AYÈGÈ 54

“Olò o ne mewog ai feg”

VOGOLO A

Yésus a ne nlo ya akonda bekristen (Éfési 5:23). É melu ma, a toa a yob, veda Yésus a tòngʼlò beyègè boé ya si ése ai zen ya “olò o ne mewog ai feg” (Langʼa Matéus 24:45). Yésus émen nnye a nga telé olò té. Tò ane olò té o bele édzoé abim zing, o ne olò “Kristu”, ai wa bò fe bisié asu babenyang be Kristu. Za ben a ne olò té? Ai akia afé a nòng ngab ai bia?

1. Za ben a fò a ne “olò o ne mewog ai feg”?

Yéhova a kareya sò a belen ai mot ngeki man andzogoro bot asu yi na a tòngʼlò ayòng dié (Malakias 2:7; Hébréa 1:1). Amvus awu Yésus, bapostel ai bemvéndé ya Yérusalem mbò be nga be be tòngʼlò akonda (Mimbòen mi apostel 15:2). Melu ma fe, é ne man andzogoro bemvendé—Tin ékoen Beboala be Yéhova—ndzò ya ve bidi ya nsisim é tòngʼlò fe ésié ékat foé. Andzogoro té ndò a ne “olò o ne mewog ai feg a Yésus a nga telé” (Matéus 24:45a). Bekristen bese ya tin ékoen be ne minwòan ya nsisim. Be ne mintak ya yem na ba yi ke kòb Yésus Kristu a yob a memana me énying dzaba a si mu.

2. Dzé é ne bidi ya nsisim olò té wa ve?

Yésus a nga dzo na, olò o ne mewog ai feg wa yi “ve beyègè boé bidi biaba abog da yeane” (Matéus 24:45b). É bidi bia di bia ve bia ngul a nyòl, bi vòligi fe na bi saala akòn zing. Dzam deda fe ai bidi ya nsisim—nala a tilen na ayegele da sò a Bibel—bia ve bia é ngul ya bia yangʼen ai dzò asu yi na bi bò Yéhova mewog, bi dzala fe asu ésié Yésus a nga ve bia (1 Timotéus 4:6). Bia bi bidi ya nsisim bité a bikoen, a boro bitogen, a bekalara ai a bevidéo ba sangʼla mam ya Bibel, bi vòligi bia na bi tuene wog nyien Zamba ai a lat ngul amvoé ai nyè.

TUENE FAG

Bi tam sò yen asu dzé bia yangʼen ai “olò o ne mewog ai feg”.

Babedzang ya Tin ékoen ba ve bidi ya nsisim, ba lere zen, ba ve fe Beboala be Yéhova ya si ése nvòlen

3. Ayòng Yéhova da yeane tòbò ntaan mbeng

Yésus nnye a tòngʼlò tin ékoen asu yi na é yem bò mbembe ntaan mam asu Beboala be Yéhova. Dzam té da fulen fò ai akia ya bekristen ya ntet mimbu osu be nga be be bò. Bebege VIDÉO.

VIDÉO: Yéhova a tak bebò bisié boé mbeng (6:18)

Langʼa 1 Kòrinti 14:33, 40 ai yalen a nsili hi:

Akia afé bifus bi bia lere na Yéhova a yi na bebò bisié boé be bi abeng ntaan mam?

4. “Olò o ne mewog ai feg” wa tak mam ya ésié ékat foé

Ékat foé ndzò é nga be ésié é dang nfi a bekristen ya ntet mimbu osu be nga be be bò. Langʼa Mimbòen mi apostel 8:14, 25 ai yalen minsili mi tsaa mi:

Asu bekristen ya ntet mimbu osu, za a nga be a tòngʼlò ésié ékat foé?
Pétrus ban Yohannes be nga bò ya éyòng bapostel bevòk be nga ve betebega?

A bisié bise Tin ékoen ya tak, ésié ékat foé ndzò ya dang ai nfi. Bebege VIDÉO.

VIDÉO: Nòng ngab ésié ékat foé ai nnem woé ose (1:24)

Yésus a nga dzo na ékat foé ndzò ya dang nfi abui. Langʼa Markus 13:10 ai yalen minsili mi tsaa mi:

Asu dzé ékat foé é ne nfi abui asu Tin ékoen?
Amu dzé la yeane na “olò o ne mewog ai feg” ngò o tak ésié ékat foé té a si ése?

5. Olò o ne mewog ai feg wò ve betebega

Tin ékoen ndzò ya ve Beboala be Yéhova ya si ése betebega. Akia afé Tin ékoen ya nòng mintsigen mié? Bi tam yen akia afé Tin ékoen ya ntet mimbu osu é karege bò. Langʼa Mimbòen mi apostel 15:1, 2 ai yalen minsili mi tsaa mi: