Jesura “idji ẽberãrã Boroa” dji congregacioʉ̃ne critiana (Epeso 5:23). Iɗi ewariɗera dji “nezoca jipa obariba” manda ɓʉda idji ʉ̃taareba idji beɗea ĩjã panʉra naʉ̃ ẽjũãne (Leadua Mateo 24:45). Jãʉ̃ dji “nezoca” jipa obari Jesu ɓʉsida, maʉ̃gʉbʉrʉ ãdjirãra dadji borora. Mãwãmĩna nezoca jipa o panʉ Cristoɗe djabarãa careba panʉ. ¿Caidrʉ jãʉ̃ dji nezoca jipa obari? ¿Sãwã waga ɓʉda dadjirãra?

1. ¿Caidrʉ “dji nezoca jipa obarida”?

Dãrãbʉrʉ naẽna Jeowaba umaquĩrãneba wa ẽberãneba jipa eda ɓʉda idji purura (Malaquías 2:7; Hebreo 1:1). Ejemploda, Jesu beuɗacarea dji nĩbabadarãa idjaɓa djabarã wagabadaba Jerusaleʉ̃ congregacioʉ̃ Jesuba edesiɗada (Hecho 15:2). Maʉ̃ bẽrã naẽnaena oɗa quĩrãca, iɗiɗe biɗa zocãrãẽ́ djabarã wagabada —Djabarã Bororã Beɗea ɓeara Jeowaɗebema— ne coi quĩrãca dia panʉda Jeowaɗebemada idjaɓa jipa edebadada Ãcõrẽ Beɗea jaradiaɗi carea. Jãʉ̃ djabarãba “nezoca crĩcha cawa ɓʉba jipa obari quĩrãca [Jesuba] ɓʉsia” jãʉ̃ oɗamãrẽã (Mateo 24:45a). Jũma djabarã bororã Jeowaba jʉrʉ edasida idji jaureɗeba. Ãdjirãba jʉ̃ã panʉda ʉ̃taare Jesume mandaɗi carea Ãcõrẽ Boroɗe naʉ̃ ẽjũãne beuɗacarea.

2. ¿Sãʉ̃gʉda ne coɗi quĩrãca Jeowaɗebema dia ɓʉda nezoca jipa obariɗeba?

Jesuba jarasia: “dji nezoca jipa obari diaida [dewara critianorãa] ne cobi carea ariɗe” (Mateo 24:45b). Ne co panʉ careba ɓʉda dadjía ʉɓʉa panani carea idjaɓa bia panani carea. Ara maʉ̃ quĩrãca ɓʉda, ne coira Ãcõrẽnebemada, —jãʉ̃ jara ɓʉ beɗeara Ãcõrẽnebemada— jãʉ̃ba careba ɓʉda dadjía ʉɓʉa panani carea idjaɓa jipa oɗi carea Jesuba jaraɗara (1 Timoteo 4:6). Ne coɗi Ãcõrẽnebemara ze ɓʉda naʉ̃ ãbaa jʉre panʉne idjaɓa reunioʉ̃ dromane, cartaɗeba, videoɗeba jãʉ̃ra Ãcõrẽneba ze ɓʉda. Jãʉ̃ra jũma careba ɓʉda cawaɗi carea Jeowaba quĩrĩã ɓʉra, idjime caita ɓamãrẽã idjaɓa ʉɓʉa panani carea.

 BIO CAWAƊIDA NAɄ̃ BEƊEAƊE

3. Ãcõrẽ purura ãbaa jipa pananida

Jesuba jipa ede ɓʉda Djabarã Bororã jipa ãbaa panani carea Beɗea ɓeara Jeowaɗebema. Siglo nabema dji congregacioʉ̃ra aɓari quĩrãca osiɗada. Acʉɗadua dji VIDEODA.

Leaɗapeɗa 1 Corinto 14:33, 40, beɗeaɗadua:

• Dji textoba jaraɗa quĩrãca, ¿Jeowaba quĩrĩã ɓʉda dji Beɗea ɓeara Jeowaɗebemara ãbaa pananida organizacioʉ̃ne? ¿Cãrẽ cãrẽã bʉa jãwã quĩcha ɓʉda?

4. Dji nezoca jipa o ɓʉba jara ɓʉda sãwã jaradiaɗida Ãcõrẽ Beɗea

Naãrã critianorãba Ãcõrẽ Beɗea jaradiaɗira, jãʉ̃ra bio biara ɓasida. Leaɗapeɗa Hecho 8:14, 25, beɗeaɗadua:

• Siglo nabemane, ¿cairãbʉrʉ jipa ede panasiɗa Ãcõrẽ Beɗea jaradiaɗi carea?

• ¿Cãrẽda osiɗada Pedroba idjaɓa Juaʉ̃ba jãʉ̃ beɗea dewara nĩbabadarãba jaraɗa?

Jaradiaɗida Ãcõrẽ Beɗea bio biara ɓʉda dewara cãyãbara Djabarã Bororã carea. Acʉɗadua dji VIDEODA.

 Jesuba jarasida bio biara ɓʉda Ãcõrẽ Beɗea jaradiaɗidrʉ. Leaɗapeɗa Marco 13:10, beɗeaɗadua:

• ¿Cãrẽ cãrẽãbʉrʉ Djabarã Bororãmaarã bio biara ɓʉda jaradiaɗida Ãcõrẽ Beɗeara?

• ¿Cãrẽ cãrẽãbʉrʉ necesita panʉda “nezoca jipa obariba” dadjía carebaida jaradiaɗi carea Ãcõrẽ Beɗea naʉ̃ ẽjũãne jũma?

5. Dji nezoca jipa obariba dadjirãra jipa ede ɓʉda

Dadji djabarã bororãba jipa ede panʉda critianorãa jũma naʉ̃ ẽjũãne. ¿Sãwã cawa panʉda cãrẽ beɗeaɗida diasida jipa edei carea? Acʉdua sãwã osida djabarã bororãba naãrã critianorã carea. Leaɗapeɗa Hecho 15:1, 2, beɗeaɗadua:

• ¿Cãrẽ cãrẽãbʉrʉ naãrã critianorãba ãdjia awara quĩcha panasiɗa?

• ¿Caimabʉrʉ wãsiɗada Paulo, Bernabe, dewara critianorã siɗa naʉ̃ beɗea ebuɗai carea?

Leaɗapeɗa Hecho 15:12-18, 23-29, beɗeaɗadua:

• Naãrã oi carea, ¿cãrẽda osida Djabarã Bororãba siglo naãrãnebemaba Ãcõrẽba jarabʉrʉ ebuɗa oɗi carea? (Acʉɗadua dji caibea 12, 15 idjaɓa 28).

Leaɗapeɗa Hecho 15:30, 31 idjaɓa 16:4, 5, beɗeaɗadua:

• ¿Sãwã quĩchasiɗada naãrã critianorãba naʉ̃ beɗea Djabarã Bororãba jaraɗa?

• ¿Sãwã cawa panʉda Jeowaba ne bia diasida idji beɗea ĩjãna bẽrã?

Leaɗapeɗa 2 Timoteo 3:16 idjaɓa Santiago 1:5, beɗeaɗadua:

• ¿Iɗi ewariɗe Djabarã Bororãba cãrẽda o panʉda jipa ariɗe oɗi carea?

 JŨMA BEƊEAƊA

Djabarã Bororã idjaɓa “nezoca jipa obarira” jãʉ̃ra aɓarida, Jesuba edasida ãdjirãa. Jãʉ̃ nezocaba beɗea bia dia ɓʉda idjaɓa ne coi quĩrãca dia ɓʉda Ãcõrẽnebemada jũma naʉ̃ ẽjũãne critianorãa.

Cawaɗara

• ¿Caiba edasida “nezoca jipa obarida”?

• Djabarã Bororãba, ¿sãwã waga panʉda dadjirãra?

• ¿Bʉa ĩjã ɓʉca Djabarã Bororã idjaɓa nezoca jipa obarira jãʉ̃ra aɓarida?