யெகோவா “சந்தோஷமுள்ள கடவுள்.” (1 தீமோத்தேயு 1:11) வாழ்க்கையை நாம் சந்தோஷமாக அனுபவிக்க வேண்டுமென்று அவர் ஆசைப்படுகிறார். வேலையை முடித்துவிட்டுக் கொஞ்ச நேரம் நாம் ஓய்வெடுப்பதை அவர் விரும்புகிறார். சந்தோஷமும் மனநிறைவும் கிடைக்கிற விதத்திலும், யெகோவாவுக்குப் பிரியமான விதத்திலும் ஓய்வுநேரத்தை நாம் எப்படி செலவழிக்கலாம் என்று இந்தப் பாடத்தில் பார்ப்போம்.

1. பொழுதுபோக்கைத் தேர்ந்தெடுக்கும் விஷயத்தில் நாம் எதை யோசித்துப் பார்க்க வேண்டும்?

ஓய்வுநேரத்தில் உங்களுக்கு என்ன செய்ய பிடிக்கும்? சிலர் வீட்டில் அமைதியாக உட்கார்ந்து புத்தகம் படிக்க, இசையைக் கேட்க, சினிமா பார்க்க, அல்லது இன்டர்நெட்டை அலச விரும்புகிறார்கள். மற்றவர்கள் நண்பர்களோடு சேர்ந்து வெளியில் போகவோ, விளையாடவோ, நீச்சல் அடிக்கவோ விரும்புகிறார்கள். நாம் என்ன பொழுதுபோக்கைத் தேர்ந்தெடுத்தாலும் சரி, அது ‘நம் எஜமானுக்கு . . . பிரியமானதா’ என்று நிச்சயப்படுத்திக்கொள்ள வேண்டும். (எபேசியர் 5:10) இது ரொம்ப முக்கியம். ஏனென்றால், யெகோவா வெறுக்கும் வன்முறை, ஒழுக்கக்கேடு, அல்லது பேய்த்தனமான விஷயங்கள்தான் இன்று நிறைய பொழுதுபோக்குகளில் இருக்கின்றன. (சங்கீதம் 11:5-ஐ வாசியுங்கள்.) பொழுதுபோக்கை சரியாகத் தேர்ந்தெடுக்க எது நமக்கு உதவும்?

யெகோவாவை நேசிக்கிறவர்கள் நம் நண்பர்களாக இருந்தால், நம்மால் சரியாக யோசிக்க முடியும், நல்ல பொழுதுபோக்குகளைத் தேர்ந்தெடுக்கவும் முடியும். பாடம் 48-ல் நாம் பார்த்தபடி, “ஞானமுள்ளவர்களோடு நடக்கிறவன் ஞானமடைவான்.” ஆனால், கடவுளுடைய நீதிநெறிகளை நேசிக்காதவர்களோடு அதிகமாகப் பழகினால் நாம் ‘நாசமடைவோம்.’—நீதிமொழிகள் 13:20.

2. பொழுதுபோக்கிலேயே மூழ்கிவிடாமல் இருப்பது ஏன் முக்கியம்?

நல்ல பொழுதுபோக்காக இருந்தாலும்கூட, அதில் ரொம்ப நேரம் செலவிடாமல் இருப்பது அவசியம். இல்லையென்றால், முக்கியமான வேலைகளைச் செய்ய நேரமே இல்லாமல் போய்விடும். ‘[நம்] நேரத்தை மிக நன்றாகப் பயன்படுத்த’ வேண்டுமென்று பைபிள் சொல்கிறது.—எபேசியர் 5:15, 16-ஐ வாசியுங்கள்.

 4. நேரத்தை ஞானமாகப் பயன்படுத்துங்கள்

5. நல்ல பொழுதுபோக்கைத் தேர்ந்தெடுங்கள்

சில பொழுதுபோக்குகளைத்தான் யெகோவா வெறுக்கிறார். அவர் வெறுக்காத எத்தனையோ பொழுதுபோக்குகள் இருக்கின்றன. பிரசங்கி 8:15-ஐயும் பிலிப்பியர் 4:8-ஐயும் படித்துவிட்டு, இந்தக் கேள்வியைப் பற்றிக் கலந்துபேசுங்கள்:

• நல்ல பொழுதுபோக்குகளில் உங்களுக்குப் பிடித்தது எது?

 சுருக்கம்

நாம் நல்ல பொழுதுபோக்கைத் தேர்ந்தெடுத்து அதை சந்தோஷமாக அனுபவிக்க வேண்டுமென்று யெகோவா விரும்புகிறார்.

ஞாபகம் வருகிறதா?

• எப்படிப்பட்ட பொழுதுபோக்குகளைக் கிறிஸ்தவர்கள் ஒதுக்கிவிட வேண்டும்?

• பொழுதுபோக்குக்காக எவ்வளவு நேரம் செலவழிக்கிறோம் என்பதில் நாம் ஏன் கவனமாக இருக்க வேண்டும்?

• யெகோவாவுக்குப் பிடித்த பொழுதுபோக்கைத் தேர்ந்தெடுக்க நீங்கள் ஏன் ஆசைப்படுகிறீர்கள்?