Yésu bèn mbe Tu num ntseʼde benkristô. (Efésô 5:23) Sènni, Yésu, Mven mve kamànyam tshwèt ntshagde ghaziʼdenu i num nsitshaʼ ntshùade njam “ngafaʼ ze nenùne, mbèn mbe ngazede.” (Siañ Matio 24:45.) Yésu ze tu bèn nte “ngafaʼ ze nenùne” mbèn mfà faʼ yi ne nke ndoʼ tsemoʼ mfiʼ num netshagde ben. Là, a bètte yen “ngafaʼ ze nenùne” nà juʼ ntshu i. Yen “ngafaʼ” là bʼa we? A nke ntshagde ben à ndùke?

1. “Ngafaʼ ze nenùne, mbèn mbe ngazede” bʼa we?

Fe ngelañ mbwe, Yaweh Nsi num ndoʼ taʼ mènntùn, ke taʼ kum benntùn no num netshagde ghafaʼ tse. (Malashi 2:7; Héber 1:1) Ngelañ Yésu naʼ nkwù là, a bʼa ghantum boa ghakwémbwe mà Yérusalém naʼ nke ndoʼ mbwe. (Mfaʼ Ghantum 15:2) Be ndañndañ, sènni a taʼ metsit kum ghakwémbwe—Tu Ntseʼde ghakwénta Yaweh Nsi—bèn nke mfà tshañ ywèt mbèn nke ntshagde faʼ nesoñ nkùn mebwô. Yen kum nà bʼa “ngafaʼ ze nenùne, mbèn mbe ngazede ze [Yésu te]” là. (Matio 24:45a) Njoñ fètfèt fa mà Tu Ntseʼde bʼa nkam wut Yésu, tse bo tshwèt mbéb netô bo yi mve kamànyam nà.

2. Ngafaʼ ze nenùne, mbèn mbe ngazede nke mfà à ke lèn tshañ ywèl à?

Yésu naʼ tshob mbe ngafaʼ ze nenùn aʼ nke “mfà jujù [fèt tshob benkristô] ngelañ i.” (Matio 24:45b) Ndañndañ mba tshañ ze be num njù là num mfà neta mba ntswe mebwô ben nà, tshañ ywèt—ntag tsʼa be ntùm Ntshob Nsi là—num mfà neta ben netswe nelat num Yaweh Nsi mbèn mfaʼ faʼ ze Yésu fà ben nà. (1 Timôtio 4:6) Be nke njù sen tshañ ywèt lʼà ngelañ ba ntseʼde, ba bumde ndùb bo ba bumde ndùb léʼ tat, mba ntùm ba nkide Tu Ntseʼde bo ba laʼde netshañ tsʼa be njwimde ben nelèn ze nekô Nsi, mbèn nso neta num zebe kushun bo yi.

 TSWEʼ NTUN MI

3. A bètte mbe ghafaʼ Yaweh Nsi faʼ à ntùm nka

Yésu bèn nke ntshagde Tu Ntseʼde bo nke ntshagde faʼ ghakwénta Yaweh Nsi là. A bʼa be ndañndañ zʼa naʼ nke ntshagde benkristô ngelañ mbwe là. Lôde LAʼDE NETSHAÑ.

Siañ 1 Korintô 14:33, 40, mbèn mbùnde yen bètte li:

• Tshen nka Ñwaʼni Nsi li nke ndaʼdʼà ndùke mbe Yaweh Nsi kô mbe ghafaʼ tse faʼ à ntùm nka à?

4. Ngafaʼ ze nenùn num ntshagde zebe faʼ nesoñ nkùn mebwô

Faʼ nesoñ nkùn mebwô naʼ bʼa faʼ ndùb ze benkristô ngelañ mbwe naʼ nke mfaʼ là. Siañ Mfaʼ Ghantum 8:14, 25, mbèn mbùnde tshen mbètte li:

• Netèt benkristô ngelañ mbwe, we zʼa naʼ nke ntshagde faʼ nesoñ nkùn mebwô à?

• Pétro bo Yohané naʼ bét ntshagde tsemoʼ ghantum à ndùke?

Faʼ nesoñ nkùn mebwô bʼa faʼ ndùb ze Tu Ntseʼde num mfaʼ là. Lôde LAʼDE NETSHAÑ.

 Yésu naʼ laʼde mbe nesoñ nkùn mebwô bʼa taʼ faʼ ndùb. Siañ Marko 13:10, mbèn mbùnde tshen mbètte li:

• Numke faʼ nesoñ nkùn mebwô bʼa kuaʼ ju ndùb Tu Ntseʼde à?

• Numke a nke mbètte mbe “ngafaʼ ze nenùne, mbèn mbe ngazede” tshagde sen faʼ ndùb là zʼa be ntôg ntùm njù sagkuà à?

5. Ngafaʼ ze nenùn num ntshagde ben

Tu Ntseʼde num ntshagde benkristô ntùm njoñ njù sagkuà fa. Bo num njéʼdʼà num ke kà ntshagde ben à? Yen mba Tu Ntseʼde ngelañ mbwe naʼ nke ngù là. Siañ Mfaʼ Ghantum 15:1, 2, mbèn mbùnde tshen mbètte li:

• Zit tantshu naʼ nte netèt benkristô ngelañ mbwe à?

• Paulo, Barnaba bo tsemoʼo naʼ nèn mbètte ywimdʼà yà num nenabte yen tantshu lʼà?

Siañ Mfaʼ Ghantum 15:12-18, 23-29, mbèn mbùnde yen bètte li:

• Num nelèn nkwade Nsi mfà num tantshu a naʼ nte nsi là, Tu Ntseʼde naʼ ngù à ndùke kà ndoʼ mfiʼ à?—Lôde nka 12, 15, bo 28.

Siañ Mfaʼ Ghantum 15:30, 31 bo 16:4, 5, mbèn mbùnde tshen mbètte li:

• Benkristô ngelañ mbwe naʼ ngù à ndùke ngelañ bo naʼ ndoʼ mfiʼ à?

• Yaweh Nsi naʼ nañ mbotni num yub nejuʼ ntshu à ndùke?

Siañ 2 Timôtio 3:16 bo Yakobo 1:5, mbèn mbùnde yen bètte li:

• Tu Ntseʼde nke njéʼdʼà num ke sènni kà ndoʼ ba mfiʼ à?

 JU NETSHÙBE

Tu Ntseʼde bʼa “ngafaʼ ze nenùne, mbèn mbe ngazede” ze Yésu te là. A num mfà tshañ ywèt, mbèn nke ntshagde benkristô ntùm njoñ njù sagkuà fa.

Mbètte nekwimde

• We zʼa te “ngafaʼ ze nenùne, mbèn mbe ngazede” à?

• Tu Ntseʼde nke ndunde tseben nzi à ndùke?

• O kwade mbe Tu Ntseʼde bʼa “ngafaʼ ze nenùne, mbèn mbe ngazede” ké?