ЛЕКЦИЈА 53
Бирин забава која сој тани угодно е Јеховаске
О Јехова тано „бахтало Девел“ (1. Тимотеј 1:11). Ов мангела амен да те ова бахтале, те уживина ко живото хем те аракха време башо одмор таро секојдневна обврске. Ки акаја лекција ка сикљова сар шај мудро те користина амаро слободно време хем сар шај те бирина забава колате со ка уживина, ама која со ко исто време ка овел прифатливо е Јеховаске.
1. Башо со ваљани те размислина англедер те бирина забава?
Со обично кереа кеда мангеа те опуштине тут? Несаве мангена те накхавен пумаро слободно време бешиндор кхере хем те читинен лил, те шунен музика, те дикхен несаво филми или нешто ко интернет. А јавера повише мангена те икљовен те пхирен пумаре амаленцар хем те спортујнен. Бизи разлика со повише мангаја те кера, ваљани те ова сигурна кај адава со кераја ко амаро слободно време тано „прифатливо е Господареске“ (Ефешаните 5:10). Адава тано важно соске ко побаро дело тари забава авдиве, иси буќа кола со о Јехова мрзинела сар на пример, насилство, сексуално неморал или спиритизам. (Читин Псалм 11:5.) Со ка поможинел аменге мудро те бирина амари забава?
Ако иси амен амала со мангена е Јехова, ола шај шукар те влијајнен упри аменде хем упро адава сави забава ка бирина. Сар со сиклилем ки 48 лекција и Библија вакерела: „Кој џала мудра манушенцар, мудро ка овел“. Тари јавер страна, кој редовно дружинела пе манушенцар кола со на мангена е Девлескере мерилија, „лошно ка накхел“ (Изреки 13:20).
2. Соске тано важно те пазина кобор време трошинаја ки забава?
Чак ако и забава со биринѓем нане против е Јеховаскере мерилија, сепак ваљани те пазина кобор време трошинаја ки лате. Ако на кераја адава, тегани шај нане те овел амен доволно време башо поважна буќа. И Библија поттикнинела амен: „Шукар користинен тумаро време“. (Читин Ефешаните 5:15, 16.)
ДОЗНАЈН ПОВИШЕ
Сикљов сар те ане шукар одлуке баши тли забава.
3. Избегин и лошно забава
Соске ваљани шукар те бирина амари забава? Дикх о ВИДЕОКЛИПИ, а пало адава керен лафи башо акала пучиба:
-
Сар несаве авдисутне забаве личинена ко гладијаторска борбе таро пурано Рим?
-
Со сиклило о терно пхрал баши забава?
Читин Римјаните 12:9, а пало адава керен лафи башо акава пучибе:
-
Сар шај акава стихо те поможинел туке те бирине шукар забава?
Кола тане несаве буќа со мрзинела о Јехова? Читин Изреки 6:16, 17 хем Галатите 5:19-21. Пало секова стихо керен лафи башо акава пучибе:
-
Кола таро буќа сој спомниме ко акала стихија иси ки авдисутни забава?
Сар шај мудро те бирине тли забава?
Пуч тут:
-
Со? Дали ки адаја забава иси буќа кола со о Јехова мрзинела?
-
Кеда хем кобор? Дали адаја забава лела мандар време таро поважна буќа?
-
Касаја? Дали адаја забава ка керел ман те овав попаше хем почесто е манушенцар кола со на мангена е Јехова?
Дали би возинеа ки ивица таро акава планинско друмо? Сигурно на! Слично аѓаар, мудро тано те избегина секоја забава со шај лошно те влијајнел упри аменде
4. Мудро користин тло време
Дикх о ВИДЕОКЛИПИ, а пало адава керен лафи башо акава пучибе:
-
О пхрал таро видеоклипи на дикхела сине ништо лошно, ама со сине лескоро проблеми?
Читин Филипјаните 1:10, а пало адава керен лафи башо акава пучибе:
-
Сар акава стихо шај те поможинел аменге те одлучина кобор време ка накхава ки забава хем ки рекреација?
5. Бирин шукар забава
Сар со сиклилем џи акана, нане секоја забава прифатливо е Јеховаске. Сепак, иси бут врсте забаве коленде со шај те уживина. Читин Проповедник 8:15 хем Филипјаните 4:8, а пало адава керен лафи башо акава пучибе:
-
Кола буќа мангеа те кере ко тло слободно време?
Иси бут врсте забаве хем рекреацие коленде со шај те уживине
НЕСАВЕ ШАЈ ВАКЕРЕНА: „Нане ништо лошно те бирине забава коте со иси насилство, неморал или спиритизам, са џикоте на кереа адала буќа“.
-
Со ка вакере ту?
СО СИКЛИЛЕМ
О Јехова мангела те бирина шукар забава хем те уживина ки лате.
Сар ка одговорине?
-
Сави забава ваљани те избегина?
-
Соске ваљани те пазина кобор време трошинаја ки забава?
-
Соске мангеа те бирине забава која сој угодно е Јеховаске?
ИСТРАЖИН
Дикх кој ваљани те биринел тли забава хем рекреација.
„Дали Јеховините сведоци забрануваат одредени филмови, книги или песни?“ (интернет статија)
Дикх сар шај те ане шукар одлуке кеда керела пе лафи баши забава.
„Како да избереме добра разонода?“ (Стражарска кула таро 15 октомври 2011)
Ко искуство е насловеа „Ги надминав дури и предрасудите“, читин соске јекх мануш менинѓа пли забава.
„Библијата менува животи“ (Стражарска кула таро 1 февруари 2010)
Дикх сар јекх дај анела мудро одлука баши пли забава.
Шај исто ка интересинел тут
НАЈЧЕСТА ПУЧИБА
Сар изглединела о библиско курси со нудинена е Јеховаскере сведокија?
Џикоте икерела пе о бесплатно библиско курси, шај те користине било кова превод тари Библија. Ко курси шај те канине некас тари тли фамилија или несаве амале.
