SAMBIRU 53
Musankhengi Vakukondwesa vo Yehova Wangakondwa Navu
Yehova ndi “Chiuta walikondwa.” (1 Timote 1:11) Mwaviyo, wakhumba kuti tikondwengi ndi umoyu. Iyu wakhumba kuti tisaniyengi nyengu yakupumuliya ndipuso yakuchitiya vakukondwesa. Mu sambiru ili tiwonengi mo tingayigwiriskiya ntchitu umampha nyengu yakupumuliya kweniso mo tingasankhiya vakukondwesa vo Yehova wangakondwa navu.
1. Kumbi ndi vinthu wuli vo tikhumbika kuŵanaŵaniya asani tisankha vakukondwesa vo tingachita?
Kumbi ndi vinthu wuli vo mutanja kuchita asani mupumuwa? Anyaki asankha kuja pamalu ngambula viwawa panyumba kuti aŵerengengi mabuku, avwisiyengi sumu, awoneriyengi mavidiyo pamwenga kufufuza vinthu pa intaneti. Penipo anyaki atanja kuchita vinthu vinyaki ndi anyawu nge kuluta kumalu nganyaki, kuchisambira kunyanja pamwenga kuchita masaza nganyaki. Kaya titanja kuchitanji, kweni tikhumbika kuwonesesa kuti tisankha vakukondwesa ‘vakuzomerezeka kwa Ambuya.’ (Aefeso 5:10) Tikhumbika kuyivwisa ukongwa fundu yeniyi chifukwa vakukondwesa vinandi vo ŵanthu atanja mazuŵa nganu, vilongo vinthu vo Yehova watinkha nge viwawa, jalidu la ureŵi ndipuso kugomezga mizimu. (Ŵerengani Salimo 11:5.) Kumbi ndi vinthu wuli vingatiwovya kuti tisankhengi vakukondwesa mwazeru?
Asani tisankha mabwezi ngo ngatanja Yehova, ngangatiwovya kuti tije ndi mijalidu yamampha kweniso kuti tisankhengi umampha vakukondwesa. Nge mo tikusambiriya mu Sambiru 48, “munthu yo watenda ndi ŵanthu azeru wajengi wazeru.” Kweni asani titanjana ndi ŵanthu wo aleka kwanja fundu zaku Chiuta, ‘tipwetekekengi.’—Nthanthi 13:20.
2. Ntchifukwa wuli tikhumbika kuphwere ndi nyengu yo timaliya pa vakukondwesa?
Chinanga kuti tingasankha vakukondwesa vamampha, kweni tikhumbika kuphwere kuti tileki kumaliyapu nyengu yinandi. Chifukwa asani tingachita viyo, tiŵengevi nyengu yakukwana yakuchitiya vinthu vinyaki vakukhumbika ukongwa. Bayibolu likamba kuti: “Nyengu yinu muyigwiriskiyengi ntchitu mwakwenere.”—Ŵerengani Aefeso 5:15, 16.
SAMBIRANI VINANDI
Wonani vo mungachita kuti musankhengi umampha vakukondwesa.
3. Mungasankhanga cha vakukondwesa viheni
Ntchifukwa wuli tikhumbika kuphwere asani tisankha vakukondwesa? Woneriyani VIDIYO, pavuli paki kambiskanani mafumbu yanga:
-
Kumbi masaza nga mu nyengu ya Aroma ngayanana wuli ndi vakukondwesa vinyaki va mazuŵa nganu?
-
Nge po tawone mu vidiyo, kumbi Danny wangusambiranji pa nkhani ya kusankha vakukondwesa?
Ŵerengani Aroma 12:9, pavuli paki kambiskanani fumbu ili:
-
Kumbi vesi ili lingakuwovyani wuli kuti musankhengi umampha vakukondwesa?
Kumbi ndi vinthu vinyaki nivi vo Yehova watinkha? Ŵerengani Nthanthi 6:16, 17 ndipuso Agalatiya 5:19-21. Asani mwaŵerenga lemba lelosi pakulija kambiskanani fumbu ili:
-
Pa vinthu vo vazumbulika pa vesi ili, kumbi ndi nivi vo visanirika ukongwa mu vakukondwesa va mazuŵa nganu?
Mafumbu ngo ngangakuwovyani kuti musankhengi umampha vakukondwesa
Mungajifumba kuti:
-
Kumbi vakukondwesa vo ndikhumba kusankha ve ndi vinthu vinyaki vo Yehova watinkha?
-
Kumbi vindiryiyengi nyengu yakuchitiya vinthu vakukhumbika ukongwa?
-
Kumbi vindichitiskengi kuti ndiyambi kwanjana ukongwa ndi ŵanthu wo aleka kwanja Yehova?
Tikhumbika cha kusanirikiya dala pamalu ngo tingaŵika umoyu widu pa ngozi. Ndichu chifukwa chaki titenere kukana vakukondwesa viheni
4. Mugwiriskiyengi ntchitu nyengu yinu mwazeru
Woneriyani VIDIYO, pavuli paki kambiskanani fumbu ili:
-
Chinanga kuti mubali yo tawona mu vidiyo wawoneriyanga vinthu viheni cha, kweni kumbi wenga ndi suzgu wuli?
Ŵerengani Afilipi 1:10, pavuli paki kambiskanani fumbu ili:
-
Kumbi vesi ili lingatiwovya wuli kuti tileki kumaliya nyengu yinandi pa vakukondwesa?
5. Musankhengi vakukondwesa vamampha
Chinanga kuti vakukondwesa vinyaki Yehova wakondwa navu cha, kweni pe vinyaki vinandi vo wakondwa navu. Ŵerengani Wakutawula 8:15 ndipuso Afilipi 4:8, pavuli paki kambiskanani fumbu ili:
-
Kumbi ndi vakukondwesa vamampha nivi vo yimwi mutanja?
Mungakondwa asani muchita vakukondwesa vamampha
ŴANTHU ANYAKI AKAMBA KUTI: “Palivi suzgu kuwonere vakukondwesa vo vilongo vachiwawa, mijalidu ya ureŵi kweniso vamasenga, chikulu ndichitaku cha vinthu vo.”
-
Kumbi yimwi muwona wuli?
KUMBI MWASAMBIRANJI?
Yehova wakhumba kuti tisankhengi kweniso tikondwengi ndi vakukondwesa vamampha.
Kuweriyamu
-
Kumbi Mkhristu wakhumbika cha kuchitaku vakukondwesa va mtundu wuli?
-
Ntchifukwa wuli tikhumbika kuphwere ndi nyengu yo timaliya pa vakukondwesa?
-
Ntchifukwa wuli mukhumbika kusankha vakukondwesa vo Yehova wangakondwa navu?
FUFUZANI
Kumbi ndiyani yo we ndi udindu wakutisankhiya vo tingawonere pamwenga kuvwisiya?
Wonani mo mungasankhiya umampha vakukondwesa
“Kumbi Musankha Nadi Vakukondwesa Vamampha?” (Chigongwi cha Alinda, October 15, 2011)
Mu nkhani ya mutu wakuti “Ndinguleka Kutinkha Azungu,” wonani mo munthu munyaki wanguleke vakukondwesa viheni.
“Bayibolu Lisintha Ŵanthu” (Chigongwi cha Alinda, February 1, 2010)
Wonani mo munthukazi munyaki wasankhiya vinthu mwazeru pa nkhani ya vakukondwesa vo vilongo vinthu vamizimu.
Mungayanja Kuŵerenga so Nkhani Izi
MAFUMBU NGO ŴANTHU AFUMBA KAŴIKAŴI
Kumbi Sambiru la Bayibolu lo Akaboni aku Yehova Achitiska Ntchinthu Wuli?
Kuziya mu pulogilamu yawezi ya kusambira Bayibolu ndi Akaboni aku Yehova, mungagwiriskiya ntchitu Bayibolu lelosi. Mungadaniyaku banja linu losi pamwenga mabwezi nginu pa sambiru.
