Jesús tati Lonco trahunche mu (Efesios 5:23). Banten mu, Jesús huenu mu loncoli tañi trahunche tati “quimche cüdaube manelbalngelu” (papiltunge Mateo 24:45). Jesús ngümintui (dulli) beichi “cüdaube” ca elubi pepiluhun tañi ngümintol quiñeque dungu bemngequelu quidu tañi trahunche mu. Bemngechi cüdau elbalcünongelu ume, inaquebingün Jesús ca quelluquebingün (incaquebingün) Jesús tañi pu peñi. ¿Iñi am tübachi quimche cüdaube manelbalngelu? Ca, ¿chumngechi inaduamneiñmu? Peabiiñ.

1. ¿Iñi am “tati quimche cüdaube manelbalngelu”?

Cuibi mu ca banten mu Jehová ngümintuquebi quiñe huentru cam quiñeque huentru trahuluuquelu tañi loncoleal tañi pu che mu (Malaquías 2:7; Hebreos 1:1). Lalu hula Jesús, pu apostol ca pu loncolequebülu Jerusalén mu elbalcünongi ñi adcünoabel Jehová tañi pu che (Hechos 15:2). Ca bemngechi bachantü pu dunguquelu iñingen Jehová niingün tati Quiñeucülechi Ngünenelu, “Cuerpo Gobernante” ca eipingequingün. Jesús elbalcünolelbi tübachi Quiñeucülechi Ngünenelu ñi eluabel Jehová tañi pu che com ñi duamnel engün tañi bülconneabel Jehová ca tañi amuldungucheal. Tübachi Quiñeucülechi Ngünenelu bei “tati quimche cüdaube manelbalngelu”, ca tañi Señor Jesús elbalcünoleyu billque cüdau (Mateo 24:45a). Com pu peñi concülelu tati Quiñeucülechi Ngünenelu, Jehová ngümintueyu tañi amual huenu mu. Beimu bentepoule tañi mongen engün Mapu mu, ngüneneaingün huenu mapu mu Jesucristo engu.

2. ¿Chem am tati yagel ñi hulquel tati quimche cüdaube manelbalngelu?

Jesús elbalcünolelbi tati quimche cüdaube manelbalngelu “tañi eluabel yagel [pu cristiano] pouchi antü mu” (Mateo 24:45b). Tati yagel eluqueiñmu nehuen ca quelluqueiñmu taiñ cüme beleal. Ca bemngechi tati quimün cüpalu Chau Ngünechen ñi dungu mu yagel reque beli. Eluqueiñmu nehuen taiñ nor piuqueyeabel Jehová ca taiñ cüme bempoal tati cüdau taiñ elbalcünoletu Jesús (1 Timoteo 4:6). Taiñ trahun mu, bütraque trahun mu ca taiñ billque papil ca video nüucülelu Biblia ñi eipin mu, elungequiiñ balinque ngülam taiñ quimal Jehová tañi ayüquel ca taiñ doi cüme hueniyeabel. Com tüba yagel reque beli.

 DOI CÜME QUIMNGE

3. Jehová tañi pu che cüme adcünongi

Cuibi mu Jesús adcünobi pu hunenque cristiano. Ca bemngechi taiñ antü mu, Jesús adcünobi tati Quiñeucülechi Ngünenelu. Bemngechi quidu engün adcünoquingün billque cüdau ñi bemquel pu dunguquelu iñingen Jehová. Quintulbe tati VIDEO.

Papiltoiñ 1 Corintios 14:33, 40. Papiltungele hula ngütramcaabiiñ tübachi ramtun:

• ¿Chemu eipiabüiñ Jehová ayüqui tañi pu che ñi cüme adcünongeal quiñe trahunche mu?

4. Tati quimche cüdaube manelbalngelu adcünoquebi taiñ amuldungun cüdau

Pu hunenque cristiano müna balintuquebüingün amuldungulelabel pu che. Papiltoiñ Hechos 8:14, 25. Papiltungele hula ngütramcaabiiñ tübachi epu ramtun:

• ¿Iñi engün am loncolequebüi tati cüdau mu ñi bemquebel pu hunenque cristiano?

• ¿Chumi Pedro, Juan engu eipingelu ñi amuldungumeal Samaria mu?

Taiñ amuldungun cüdau, tati doi manelbalchi dungu adcünoquebilu tati Quiñeucülechi Ngünenelu. Quintulbe tati VIDEO.

 Jesús cüme pengeli müna manelbalngi amuldungucheal. Papiltoiñ Marcos 13:10. Papiltungele hula ngütramcaabiiñ tübachi epu ramtun:

• Tati Quiñeucülechi Ngünenelu, ¿chemu am bente balintuquebi taiñ amuldungun cüdau?

• ¿Chemu duamnebiiñ “tati quimche cüdaube manelbalngelu” ñi adcünoal taiñ amuldungun cüdau huall Mapu mu?

5. Tati quimche cüdaube manelbalngelu loncoli iñchiñ mu

Tati Quiñeucülechi Ngünenelu billque dungu bemqui ñi cüme adcünoabel Jehová tañi pu che. Huelu, ¿chumquingün tañi quimal chumngechi loncoleal Jehová tañi pu che? Quimaiñ chumquebüi tati Quiñeucülechi Ngünenelu mülequebülu hunenque cristiano ñi antü mu. Papiltoiñ Hechos 15:1, 2. Papiltungele hula ngütramcaabiiñ tübachi epu ramtun:

• ¿Chem dungu mu trabtudunguhuingün quiñeque hunenque cristiano?

• Pablo, Bernabé ca caquelu cristiano, ¿iñi pemebingün tañi quimal chumal engün?

Papiltoiñ Hechos 15:12-18, 23-29. Papiltungele hula ngütramcaabiiñ tübachi ramtun:

• Tati Quiñeucülechi Ngünenelu mülebülu tati hunenque cristiano ñi antü mu, ¿chumingün tañi adcünoatu Chau Ngünechen bemngechi tañi cüme ngümintol engün? (Pebinge Hechos 15:12, 15, 28).

Papiltoiñ Hechos 15:30, 31 ca 16:4, 5. Papiltungele hula ngütramcaabiiñ tübachi epu ramtun:

• ¿Chumingün pu hunenque cristiano quimlu engün tati Quiñeucülechi Ngünenelu tañi ngümintuel?

• Jehová, ¿chumngechi cümelcabi pu hunenque cristiano inanelu tañi eipingel engün?

Papiltoiñ 2 Timoteo 3:16 ca Santiago 1:5. Papiltungele hula ngütramcaabiiñ tübachi ramtun:

• Bachantü, ¿chumqui tati Quiñeucülechi Ngünenelu ñi cüme ngümintol?

 CHEM PEIÑ TÜBAMU

Tati Quiñeucülechi Ngünenelu bei tati “quimche cüdaube manelbalngelu” Jesús tañi ngümintuel. Tübachi pu huentru loncoli Jehová tañi pu che mu ca eluquebi engün com ñi duamnel tañi cüme hueniyeabel Jehová.

Chem quimeleleiñmu tüba

• ¿Iñi am ngümintubi “tati quimche cüdaube manelbalngelu”?

• Tati Quiñeucülechi Ngünenelu, ¿chumngechi inaduamqueiñmu?

• ¿Mupituquimi tati Quiñeucülechi Ngünenelu bei tati “quimche cüdaube manelbalngelu”?