeo re e fetšago re ithabiša?

Le ge re tseba gore Jehofa ga a na bothata le boithabišo bjo re bo kgethago, re swanetše go hlokomela gore ga re fetše nako e ntši re itapološa. Go sego bjalo, re ka no se hwetše nako e ntši ya go dira dilo tše bohlokwa kudu. Beibele e re kgothaletša gore re “diriše nako ya [rena] ka bohlale.”​—Bala Baefeso 5:​15, 16.

 4. Diriša nako ya gago gabotse

Bapalang BIDIO ye, gomme le boledišaneng ka potšišo e latelago:

5. Kgetha boithabišo bjo bobotse

Le ge dilo tše dingwe tšeo re ithabišago ka tšona di sa thabiše Jehofa, go na le dilo tše dintši tšeo re ka ithabišago ka tšona. Balang Mmoledi 8:​15, gomme le boledišaneng ka potšišo ya ka mo fase. Balang le Bafilipi 4:​8, gomme le boledišaneng ka potšišo e latelago:

• Ke boithabišo bofe bjo bobotse bjo wena o bo ratago?

 O ITHUTILE ENG?

Jehofa o nyaka gore re kgethe boithabišo gabotse bjo re tlago go ipshina ka bjona.

Dipotšišo

• Ke boithabišo bofe bjo Bakriste ba sego ba swanela go itloša bodutu ka bjona?

• Ke ka baka la’ng re swanetše go hlokomela gore re fetša nako e kaakaa’ng re ithabiša?

• Ke ka baka la’ng o nyaka go kgetha boithabišo bjo bo thabišago Jehofa?