SIKAIMOS 53
So keras kana hodinis trobul te plachal ka o Jehova
O Jehova si iek Del veselime (1 Timoteo 1:11, NWT). Vo kamel te avas veselime ai te avel amen iek lasho traio. Leske drago te hodinis anda amari buki ai te las vriama te keras so plachal amen. Ande kako sikaimos si te dikhas sar te alosaras mishto amari vriama te hodinis ai te avel drago le Devleske sa so keras.
1. Kana si amen vriama te hodinis, so trobus te las sama?
Sar plachal tu te hodinis? Uni manush si lenge drago te beshen khere ai te chiton iek libro, te ashunen muzika, te dikhen videuria ai te thonpe po internet. Aver si lenge drago te aven penge amigonentsa, te zhan te phiravenpe vai te zhan po pai. Fersavi prama kai alosarasa trobul te plachal le Devles (Efisiana 5:10). Sostar trobus te seras kako? Ke le Devleske nai vorta but andal prame kai alon le manush kana si len vriama, ke dikhiol sar marenpe, prame sexuales bimalade vai farmichi (chito Salmo 11:5). So si te azhutil amen te alosaras mishto?
Te alosarasa amiguria kai kamen ka o Jehova si te azhutin amen te alosaras mishto so te keras amara vriamasa. Sar sikiliam ando sikaimos 48, “kon phirel le jarane manushentsa kerdiola jarano” ai o manush kai si le manushentsa kai chi len opre so sikavel o Jehova “si te zhal leske nasul” (Proverbios 13:20).
2. Sostar trobus te las sama sode vriama hodinis?
Makar chi avela khanchi nasul andel prame kai plachal amen, chi trobus te mekas te len amendar but vriama. Te avela gadia chi si te avel amen vriama te keras le prame mai bare. E Biblia phenel amenge te keras so si mai mishto amara vriamasa (chito Efesios 5:15, 16, NWT).
TE MAI SIKIOS
Aida dikhas sar te alos mishto so te keres kana hodinis.
3. Durio katar so shai kerel tuke nasul
Sostar trobus te las sama so alosaras? Dikhen o VIDEO ai den duma pa:
-
De dumut le romanuria zhanas te dikhen sar marenaspe le manush, ande soste si sa iek fialo so dikhen le manush agies?
-
Pa so dikhliam ando video, so sikilo o Danny?
Chiton Romanos 12:9 [NWT] ai den duma pa:
-
Sar azhutil amen kako verseto te las sama so te keras kana si amen vriama?
Save si uni prame kai nai vorta angla le iakha le Devleske? Chiton Proverbios 6:16, 17 ai Gálatas 5:19-21 [NWT]. Polme te chiton suako verseto den duma pa:
-
Save prame kai chitosardian dikhion ande so dikhen ai ashunen le manush agies?
So te alosaras kana si amen vriama
Shai pushes tu:
-
Si prame kai nai drago le Devleske?
-
Len tutar vriama katar aver prame mai bare?
-
Si te avau but vriama manushentsa kai chi kamen ka o Jehova?
Te avas mishto trobus te duriuvas katar le prame kai shai keren amenge nasul. Sa iek fialo trobus te las sama so keras kana hodinis te na kerel amenge nasul.
4. Alosar mishto so te keres kira vriamasa
Dikhen o VIDEO ai den duma pa:
-
Makar o phral anda o video chi kerelas khanchi nasul, sar dikhiol ke chi azhutilas les so kerelas peska vriamasa?
Chiton Filipenses 1:10 [NWT] ai den duma pa:
-
Sar azhutil amen kako verseto te alosaras mishto sode vriama si te keras vareso kai plachal amen?
5. Alosar prame kai keren tuke mishto
Zhanas ke le Devleske si but prame kai chi plachan les, numa si aver prame kai plachan les ai shai keras len kana si amen vriama. Chiton Eclesiastés 8:15 ai Filipenses 4:8 [NWT], ai den duma pa:
-
Save prame lashe plachan tu te keres?
UNI MANUSH PHENEN: “Nai khanchi nasul te dikhau vai te ashunau prame kai si len farmichi, kai marenpe vai prame sexuales bimalade”.
-
So gindis pa gado?
SO DIKHLIAM
So keras kana si amen vriama trobul te plachal ka o Jehova. Vo kamel te alosaras prame lashe ai kai keren amenge mishto.
So sas te mothos?
-
Save prame chi alosaren te keren le kristianuria kana si len vriama?
-
Sostar trobus te las sama te na len amendar but vriama le prame kai plachan amen?
-
Kana si tu vriama, kames te keres prame kai plachan ka o Jehova? Sostar?
SHAI DIKHES VARESO MAI
Kon trobul te alosarel so te keras amara vriamasa?
Chito sar te alosares mishto so te keres kana si tu vriama.
“Kerel amenge mishto so alosaras kana si amen vriama?” (La Atalaya, 15 anda o octubre, 2011)
Dikhta sostar iek manush meklias uni prame ai phendias “Meklem rigate uni ginduria”.
“E Biblia parhudias lengo traio” (La Atalaya, 1 anda o febrero, 2010)
Dikh so azhutisardias ka iek zhuvli te na mai dikhel khanchi katar le dujuria chorhe.
Chi trobus te nakhas vriama le pramentsa kai shai pasharel amen kal dujuria chorhe (1:59)