LÉSON 54
« Èsklav fidèl ké avizé-a »
A Jézi ki chèf asanblé krétyen-an (Éphésiens 5:23). Jòdla, dipi laro syèl-a, Jézi ka dirijé so disip-ya asou latè-a gras a « èsklav fidèl ké avizé-a » (li Matthieu 24:45). A Jézi li menm ki mété sa « èsklav »-a, donk i gen roun tibi otorité mé i ka rété èsklav Kris é i ka sèrvi frè Kris-a. A kimoun sa « èsklav »-a ? É kouman i ka pran swen di nou ?
1. A kimoun ki « èsklav fidèl ké avizé-a » ?
Jéova toujou sèrvi roun wonm ouben roun ti group wonm pou gidé so pèp (Malachie 2:7 ; Hébreux 1:1). Apré lanmò Jézi, a té apot-ya ké ansyen-yan ki té Jérizalèm ki té ka dirijé asanblé-a (Actes 15:2). Jòdla osi, a roun ti group ansyen, Kolèj santral Témwen Jéova-ya, ki ka bay nou manjé èspirityèl-a é ki ka dirijé travay prédikasyon-an. Sa group-a, a « èsklav fidèl ké avizé-a [Jézi] mété » (Matthieu 24:45a). Tout frè-ya ki annan Kolèj santral-a, a krétyen ki wen ké lèspri. Yé kontan lò yé ka sonjé jou-a yé ké alé jwenn Kris annan so Rwayonm annan syèl-a lò yé lavi asou latè-a ké fini.
2. A kisa ki manjé èspirityèl-a « èsklav »-a ka bay nou ?
Jézi di ki « èsklav fidèl ké avizé-a » té ké bay so disip-ya « yé manjé jiskont lò yé bézwen » (Matthieu 24:45b). Lò nou ka manjé, sa ka bay nou fòrs é sa ka idé nou pa malad. Menm fason-an, manjé èspirityèl-a, sa lé di ansèyman ki ka vini di Paròl Bondjé-a, ka bay nou fòrs nou bézwen pou nou rété fidèl douvan Jéova é pou nou fè travay Jézi bay nou fè-a (1 Timothée 4:6). Nou ka rousouvwè sa manjé èspirityèl-a lò nou ka alé annan réinyon-yan ké annan gran asanblé-ya, lò nou ka li piblikasyon-yan ké gadé vidéyo-ya. Tout sa manjé èspirityèl-a ka apiyé asou Labib-a é ka idé nou konprann volonté Bondjé é fè nou lanmityé ké li vin pi fò.
ANNOU FOUYÉ ANNAN LABIB-A
Annou wè poukisa nou bézwen « èsklav fidèl ké avizé-a ».
Kolèj santral-a ka bay tout Témwen Jéova-ya asou tout latè-a manjé èspirityèl-a, i ka gidé yé é i ka fè bagaj itil pou idé yé.
3. Pèp Jéova-a divèt òrganizé
Anba dirèksyon Jézi, Kolèj santral-a ka òrganizé travay Témwen Jéova-ya. Sa ka sanblé bokou ké sa ki té ka fèt koté prémyé krétyen-yan. Gadé VIDÉYO-a.
Li 1 Corinthiens 14:33, 40, épi kozé asou sa késyon-an :
-
Kouman sa vèrsé-ya ka montré ki Jéova lé ki so Témwen òrganizé ?
4. Èsklav fidèl ké avizé-a ka òrganizé prédikasyon-an
Prédikasyon-an, a té travay-a ki té pi enpòrtan pou prémyé krétyen-yan. Li Actes 8:14, 25, épi kozé asou sa késyon-yan :
-
Kimoun ki té ka dirijé travay prédikasyon-an annan lépòk prémyé krétyen-yan ?
-
Ès Pyèr ké Jan asèpté dirèksyon ròt apot-ya bay yé ?
Travay pi enpòrtan Kolèj santral-a ka òrganizé a prédikasyon-an. Gadé VIDÉYO-a.
Marc 13:10, épi kozé asou sa késyon-yan :
Jézi di ki prédikasyon-an té trè enpòrtan. Li-
Poukisa prédikasyon-an enpòrtan konsa pou Kolèj santral-a ?
-
Poukisa « èsklav fidèl ké avizé-a » divèt òrganizé sa travay-a ki ka fèt asou tout latè-a ?
5. Èsklav fidèl ké avizé-a ka gidé nou
Kolèj santral-a ka gidé tout krétyen-yan asou tout latè-a. Kouman i ka désidé ki dirèksyon i ké bay nou ? Annou wè kouman kolèj santral-a annan lépòk prémyé krétyen-yan té ka fè. Li Actes 15:1, 2, épi kozé asou sa késyon-yan :
-
Asou kisa prémyé krétyen-yan pa té dakò ?
-
Kimoun Pòl, Barnabé ké ròt krétyen alé wè pou trapé roun solisyon ?
Li Actes 15:12-18, 23-29, épi kozé asou sa késyon-an :
Li Actes 15:30, 31 ké 16:4, 5, épi kozé asou sa késyon-yan :
-
Ès prémyé krétyen-yan asèpté dirèksyon Kolèj santral-a bay yé ?
-
Kouman Jéova béni yé obéyisans ?
Li 2 Timothée 3:16 ké Jacques 1:5, épi kozé asou sa késyon-an :
-
Jòdla, kisa Kolèj santral-a ka sèrvi pou pran so désizyon ?
I GEN MOUN KA DI : « Lò to ka kouté Kolèj santral-a, a moun to ka swiv, a pa Bondjé. »
-
Kisa ki ka byen montré ki a Jézi ki ka gidé Kolèj santral-a ?
SA NOU WÈ
Kolèj santral-a, a « èsklav fidèl ké avizé-a » Kris mété. I ka gidé tout krétyen-yan asou tout latè-a é i ka bay yé manjé èspirityèl-a.
Kisa ou anprann
-
Kimoun ki mété « èsklav fidèl ké avizé-a » ?
-
Kouman Kolèj santral-a ka pran swen di nou ?
-
Ès ou ka krè ki Kolèj santral-a, a li ki « èsklav fidèl ké avizé-a » ?
SA OU POUVÉ TRAPÉ OSI
Kouman Kolèj santral-a òrganizé ?
Kisa Kolèj santral-a ka fè pou i sir ki manjé èspirityèl i ka bay nou-a bon ?
Gadé sa frè-a ki annan Kolèj santral-a ka rousanti parapòrta travay Jézi bay yé fè-a.
Kouman nou réinyon-yan ké gran asanblé-ya nou ka fè ka montré ki Jéova ka gidé Kolèj santral-a ?