Yésu éñe a ne nlô ye ékôan bekristen. (Beéphésien 5:23) Ému, Yésu a ntoo a dzôp été, a wulu ye beyeghe bèñ be ne asi va ngalane ya ôlo’o ô ne « sôsôe ya nkee. » (A lang Matthieu 24:45.) Yésu émièn éñe a nga top ôlo’o ô ne sôsôe ya nkee té, éde « ôlo’o » té ô bele ôyôm édjié, amben nèè té, wa tsini naa wa bo ôlo’o Christ ya sèhane é bobeñang Christ. Za a ne ôlo’o ô ne sôsôe ya nkee ? Aval avé wa baghle bia ?

1. Za a ne « ôlo’o ô ne sôsôe ya nkee » ?

Tam ésese Jehôva a so a belane moan môt nge ki ngum nsama bôt naa be wulu ya ayong dèñ. (Malachie 2:7 ; Behébreu 1:1) Éfônan, niène Yésu a nga wu, be mintôl ya bemvene be ya Jerusalén ébe be nga wulu ékôan. (Bisè mintôl 15:2) Aval be nga bo de metam meté, ému, ôyôm angôs bemvene Tsin Ékôan Bengaa Jehôva, ébe ba kômane bidzi bi ya nsisim ya wulu ésèñ minkanghle. Angôs té éde é ne « ôlo’o ô ne sôsôe ya nkee éñi é masa wèñ [Yésu] a nga tuè. » (Matthieu 24:45a) É bôt besese be ne nsama ôlo’o ô ne sôsôe ya nkee be ne bekristen be ne minwaghane mboan ya nsisim Nzame, ya naa ba yan éyong béé ke djiè ya Christ édjié déñ, a dzôp été éyong éning deba asi va da ye man.

2. Za bidzi bi ya nsisim ôlo’o ô ne sôsôe ya nkee wa kôman ?

Yésu a nga dzô naa ôlo’o ô ne sôsôe ya nkee « a ye bele ayem naa a ve [bekristen bevoo] bidzi bi ya nsisim é tam da yiène. » (Matthieu 24:45b) Aval ane bidzi bi ya nsôn bia ve bia naa bi bo ngu’u ya mvoa, aval té fe éde bidzi bi ya nsisim bia so meyeghle me ne a Bible été, bia ve naa bi bele ngu’u ya tobe sôsôe ya Jehôva, ya dzale é mam Yésu a nga dzô bia naa bi bo. (1 Timothée 4:6) Bidzi bi ya nsisim bité bia ñong bio ngalane bisulane, bisesang, mebakh, bingengeng bi ne tsin a Bible été, mam meté mesese ma vole bia naa bi yem é dzam Jehôva a kômô, ya naa élat dèè ye ñe é tugha bo ngu’u.

 A TUGHA FAS

3. Ayong Jehôva da yiène tobe nkôman

Yésu a wulu ya Tsin Ékôan, naa é yem takh bisèñ Bengaa Jehôva. Ntet mimbu ôsua éñe fe ékôan é mbe déé wulu aval té. Daghane ÉNGENGENG.

A lang 1 Becorinthien 14:33, 40, éyong té mia lèè minlang mia daghe nsili wa zu wi :

• Aval avé bifus bi bia lere naa Jehôva a kômô naa Bengaa bèñ be tobe nkôman ?

4. Ôlo’o ô ne sôsôe ya nkee wa kôman ésèñ minkanghle dèè

Bekristen be ye ntet mimbu ôsua be nga yen naa ésèñ minkanghle éde é ne édedèè éban. A lang Bisè mintôl 8:14, 25, éyong té mia lèè minlang mia daghe minsili mia zu mi :

• Ntet mimbu ôsua, beza be nga wulu ésèñ minkanghle ?

• Za dzam Pierre ya Jean nge ki Pedro ya Juan be nga bo ya metsing mintôl mivoo be nga ve ?

Ésèñ da dang éban Tsin Ékôan da kôman a ne ésèñ minkanghle. Daghane ÉNGENGENG.

 Yésu a nga lere éban ésèñ minkanghle é bele. A lang Marc 13:10, éyong té mia lèè minlang mia daghe minsili mia zu mi :

• Amu dzé ésèñ minkanghle é ne édedèè éban akal Tsin Ékôan ?

• Amu dzé bia yi naa « ôlo’o ô ne sôsôe ya nkee » ô kôman ésèñ té a si ése ngura ?

5. Ôlo’o ô ne sôsôe ya nkee wa wulu ya bia

Tsin Ékoan èñe a dzô aval bekristen be ye si ése ngura ba yiène wulu. Aval avé ba top metsing ba yiène bia ve ? Tam yen aval Tsin Ékôan é nga bo de metam ô mvus. A lang Bisè mintôl 15:1, 2, éyong té mia lèè minlang mia daghe minsili mia zu mi :

• Adzô évé é nga so nkanan ézizang bekristen ntet mimbu ôsua ?

• Pablo nge ki Paul, Barnabé, ya bekristen bevoo, be nga ke ébe za nfa ye naa be kôm adzô té ?

A lang Bisè mintôl 15:12-18, 23-29, éyong té mia lèè minlang mia daghe nsili wa zu wi :

• Kaa naa be ñong nkighane, za dzam Tsin Ékôan ye ntet mimbu ôsua é nga bo nfa ye naa Nzame a wulu ya adzô té ?—A daghe bifus 12, 15, ya 28.

A lang Bisè mintôl 15:30, 31 ya 16:4, 5, éyong té mia lèè minlang mia daghe minsili mia zu mi :

• Za dzam bekristen be ye ntet mimbu ôsua, be nga bo éyong be nga wokh melepgha me ye Tsin Ékôan ?

• Aval avé bia yem naa Jehôva a nga borane mewokh meba ?

A lang 2 Timothée 3:16 ya Jacques 1:5, éyong té mia lèè minlang mia daghe nsili wa zu wi :

• Tsin Ékôan da dzeng melepgha ô vé, éyong ba kômô ñong minkighan ému ?

 AKIGHE BES

Tsin Ékôan éñe a ne « ôlo’o ô ne sôsôe ya nkee » Christ a nga tele. Ôlo’o té é wô wa ve bekristen be ne si se ngura metsing ya bidzi bi ya nsisim.

Ôbaghle

• Za a nga tele « ôlo’o ô ne sôsôe ya nkee » ?

• Aval avé Tsin Ékôan da baghle bia ?

• Ye wa bunu naa Tsin Ékôan éñe a ne « ôlo’o ô ne sôsôe ya nkee » ?