Yesu yí nyi Eta nɔ Kristotɔwo hamɛ lɔ. (Efezitɔwo 5:23) Egbɛɔ, Yesu le jeŋkwi mɛ yí dadasɛ mɔ nɔ yi dokplɔtɔwo le nyigban ji to “hwashi egbejinɔtɔ koɖo ŋɖɛnyatɔ” lɔ ji. (Hlɛn Matie 24:45, NWT.) Yesu Kristo ŋtɔ yí ɖo “hwashi” lɔ yí na acɛ yi nɔ asɔnɔ gbeta ɖewo. Ele ahan gan, éɖo asenɔ tonu nɔ Kristo yí akpenɔdo Kristo nɔviɛwo nu. Mi yí nyi hwashi lɔɔ? Lé hwashi lɔ lenɔ bu nɔ mì doɔ?

1. Mi yí nyi “hwashi egbejinɔtɔ koɖo ŋɖɛnyatɔ” lɔɔ?

Gashiagamɛɔ, Yehowa zannɔ mɛɖe alo amowo gbɛbɔbɔ hwɛhwɛ ɖe yí sɔ danasɛ mɔ nɔ yi mɛwo. (Malashi 2:7; Ebretɔwo 1:1) Le Yesu ku goduɔ, apotruwo koɖo hamɛmɛshinshin ciwo yí le Ʒerusalɛmu nɔ ŋkɔ nɔ edɔ lɔ. (Edɔwawawo 15:2) Le egbɛ mɛ hɛnnɛɔ, hamɛmɛshinshinwo gbɛbɔbɔ hwɛhwɛ ɖeka yí le ŋkɔ nɔ edɔ lɔ. Woyɔnɔ gbɛbɔbɔ cɛ mɔ Yehowa Kunuɖetɔwo Dɔjikpɔha. Enanɔ gbɔngbɔnmɛŋɖuɖu mì yí danasɛ mɔ nɔ kunuɖeɖedɔ lɔ. Gbɛbɔbɔ cɛ yí nyi “hwashi egbejinɔtɔ koɖo ŋɖɛnyatɔ lɔ ci [Yesu] ɖo.” (Matie 24:45a, NWT) Edɔjikpɔha lɔ mɛ tɔwo pleŋ nyi Kristotɔ ciwo wosɔ gbɔngbɔn kɔkɔɛ shi ami nɔ. Wokpɔkɔ emɔ mɔ, nɔ yewonɔ agbe le nyigban ji ɖegbɔɔ, yewoavaɖu fyɔ koɖo Kristo le yi Fyɔɖuxu lɔ mɛ le jeŋkwi mɛ.

2. Lé hwashi egbejinɔtɔ lɔ nanɔ gbɔngbɔnmɛŋɖuɖu doɔ?

Yesu nu mɔ hwashi egbejinɔtɔ lɔ ananɔ “ŋɖuɖu [yi kpena Kristotɔwo] le gamɛ nywitɔ ji.” (Matie 24:45b, NWT) Enu ci mìɖunɔ kpenɔdo mì nu mìsɛnnɔŋ yí nɔnɔ lanmɛsɛn mɛ. Ahanke gbɔngbɔnmɛŋɖuɖu ci yí nyi nukplamu ciwo yí so Mawu Nyɔ lɔ mɛ le nɛ. Enanɔ ŋsɛn ci yí ʒan mì yí mìakpɔtɔ anɔ gbeji nɔ Yehowa yí awa edɔ ci Yesu ɖo nɔ mì. (1 Timɔte 4:6) Mìxɔnɔ gbɔngbɔnmɛŋɖuɖuwo le bɔbɔwo, takpekpewo, koɖo takpekpeganwo mɛ, to Bibla nukplawemawo koɖo videowo ji. Enu cɛwo kpenɔdo mì nu yí mìmɔnɔŋje Mawu dro mɛ yí donɔ ŋsɛn exlɔ ci mìnyi koɖi.

 JI DWI NI KPƆ DOJI

3. Yehowa mɛwo ɖo anɔ totomɛ

Yesu danasɛ mɔ nɔ Edɔjikpɔha lɔ yí ewanɔ toto nɔ Yehowa Kunuɖetɔwo dɔ lɔ. Ahanke edasɛ mɔ nɔ Kristotɔ ŋkɔtɔwo nɛ. Xo VIDEO lɔ.

Hlɛn 1 Korɛntitɔwo 14:33, 40, keŋ agbeje nyɔbiɔse cɛ mɛ:

• Lé kpukpui cɛwo dasɛ do mɔ Yehowa ji mɔ ye Kunuɖetɔwo le nɔ totomɛɔ?

4. Hwashi egbejinɔtɔ lɔ wanɔ toto nɔ kunuɖeɖedɔ lɔ

Kunuɖeɖe yí nyi edɔ vevitɔ ci Kristotɔ ŋkɔtɔwo wa. Hlɛn Edɔwawawo 8:14, 25, keŋ agbeje nyɔbiɔse cɛwo mɛ:

• Le Kristotɔ ŋkɔtɔwo mɛ ɖe, miwo yí nɔ ŋkɔ nɔ eŋɛnywidradradɔ lɔɔ?

• Lé Piɛ koɖo Ʒan wa nu do, ci wowo kpena apotruwo dɔ wo ɖaɖa eŋɛnywi lɔ dragbeɔ?

Kunuɖeɖe yí nyi edɔ vevitɔ ci Edɔjikpɔha lɔ wanɔ toto nɔ. Xo VIDEO lɔ.

 Yesu tɛ gbe do ji mɔ kunuɖeɖedɔ lɔ le veviɖe. Hlɛn Maki 13:10, keŋ agbeje nyɔbiɔse cɛwo mɛ:

• Nyi yí taɖo kunuɖeɖedɔ lɔ le veviɖe nɔ Edɔjikpɔha lɔ ahan ɔ?

• Nyi yí taɖo eʒan mɔ “hwashi egbejinɔtɔ koɖo ŋɖɛnyatɔ lɔ” awanɔ toto nɔ edɔ cɛ le xexeɛ mɛ keŋkeŋ ɔ?

5. Hwashi egbejinɔtɔ lɔ nanɔ emɔdasɛnamɛwo

Edɔjikpɔha lɔ nanɔ emɔdasɛnamɛwo Kristotɔwo le xexeɛ mɛ keŋkeŋ. Lé esɔnɔ gbeta so emɔdasɛnamɛ ciwo ana nu doɔ? Kpɔ lé Kristotɔ ŋkɔtɔwo dɔjikpɔha lɔ wɛni do. Hlɛn Edɔwawawo 15:1, 2, keŋ agbeje nyɔbiɔse cɛwo mɛ:

• Nyi yí dɔ manyimanyi ɖo Kristotɔ ŋkɔtɔwo mɛɔ?

• Miwo gbɔ Pɔlu koɖo Barnaba sɔ kpe nɔ mɛkpɛtɛwo yi keŋ yí vayi kpɔ nyɔ lɔ gbɔɔ?

Hlɛn Edɔwawawo 15:12-18, 23-29, keŋ agbeje nyɔbiɔse cɛ mɛ:

• Gbɔxwe dɔjikpɔha ci yí ni le exwe sanŋdi ŋkɔtɔ mɛ asɔ gbeta ɖe ɖe, nyi ewanɔ keŋ yí xɔnɔ Mawu mɔdasɛnamɛwo so nyɔ lɔ nuɔ?—Kpɔ kpukpui 12, 15, koɖo 28.

Hlɛn Edɔwawawo 15:30, 31 koɖo 16:4, 5, keŋ agbeje nyɔbiɔse cɛwo mɛ:

• Ci edɔjikpɔha lɔ na mɔdasɛnamɛ Kristotɔ ŋkɔtɔwo ɖe, lé wowa nu doɔ?

• Lé Yehowa cu shi do wowo tonusese lɔ ji doɔ?

Hlɛn 2 Timɔte 3:16 koɖo Ʒaki 1:5, keŋ agbeje nyɔbiɔse cɛ mɛ:

• Fini Edɔjikpɔha lɔ jinɔ mɔdasɛnamɛ le, nɔ esɔkɔ gbetawo le egbɛ mɛɔ?

 ENU CI ÈKPLA

Kristo yí ɖo Edɔjikpɔha lɔ ci yí nyi “hwashi egbejinɔtɔ koɖo ŋɖɛnyatɔ lɔ.” Enanɔ emɔdasɛnamɛ koɖo gbɔngbɔnmɛŋɖuɖu Kristotɔwo le nyigban lɔ pleŋ ji.

Enumɛtoto

• Mi yí ɖo “hwashi egbejinɔtɔ koɖo ŋɖɛnyatɔ” lɔɔ?

• Lé Edɔjikpɔha lɔ lenɔ bu nɔ mì doɔ?

• Èxɔɛ se mɔ Edɔjikpɔha lɔ yí nyi “hwashi egbejinɔtɔ koɖo ŋɖɛnyatɔ” lɔa?