FIANARA 53

Fialam-boly Mampifalifaly ani-Jehovah ro Filio

HANENTY

“Ndranahary falifaly” Jehovah. (1 Timoty 1:11) Teany ho falifaly noho hahazo tavy ty fiainantsika koa tsika. Falifaly ie lafa manoka fotoa hitofà tsika, fa tsy hoe mamono fo miasa avao. Ino ty azo atao mba ho soasoa noho hahafa-po ty fotoa anaovantsika fialam-boly sady hampifalifaly ani-Jehovah? Ho hitantsika amy fianara toy ato raha zay.

1. Ino ty tokony hotiarovintsika lafa tsika mifily fialam-boly?

Ino ty raha teanao atao lafa iha mitofatofa? Misy olo tea mijano raiky an-trano ao le mamaky boky, mijanjy hira, manenty filma, na manenty raha amy internet ao. Ty sisany koa tea manao raha miaraky amy ty namany, ohatsy hoe mitsangatsanga, mandro an-driaky any, na manao laboly. Fe ndre ino ino ty fialam-boly teantsika hatao, le mila ataontsika azo antoky avao hoe “teani-Tompo” raha zay. (Efesianina 5:10) Ino ty antony? Satria maro ty fialam-boly, fe misy raha halani-Jehovah ty ankamaroany, ohatsy hoe hasatà, fijangajangà, na fampiasà hery raty. (Vakio Salamo 11:5.) Ino ty hanampy antsika hahay hifily soa ty fialam-boly ataontsika?

Laha olo tea ani-Jehovah ro ataontsika nama, le handrisiky antsika hanao raha soa noho hahay hifily fialam-boly rozy. Fa nihitantsika tamy fianara taloha any hoe “ho hendry ze miaraky amy hendry.” Fa “ho voan-doza” tsika, laha minama marè amin’olo tsy tea ty fitsipiki-Ndranahary.—Ohabolana 13:20.

2. Manino ro tokony ho ferantsika ty fotoa anaovantsika fialam-boly?

Ndre soa aza ty fialam-boly ataontsika, le mila mitandrina tsika mba tsy ho lany fotoa marè aminy. Laha tsy mitandrina tsika, le mety ty fotoa tokony hanaovantsika ze vatan-draha marè koa ro lasa tsy ho ampy. Mampirisiky antsika ho zao ty Baiboly: “Ampiasao soa ty fotoanareo.”—Vakio Efesianina 5:15, 16.

DINIHO LALIKY

Hodinihintsika hoe ino ty hanampy anao handramby fanapahan-kevitsy soa amy resaky fialam-boly.

3. Ka manao fialam-boly raty

Manino ro tokony hofilintsika soa ty fialam-boly ataontsika? Alefaso VIDEO toy, bakeo iaraho midiniky fanontanea reo.

VIDEO: Ino ty Fialam-boly Hofiliko? (4:39)

Ino ty mampitovy ty alini-gladiatera ta Roma any noho ty fialam-boly sisany henanizao?
Tamy video teo iny, ino ty nianarani-Danny mikasiky ty fialam-boly?

Vakio Romanina 12:9, bakeo iaraho midiniky fanontanea toy:

Tokony ho fialam-boly manao akory ro hofilinao laha orihy andinin-teny io?

Ino ty raha sisany halani-Jehovah? Vakio Ohabolana 6:16, 17 noho Galatianina 5:19-21. Saky vita vaky ty andinin-teny raiky, le iaraho midiniky fanontanea toy:

Aia amy raha reo ro miseho matetiky amy fialam-boly henanizao?

Ino ty hanampy anao hahay hifily fialam-boly?

Anontaneo ty vatanao hoe:

Ino? Misy raha tsy teani-Jehovah va amy raha io?
Ombia? Amy fotoa tokony hanaova raha ara-panahy va raha io?
Ia? Mahavy ahy hiaraky matetiky amin’olo tsy tea ani-Jehovah va raha io?

Ze mihalavitsy loza ro tsy ho voan-doza. Zay ty antony mahavy antsika tokony hanalavitsy ze fialam-boly iaby mety tsy hahasoa

4. Ampiasao soa ty fotoanao

Alefaso VIDEO toy, bakeo iaraho midiniky fanontanea io.

VIDEO: Ino ty Tena Mandany ty Fotoanao? (2:45)

Tsy nanenty raha raty rahalahy tamy video teo iny. Fe ino ty vokany lafa nandany fotoa marè tamy fialam-boly ie?

Vakio Filipianina 1:10, bakeo iaraho midiniky fanontanea toy:

Manino andinin-teny io ro manampy antsika hanapa-kevitsy hoe firy lera ty holanintsika amy fialam-boly?

5. Fialam-boly mahasoa ro filio

Ndre miparitaky aza ty fialam-boly tsy teani-Jehovah, le mbo maro avao koa ty fialam-boly mampifalifaly azy. Vakio Mpitoriteny 8:15 noho Filipianina 4:8, bakeo iaraho midiniky fanontanea toy:

Ino ty mba fialam-boly mahasoa teanao?

Afaky mitofa noho manao fialam-boly mahasoa iha

MIERITSERITSY TY OLO SISANY HOE: “Tsy mampanino ahy ty fialam-boly misy hasatà, fijangajangà, na hery raty, satria tsy hanao ani-reo mihintsy aho fa zista manenty avao.”