Jesusaw cristiano ‘congregacionan pʼeqepajja’ (Efesios 5:23). Aka oraqenkir arkirinakaparojja, Jesusajj ‘suma phoqeri amuyasir esclavo’ taypiw alajjpachat jichhürunakan pʼeqtʼaniski (Mateo 24:45 liytʼäta). Jesusarakiw uka ‘esclavorojj’ uttʼayi, suma amtanakar puriñapatakis autoridad churaraki. Ukhamäkchisa Jesucriston esclavopakïskiwa, Jesusan jilanakaparuw serviraki. ¿Khitis uka esclavojja? ¿Kunjamanakatsa jiwasanakar cuidistu?

1. ¿Khitis “suma phoqeri amuyasir esclavojja”?

Jehová Diosajja nayratpachaw mä chacha taypi, jan ukajj mä qhawqha chachanak taypejj markapar pʼeqtʼäna (Malaquías 2:7; Hebreos 1:1). Jesusan jiwatap qhepatjja, apostolonakampi Jerusalenankir ancianonakampiw congregacionar pʼeqtʼapjjäna (Hechos 15:2). Jichhürunakanjja ukhamarakiw mä qhawqha ancianonakajj pʼeqtʼasipki, jupanakajja Jehová Diosan Testigonakapan Cuerpo Gobernantepa satäpjjewa, jupanakaw jiwasatakejj Diosar serviñatak yanaptʼanak wakichtʼapjje, predicañatakis pʼeqtʼapjjaraki. Uka grupow “suma phoqeri amuyasir esclavojja”, jupanakaruw Jesusajj uka lurañanak phoqapjjañapatak uttʼayi (Mateo 24:45a). Cuerpo Gobernantenkirinakajj espíritu santomp ajllit cristianonakäpjjewa, jiwjjasajj alajjpachan Jesucristomp chikaw Diosan Reinopan apnaqanipjjani, ukwa jupanakajj suyasipki.

2. ¿Suma phoqeri esclavojj Diosar serviñatak kuna yanaptʼanaksa wakichi?

Suma phoqeri esclavow cristianonakarojj ‘tiempopar manqʼa churani’ sasaw Jesusajj säna (Mateo 24:45b). Kunjamtï manqʼajj chʼamanïñatakisa jan usuntañatakis yanaptʼkistojja, ukhamarakiw Diosan Arupata apstʼat yatichäwinakajj Jehová Diosat jan jitheqtañataki, Jesusajj kuna lurañtï jaytawaykistu uk phoqañatak yanaptʼistu (1 Timoteo 4:6). Uka yanaptʼanakjja, tantachäwinakana ukhamarak asambleanakanwa katoqtanjja, Bibliarjam apstʼata qellqatanak toqesa videonak toqes katoqaraktanwa. Taqe ukanakaw kuntï Jehová Diosajj munki uk amuyañatak yanaptʼistu, jupamp sum apasiñatakis yanaptʼarakistuwa.

 JUKʼAMP YATJJATAÑÄNI

3. Jehová Diosan markapajj organiztʼatäñapawa

Jesusajj Jehová Diosan Testigonakapan lurañanakap organizañapatakiw Cuerpo Gobernanter pʼeqtʼaski. Nayrïr patak maranakanjja cristiano congregacionarojj ukhamarakiw pʼeqtʼäna. VIDEO uñtapjjäta.

1 Corintios 14:33, 40 liytʼasajja aka toqetwa parltʼapjjäta:

• Uka versiculonakarjamajja, ¿Jehová Diosajj Testigonakapan organizatäpjjañap muniti? ¿Kunatsa ukham amuyta?

4. Suma phoqeri esclavow predicación sum organiztʼi

Nayrïr cristianonakatakejj predicañaw nayrankäna. Hechos 8:14, 25 liytʼasajja aka toqetwa parltʼapjjäta:

• Nayrïr patak maranakanjja, ¿khitinakas predicación pʼeqtʼapjjäna?

• Mayni apostolonakan mayitapar istʼasajja, ¿kunsa Pedrompi Juanampejj lurapjjäna?

Kunanaktï Cuerpo Gobernantejj organizki ukanakatjja, predicacionaw jukʼamp importantejja. VIDEO uñtapjjäta.

 Diosan arunakap predicañajj kunja wakiskirisa ukwa Jesusajj qhanstayäna. Marcos 13:10 liytʼasajja aka toqetwa parltʼapjjäta:

• ¿Kunatsa Cuerpo Gobernantetakejj predicañajj wali importantejja?

• ¿Kunatsa ‘suma phoqeri amuyasir esclavojj’ oraqpachan Bibliat yatichasiñapatak organizañapajj wakisi?

5. Suma phoqeri amuyasir esclavow irpaskistu

Cuerpo Gobernantew oraqpachankir cristianonakar irpaski. ¿Kuna instruccionanaksa cristianonakar churani uk kunarjamas amti? Nayrïr cristianonakar pʼeqtʼkäna uka cuerpo gobernantejj kunarjamas amtirïna uk uñjañäni. Hechos 15:1, 2 liytʼasajja aka toqetwa parltʼapjjäta:

• ¿Nayrïr cristianonak taypin kuna toqet jiskhisiñas utjäna?

• Uk askichañatakejja, ¿Pablompi, Bernabeampi, mayni cristianonakampejj khitinakarus yanaptʼa mayipjjäna?

Hechos 15:12-18, 23-29 liytʼasajja aka toqetwa parltʼapjjäta:

• Circuncisión toqet janïr mä amtar purkasajja, ¿kunsa Diosamp yanaptʼayasiñatakejj Cuerpo Gobernantejj luräna? (Hechos 15:12, 15, 28 uñjjattʼapjjäta).

Hechos 15:30, 31; 16:4, 5 liytʼasajja aka toqetwa parltʼapjjäta:

• Cuerpo Gobernantejj kuna amtarutï purkäna uk yatisajja, ¿kunsa nayrïr cristianonakajj lurapjjäna?

• ¿Jehová Diosar istʼapjjatapat kuna bendicionanaksa katoqapjjäna?

2 Timoteo 3:16 ukat Santiago 1:5 liytʼasajja aka toqetwa parltʼapjjäta:

• Jichhürunakan Cuerpo Gobernantejj mä amtar puriñapäki ukhajja, ¿kunsa Diosamp yanaptʼayasiñatakejj luri?

 ¿KUNSA YATEQAWAYTAN?

Cuerpo Gobernantejja, Jesucriston uttʼayata ‘suma phoqeri amuyasir esclavowa’. Uka esclavow oraqpachankir cristianonakar irpaski, Diosar servipjjañapatakis yanaptʼanak churaskaraki.

Amtañataki

• ¿Khitis ‘suma phoqeri amuyasir esclavorojj’ uttʼayi?

• ¿Kunjamanakatsa Cuerpo Gobernantejj cuidistu?

• ¿Cuerpo Gobernantew “suma phoqeri amuyasir esclavojja” sasmati?