SJEJEL 53
Agustoʼaxuk ja Jyoba soka jas wa xwa ekʼ gusto
Ja Jyoba yeʼn ja «Dyos maʼ jel gustoʼayi» (1 Timoteo 1:11). Wa skʼana ke gusto oj ajyukotik sok oj kabʼtik stsamalil ja sakʼanil. Jel lek xyila ja wala jijlitik sok ja yajel ekʼ gusto. Ja bʼa sjejel it, oj kiltik modoʼik bʼa yajel ekʼ gusto sok jas oj skoltayotik ja yajni libreʼaytiki, sok bʼa cha lek xyila ja Jyoba.
1. ¿Jasa oj ka tʼabʼan jkʼujoltik yajni wa stsaʼatik yajel ekʼ gusto?
¿Jas waxa kʼulan ja yajni wala jijli? Jujuntik ti wa xkanye bʼa snaje skʼumajel jun libro, smaklajel kʼin, skʼeljel pelikula ma ochel bʼa internet. Tuk wa skʼulane gusto skʼulajel jastik soka yamigoʼe jastal bʼejyel, wajel noxel ma tajnel. Chikan jas wa xkʼanatik, tʼilan seguro oj ajyukotik ke ja jas oj jtsatiki «lek wa xyila ja Kajwaltiki» (Efesios 5:10). Jel tʼilan oj kaʼ tʼabʼan jkʼujoltik ja jaw. ¿Jas yuj? Yujni jitsan ja bʼa jastik wa xya ekʼ gusto ja kristyano ti chʼikan jastik bʼa wa xyijnay ja Jyoba, jastal spekʼjel chikʼ, koʼel mulal sok ixuk winik ma aʼtel sok pukuj (kʼuman ja Salmo 11:5). ¿Jas oj skoltayotik bʼa oj jnatik stsajel lek?
Ta wa stsaʼatik kamigotik ke wa syajtaye ja Jyoba, ojni katik el slekilal sok oj skoltayotike bʼa stsajel lek ja jastal oj katik ekʼ gusto. Jastal jnebʼatik ja bʼa sjejel 48, «ja maʼ wan bʼejyel soka bibo cha ojni kʼot bibo». Pe ja matik wa xya ekʼ tyempo soka maʼ mi skisawe ja jas yaʼunej kujlajuk ja Jyoba «mini lek oj elkʼota» (Proverbios 13:20).
2. ¿Jas yuj tʼilan yajelyi stikʼanil ja janekʼ wa xpilatik bʼa yajel ekʼ gusto?
Ama mi maloʼuk ja jastal wa xkatik ekʼ gusto, pe jel tʼilan oj talnaytik bʼa mi jel aʼay tyempo oj jpiltik. Yujni ta jel jpilatik tyempo mixa oj kankujtik ja bʼa jastik mas tʼilan. Ja Biblia wa stsatsankʼujolanotik bʼa «yajel makunuk lek ja tyempo ja janekʼ wa xbʼobʼi» (kʼuman ja Efesios 5:15, 16).
LA JNEBʼTIK MAS
La kiltik jas oj bʼobʼa kʼuluk bʼa oja tsaʼ lek sbʼaja jastal yajel ekʼ gusto.
3. Moka wa ekʼ gusto sok jastik bʼa malo
¿Jas yuj tʼilan oj jnatik stsajel lek? Kʼelawik ja BIDEO sok loʼilananik sbʼaja jas ti nochani:
-
¿Jastal wa slaja sbʼaj ja luchaʼik bʼa najate sok jujuntik ja yajel ekʼ gusto ja bʼa jtyempotik?
-
¿Jasa snebʼa ja Danny sbʼaja yajel ekʼ gusto?
Kʼumanik ja Romanos 12:9 sok loʼilananik sbʼaja jas ti nochani:
-
¿Jastal wa skoltayotik ja bersikulo bʼa stsajel lek ja bʼa yajel ekʼ gusto?
¿Jas jujuntik wa xyilkʼujolan ja Jyoba? Kʼumanik ja Proverbios 6:16, 17 sok Gálatas 5:19-21. Yajni akʼumanexta kada teksto, loʼilananik sbʼaja jas ti nochani:
-
Ja bʼa jastik staʼa tiʼal ja teksto, ¿bʼaya mas jel naʼubʼal sbʼaj ja bʼa jastik yajel ekʼ gusto?
Jastal stsajel lek ja yajel ekʼ gusto
Jobʼo abʼaj:
-
¿Jas oj jkʼuluk? ¿Ti maʼ chʼikan jastik wa xyilkʼujolan ja Jyoba?
-
¿Jas ora? ¿Mi maʼ wa slatsa sbʼaj sok jastik bʼa mas tʼilan?
-
¿Masok? ¿Jel maʼ oj ka ekʼ tyempo soka matik mi syajtaye ja Jyoba?
Bʼa mi jas oj ekʼ jbʼajtik la jitskotik soka jastik xiwela sbʼaji. Ja yuj mok katik ekʼ gusto soka jastik oj bʼobʼ yixtalaʼukotik.
4. Amakunuk lek jawa tyempo
Kʼelawik ja BIDEO sok loʼilananik sbʼaja jas ti nochani:
-
Ama ja hermano mi jas wan skʼulajel bʼa malo, ¿jastal wan jomjel ja jastal wa xya makunuk ja styempo?
Kʼumanik ja Filipenses 1:10 sok loʼilananik sbʼaja jas ti nochani:
-
¿Jastal oj skoltayotik ja bersikulo jaw bʼa stsajel janekʼ tyempo oj jpiltikyi ja jastik wa xkʼulantik gusto?
5. Tsaʼa yajel ekʼ gusto bʼa lek
Ama ja Jyoba mi lek xyila jujuntik ja bʼa jastal yajel ekʼ gusto, pe ayni jitsan bʼa wan, sok ojni bʼobʼ kabʼtik stsamalil. Kʼumanik ja Eclesiastés 8:15 sok Filipenses 4:8, sok loʼilananik sbʼaja jas ti nochani:
-
¿Jastik bʼa lek yajel ekʼuk waxa wiʼaj gusto?
Oj bʼobʼ katik ekʼ gusto sok jijlel bʼa jun modo lek.
JA JAS WA XYALAWE JUJUNTIK: «Mey smaloʼil yajel ekʼ gusto bʼa ayiʼoj aʼtel sok pukuj, spekʼjel chikʼ ma stajel sbʼaj jun ixuk sok winik ta mi wanon skʼulajel».
-
¿Jas oja wale?
JA JASA NEBʼA
Ja Jyoba wa skʼana ke oj tsatik jastik bʼa lek yajel ekʼ gusto sok akabʼtik stsamalil.
Yajel juljkʼujoltik
-
¿Jas tikʼe yajel ekʼ gusto mi xkʼulantik?
-
¿Jas yuj tʼilan oj talna jbʼajtik soka tyempo wa xchʼakatik bʼa yajel ekʼ gusto?
-
¿Wan maʼ xa kʼana oja tsaʼ yajel ekʼ gusto bʼa lek xyila ja Jyoba? ¿Jas yuj?
LEʼA TUK JASTIK
Ila machʼa ayiʼoj ja cholal bʼa stsajel ja jas oj katik ekʼ gusto.
Kʼuman jastal oja tsaʼ lek ja jas wa xwa ekʼ gusto ja yajni libreʼaya.
«¿Lek maʼ ja jastik wa stsaʼatik yajel ekʼ gustoʼili?» (Ja Juʼun Cholumani, 15 bʼa octubre bʼa 2011)
Ila jas yuj jun winik stsaʼa yajelkan jujuntik jas wa xya ekʼsok gusto ja bʼa wa xcholo ja sakʼanili «Kaʼakan ja pensarik mi stojoluk».
«Ja Biblia stukbʼes ja sakʼanile» (Ja Juʼun Cholumani, 1 bʼa febrero bʼa 2010)
Ila jastal jun ixuk stsaʼa lek ja jas skʼulan sok jun tikʼe yajel ekʼ gusto bʼa ti chʼikansok aʼtel sok pukuj.
Moka kis ja yajel ekʼ gusto bʼa ti chʼikansok aʼtel sok pukuj (1:59)
Bʼobʼta cha ojni akʼul gusto
SJOBʼJELIK MAS TIKʼANIK WA X-AXI
¿Jastal ja estudio b’a Biblia wa skʼapawe ja testigo’ik b’a Jyoba?
Ja bʼa estudio kʼebʼubʼal wa xyaʼawe ja testigoʼik bʼa Jyoba, ja weʼn wani xbʼobʼa wa makunuk chikan jas Biblia. Cha wani xbʼobʼa lok yibʼanal jawa pamilya sok jawa wamigoʼiki.
