Yéso be fo bemte kritè. (Éféso 5:23) Tyôʼô, Yéso tchwe m kèbeng be daʼte jye bi pekhu pye demtchaʼ tchye m ne “gè faʼ dendeng ba djyenwe.” (Ké Matio 24:45, nwt.) Kwaʼ Yéso né djap “gè faʼ” bô, neng ha mou deng pawa bii ne le she mkhète. Daʼge ba te m poʼo, gè faʼ bô gô youʼgne bi Kristo neng faʼ bi mfe Kristo. Gè faʼ bô be we ? É neng dé wôkpe m tchi ge ke ?

1. “Gè faʼ dendeng ba djyenwe” be we ?

Te fe a tyèʼ, Jéova be é wim taʼ mbè ke mouywe ka pebè le, ne ne daʼte jye bi temlaʼ é. (Malaki 2:7; Ébraika 1:1) Tchwe ye Yéso le pfu a, mghè them ba mghetso Yérousalèm né le be daʼte jye bi bemte. (Mfaʼ 15:2) Dendeng poʼo tyôʼô, taʼ mouywe ka mghetso né daʼte jye bi bemte. Pou khé mouywe ka bô ge Pe Laʼte Jye pe Mkwithè Jéova. É ha ywetsu jwégne neng be nyapte faʼ ne sing Ghôm Si. Ka pô bô be “gè faʼ dendeng ba djyenwe ye [Yéso] djap é a.” (Matio 24:45a, nwt.) Goung pô pye wap be tchum ka pô Pe Laʼte Jye a, be mkritè be Si jwôʼ wap; pye wap bo byap ne ti be pou a Yéso tchum Nefo é kèbeng, tchwe ye vôk tsap demtchaʼ gô mi a.

2. Ywetsu jwégne ye gè faʼ dendeng ha a be ke ?

Yéso le ghôm ge gè faʼ dendeng le gô pe khim “[pyeshe mkritè] ne tchwe ye é djap a.” (Matio 24:45b) Dendeng paʼ ywetsu ye pe dzu a kwite wôkpe ne ghe guʼ neng tchwe pe pepoung a, ywetsu jwégne ye a be mthôk be fe m tchum Ghôm Si a, ha guʼ ye a tcheng a bi pe, ne ne tchwe pe dendeng bi Jéova, ba ne ne faʼ faʼ ye Yéso le ha ge pe pe gre a. (1 Timotio 4:6) Pe gre ywetsu jwégne bô tchye m ne mtchouʼte bemte, mtchouʼte gwye, ba ne mŋwaʼgne, gre mvidéo. Ma bô kwite wôkpe ne jye ywe ye Si tcheng a, ba ne soumte yôkpe ne pe mso pou a yu.

 PING TCHENG NE GÔ DZE

3. Temlaʼ Jéova gô pe taʼ bemte

Pou a Yéso ye é be tse dze a, Pe Laʼte Jye tchente dé ge mfaʼ pe Mkwithè Jéova ying pe pepoung. Yéso le be daʼte jye bi mdendze mkritè pe poʼo. Yô VIDÉO.

Ké 1 Korinto 14:33, 40, neng gômte ne hente yenge :

• Mkhè menge daʼte ge Jéova tcheng ge mkwithè pye pe taʼ bemte m tchi ge ke ?

4. Gè faʼ dendeng nyapte yôkpe faʼ ne sing Ghôm Si

Ne sing Ghôm Si le be faʼ ye m tuôdeng téʼ bi mdendze mkritè. Ké Mfaʼ 8:14, 25, neng gômte ne mhente menge :

• Tchetche pe dendze mkritè, we le be ha mkhète ne tchi ne gre faʼ ne sing Ghôm Si ?

• Mghè them Pètro pou Yohané le ghe la ne mkhète mye pyeshe mghè them le ha bi pou a ?

Faʼ ne sing Ghôm Si be faʼ m tuôdeng téʼ ye Pe Laʼte Jye nyapte a. Yô VIDÉO.

 Yéso le laʼte deng paʼ ne sing Ghôm Si be m tuôdeng a. Ké Markousi 13:10, neng gômte ne mhente menge :

• Nweke faʼ ne sing Ghôm Si be m tuôdeng tèʼ bi Pe Laʼte Jye ?

• Nweke a pe tcheng ge “Gè faʼ dendeng ba djyenwe” nyapte faʼ bô ye pou gre ne goung demtchaʼ awè a ?

5. Gè faʼ dendeng ba djyenwe ha mkhète

Pe Laʼte Jye ha mkhète bi mkritè tchum goung dzu awè. Wap de mkhète bô m tchi ge ke ? Yô paʼ pe laʼte jye ne dendze wôdzu kre le gre a. Ké Mfaʼ 15:1, 2, neng gômte ne mhente menge :

• Ke le ghe mkritè ne dendze wôdzu kre le po djouʼgne ?

• Polo, Barnabas, ba she pô le ghô djô we, ne ne do kwite ne nwe bô ?

Ké Mfaʼ 15:12-18, 23-29, neng gômte ne hente yenge :

• Te wap ne le khète, pe laʼte jye le lendze gre la ne ne gre kwite Si ne nwe bô ?—Lé mkhè 12, 15, ba 28.

Ké Mfaʼ 15:30, 31 ba 16:4, 5, neng gômte ne mhente menge :

• Mdendze mkritè le ghe m ge ke ne mkhète mye pe laʼte jye le ha a ?

• Jéova le ning byagne ne paʼ wap djouʼgne a m tchi ge ke ?

Ké 2 Timotio 3:16 ba Yakop 1:5, neng gômte ne hente yenge :

• Pe Laʼte Jye tyôʼô tcheng kwite m ha, tchwe ye wap bo gô le mkhète a ?

 YE NE KHAMTE

Pe Laʼte Jye be “gè faʼ dendeng ba djyenwe” ye Kristo djap é a. Wap ha mkhète ba ywetsu jwégne bi mkritè ne goung demtchaʼ awè.

O lagne ke ?

• We né djap “gè faʼ dendeng ba djyenwe” ?

• Pe Laʼte Jye dé wôkpe m tchi ge ke ?

• O bing ge Pe Laʼte Jye be “gè faʼ dendeng ba djyenwe” a ?