LESOGNE 53
Mifiliana Fihisagne Mampifale i Jehovah
“Andrianagnahare falefale” ty Jehovah. (1 Timoty 1:11) Tea’e ho falefale naho hankamamy o fiaignagneo tikagne. Fale reke naho mba manokagne fotoagne hitofagne tikagne fa tsy miasa avao. Ino ty azontikagne atao mba hahafinaritse sady hahafa-po vaho hampifale i Jehovah i fotoagne atokantikagne mba hihisagne rey? Hodinehentikagne amy ty lesogne toy ato zay.
1. Ino ty raha toko’e ho tadidientikagne naho fa mifily fihisagne?
Ino ty mba tea’o hatao naho fa tsy miasa? Ty ila’e tea’e ty mijanogne irerike an-tragno ao, le mamaky boke, mitsanogne hira, magnente filma ndra magnente raha amy Internet ao. Ty ila’e ka tea miarake amy ty nama’e, ohatse mandehandeha, milagno ndra mihisa laboly. Ndra inogn’ino ty fihisagne ataontikagne, le toko’e hataontikagne azo antoke tie “teà i Tompo.” (Efesianina 5:10) Tena ilaegne ty mahafantatse izay satria maro ty fihisagne atao o ndatio faie misy raha heje i Jehovah ty ama’e. Ohatse, hampiarotegne, findesam-batagne raty ndra mampiasa ty hery o demoniao. (Vakio ty Salamo 11:5.) Ino areke ty hagnampe antikagne hifily soa ty fihisagne ataontikagne?
Naho ndaty tea i Jehovah ty ataontikagne namagne, le handrisike antikagne hanao ty soa iareo sady hagnampe antikagne hahay hifily fihisagne. Nianarantikagne tamy ty lesogne 48 tao tie, “ho hendre ze miarake amy ty hendre.” Faie “hahatrea loza” tikagne naho miarake mateteke amy ty ndaty tsy tea ty fitsipin’Andrianagnahare.—Ohabolana 13:20.
2. Nagnino ro tena ilaegne ty magnisy fetra’e ty fotoagne ihisantikagne?
Ndra tie soa aza ty fihisagne ataontikagne, le tsy toko’e handany fotoagne ama’e avao tika. Ty anto’e, va’e tsy hanam-potoagne hanoagne i raha lahibey rey tikagne. Mandrisike antikagne ty Baiboly tie “mahaia magnararaotse fotoagne.”—Vakio ty Efesianina 5:15, 16.
ANDAO HANDINEKE TY PITSOPITSO’E
Hodinehentikagne ato tie, ino ty hagnampe azo hahay hifily fihisagne.
3. Ko manao fihisagne raty
Nagnino tikagne ro toko’e hifily soa ty fihisagne ataontikagne? Alefaso i VIDEO oy, sady iharò midineke ty fagnonteneagne retoa.
-
Ino ty mampitovy i aly natao i gladiatera ta Roma tagne rey naho ty fihisagne ila’e amy izao?
-
Arake i video teoy, ino ty lesogne nirambese i Danny miomba ty fihisagne?
Vakio ty Romanina 12:9, sady iharò midineke ty fagnonteneagne toy:
-
Fihisagne manao akore ty toko’e ho filie’o naho arake o andine’e iohoe?
Inogne iaby ty raha ila’e heje i Jehovah? Vakio ty Ohabolana 6:16, 17 naho ty Galatianina 5:19-21. Naho fa boake nivakiegne ty raike amo o andinin-teny rehoe, le iharò midineke ty fagnonteneagne toy:
-
Ty aia amo o raha rehafe o andine’e iohoe ro mateteke trea amy ty fihisagne amy izao?
Ino ty hagnampe azo hahay hifily fihisagne?
Eretsereto zao:
-
Inogne? Misy raha heje i Jehovah vao ty amy i fihisagney?
-
Ombiagne? Mifanindry amy ty fotoagne anoa’o raha lahibey vao i fihisagney?
-
Ia? Mahavy ahy hifagnosehose mateteke amy ty ndaty tsy tea i Jehovah vao i fihisagney?
Naho mbe azo atao, le ihalaviro o lozao. Izay ty mahavy antikagne tsy hanao ty fihisagne fantantikagne fa tsy mahasoa
4. Ampiasao soa ty fotoa’o
Alefaso i VIDEO oy, sady iharò midineke ty fagnonteneagne toy.
-
Tsy nagnente raha raty i rahalahy tamy i video teoy, faie nilanie’e teo avao ty fotoa’e. Ino ty voka izay tama’e?
Vakio ty Filipianina 1:10, sady iharò midineke ty fagnonteneagne toy:
-
Nagnino o andinin-teny iohoe ro magnampe antikagne hahay hametra ty fotoagne toko’e hihisantikagne?
5. Fihisagne soa ro filio
Ndra tie maro aza ty fihisagne tsy mampifale i Jehovah, le maro avao ka ty fihisagne mampifale aze. Vakio ty Mpitoriteny 8:15 naho ty Filipianina 4:8, sady iharò midineke ty fagnonteneagne toy:
-
Fihisagne manao akore ty tea’o?
Afake mifalefale naho mihisa rehe
MISY TY MIREHAKE TIE: “Tsy mampagninogne ahy o fihisagne misy hampiarotegneo, misy findesam-batagne ratio, misy ty hery o demoniaò, satria tsy i raho ty manao aze.”
-
Akore ty havale’o izay?
FAMINTIGNAGNE
Tea i Jehovah hahay hifily soa ty fihisagne ataontikagne tika sady hankamamy izay.
Fameregnagne
-
Ino ty fihisagne tsy toko’e hatao ty Kristiana?
-
Nagnino tikagne ro toko’e hitao mba tsy handany fotoagne amo o fihisagneo?
-
Te hifily ze fihisagne mampifale i Jehovah vao rehe? Ino ty anto’e?
FAGNAZAVAGNE FAGNAMPE’E
Ia ty toko’e hifily ty fihisagne atao’o?
Ino ty hagnampe azo hahay hifily ty fihisagne atao’o?
“Mahasoa vao ty Fihisagne Atao’o?” (Fitalakesan-davitse 15 Oktobra 2011)
Ino ty nagnampe ty lahilahy raike toy hagnova ty fihisagne fanoe’e?
“Magnova Ndaty ty Baiboly” (Fitalakesan-davitse 1 Fevrie 2010)
Ino ty nagnampe ty rene raike toy tsy hagnente i filma misy ty hery i demonia rey?
Va'e ho Tea'o Ka
FAGNONTENEAGNE FAPETRA O NDATIO
Inogne ty Atao Tihoe Fianaragne Baiboly?
Afake mampiasa ze Baiboly tea’o rehe naho fa mianatse Baiboly amy ty Vavolombelo i Jehovah. Maimaimpoagne i fianaragney sady afake taone’o hiarake hianatse ama’o ka ty keleia’o ndra ty ragne’o.
