LESONI 54
Na iTavi ni “Dauveiqaravi Yalodina e Vuku”
O Jisu e Ulu ni ivavakoso vaKarisito. (Efeso 5:23) Nikua, e tiko mai lomalagi o Jisu, e dusimaki ira tiko nona imuri e vuravura ni vakayagataka na “dauveiqaravi yalodina e vuku.” (Wilika Maciu 24:45.) Ni lesi koya o Jisu, e tiko vua na “dauveiqaravi” eso na lewa, ia ena nona dauveiqaravi tiko ga na Karisito, me qaravi ira tale ga na taci i Karisito. O cei na dauveiqaravi qori? E qaravi keda vakacava?
1. O cei na “dauveiqaravi yalodina e vuku”?
O Jiova e dau vakayagataka e dua na tamata se dua na ilawalawa me dusimaki ira nona tamata. (Malakai 2:7; Iperiu 1:1) Ni mate oti o Jisu, era veidusimaki na yapositolo kei na qase mai Jerusalemi. (Cakacaka 15:2) E va tale ga qori nikua, e vakarautaka na kakana vakayalo qai veidusimaki ena cakacaka vakavunau e dua na ilawalawa lailai, na iLawalawa Dauvakatulewa ni iVakadinadina i Jiova. Qori sara ga na “dauveiqaravi yalodina e vuku, e lesia [o Jisu].” (Maciu 24:45a) O ratou kece na lewe ni iLawalawa Dauvakatulewa eratou lotu vaKarisito lumuti, eratou rai vakanamata tu me ratou veiliutaki kei Jisu e lomalagi ni sa cava nodratou bula e vuravura.
2. Na kakana vakayalo cava e vakarautaka na dauveiqaravi yalodina?
E kaya o Jisu ni o koya na dauveiqaravi yalodina ena “solia vei ira na [lotu vaKarisito] na kedra kakana ena kena gauna donu.” (Maciu 24:45b) Me vaka ga na kakana eda kania, e vakaukauataki keda qai vakabulabulataki keda. E va tale ga qori na kakana vakayalo e yavutaki mai na Vosa ni Kalou, e solia vei keda na kaukaua me rawa nida yalodina vei Jiova qai cakava na cakacaka e lesi keda kina o Jisu. (1 Timoci 4:6) Eda vakani vakayalo nida tiko ena soqoni, soqo ni tabacakacaka, soqo ni veiwasewase, vaka kina na ivola vakaivolatabu kei na vidio, e vukei keda meda kila na loma ni Kalou, da qai vaqaqacotaka noda veiwekani kei koya.
VAKEKELI
Raica na vuna e bibi kina “na dauveiqaravi yalodina e vuku,” ya na iLawalawa Dauvakatulewa.
Na iLawalawa Dauvakatulewa e vakarautaka na kakana vakayalo, e veidusimaki qai vukei ira na iVakadinadina i Jiova e veiyasa i vuravura
3. Bibi mera tuvatuvanaki na tamata i Jiova
Ena veidusimaki i Jisu, e tuvanaka na iLawalawa Dauvakatulewa nodra cakacaka na iVakadinadina i Jiova. E tautauvata tale ga qori vei ira na lotu vaKarisito taumada. Sarava na VIDIO.
Wilika 1 Korinica 14:33, 40, qai veivosakitaka na taro qo:
-
Eda kila vakacava mai na tikinivolatabu qo ni vinakata o Jiova mera dau tuvatuvanaki nona tamata?
4. Na dauveiqaravi yalodina e tuvanaka noda cakacaka vakavunau
Na cakacaka vakavunau e cakacaka bibi duadua vei ira na lotu vaKarisito taumada. Wilika Cakacaka 8:14, 25, qai veivosakitaka na taro qo:
-
O cei e dusimaka nodra cakacaka vakavunau na lotu vaKarisito taumada?
-
E muria vakacava o Pita kei Joni na nodratou veidusimaki na yapositolo?
Na cakacaka vakavunau e cakacaka bibi duadua e tuvanaka tiko na iLawalawa Dauvakatulewa. Sarava na VIDIO.
E vakabibitaka o Jisu na cakacaka vakavunau. Wilika Marika 13:10, qai veivosakitaka na taro qo:
-
Na cava e vakabibitaka kina na iLawalawa Dauvakatulewa na cakacaka vakavunau?
-
Na cava e bibi kina me tuvanaka “na dauveiqaravi yalodina e vuku” na cakacaka vakavunau e vuravura raraba?
5. E veidusimaki na dauveiqaravi yalodina
E dusimaki ira na lotu vaKarisito e veiyasa i vuravura na iLawalawa Dauvakatulewa. E veidusimaki vakacava? Dikeva mada na ka e cakava na iLawalawa Dauvakatulewa vei ira na lotu vaKarisito taumada. Wilika Cakacaka 15:1, 2, qai veivosakitaka na taro qo:
-
Na cava era veibataka eso na lotu vaKarisito taumada?
-
Eratou lako vei cei o Paula, Panapasa, kei so tale me wali na leqa qo?
Wilika Cakacaka 15:12-18, 23-29, qai veivosakitaka na taro qo:
-
Ni bera ni caka na vakatulewa, na cava e cakava na iLawalawa Dauvakatulewa me kila kina na rai ni Kalou me baleta na ituvaki ya?—Raica na tikina e 12, 15, kei na 28.
Wilika Cakacaka 15:30, 31 kei na 16:4, 5, qai veivosakitaka na taro qo:
-
Na cava era tukuna na lotu vaKarisito taumada ena veidusimaki ni ilawalawa dauvakatulewa?
-
E vakalougatataka vakacava o Jiova nodra talairawarawa?
Wilika 2 Timoci 3:16 kei na Jemesa 1:5, qai veivosakitaka na taro qo:
-
Ena qara ivakasala i vei na iLawalawa Dauvakatulewa ni bera ni vakatulewa nikua?
KA ERA KAYA ESO: “Ke o rogoci ratou na iLawalawa Dauvakatulewa, qori o sa muri tamata.”
-
O vakadeitaka vakacava ni o Jisu e dusimaka tiko na iLawalawa Dauvakatulewa?
KA O VULICA
Na iLawalawa Dauvakatulewa, ya “na dauveiqaravi yalodina e vuku” e lesia o Karisito. E veidusimaki qai vakarautaka na kakana vakayalo vei ira na lotu vaKarisito ena veiyasa i vuravura.
Railesuvi
-
O cei e lesia “na dauveiqaravi yalodina e vuku”?
-
E qaravi keda vakacava na iLawalawa Dauvakatulewa?
-
O vakabauta ni iLawalawa Dauvakatulewa e “dauveiqaravi yalodina e vuku”?
IKURI
Wilika na sala e tuvanaka kina na iLawalawa Dauvakatulewa na nona cakacaka.
“Na Cava na iLawalawa Dauvakatulewa ni iVakadinadina i Jiova?” (Ulutaga ena jw.org)
Vulica na sala e vakadeitaka kina na iLawalawa Dauvakatulewa meda vakani vinaka vakayalo.
Na cava nodratou rai na lewe ni iLawalawa Dauvakatulewa ena cakacaka e lesia vei ratou o Jisu?
Eda vakadeitaka vakacava mai na noda soqoni kei na soqo ni veiwasewase ni dusimaka tiko o Jiova na iLawalawa Dauvakatulewa?
Rawa ni o Wilika Tale ga
TARO E TAROGI WASOMA
Era Veivakavulici Vakacava na iVakadinadina i Jiova ena iVolatabu?
E sega ni saumi nodra veivakavulici na iVakadinadina i Jiova ena iVolatabu. O rawa ni vakayagataka ga na ivakadewa ni iVolatabu o vinakata. Rawa tale ga ni o sureti ratou nomu vuvale, se itokani me ratou veitomani ena vuli.
