Jezu Kristanv sobhecho mukheli zaun asa. (Efezkarank 5:23) To sorgar thaun prithumer aslolea aplea xisank margdorxon dita. Koxem? ‘Visvaxi ani xannea chakra’ udexim. (Matev 24:45 vachat.) Hea chakrak Jezun sobhank margdorxon diunk thoddo odhikar dila tem khorem. Punn to Jezuchea khala ravon aplea bhav-bhoinnanchi seva korta. Tor ho chakor konn ani to amkam margdorxon koxem dita tem ami zannam zaum-ia.

1. “Visvaxi ani xanno chakor” konn?

Aplea lokank vatt dakhounk, Jehovan sodanch eka munxak vo dadleanchea eka zomeak uzar kele. (Malaki 2:7; Hebrevank 1:1) Ani Jezu melea uprant pasun, tannem Jeruzalemant aslolea thoddea apostlank ani vhoddilank uzar kele. (Itihas 15:2) Teach bhaxen, to aichea tempar pasun vhoddilanchea eka lhan zomeak uzar korta. Ani hea zomeak “visvaxi ani xanno chakor” mhunnttla, zaka Jezun vinchun kaddla. (Matev 24:45) To chakor amkam vella-vellar Devachea Utrachi xikounn dita ani porgottnnechea kamant margdorxon dita. Ho chakor Jehovachea Sakxeanchem Sonchalon Monddoll zaun asa. Hea Monddollantle bhav povitr xokten mahkhlole asat je fuddarak Jezu sangata sorgar raj choloitole.

2. Visvaxi ani xanno chakor amkam koslem jevonn dita?

Visvaxi ani xanno chakor Kristi bhav-bhoinnank “sarkea vellar jevonn” ditolo mhunn Jezun sanglolem. (Matev 24:45) Tor tem jevonn kitem? Devachea Utrachi xikounn. Ami jevonn jevtat tednam ghott astat ani amchi bholaiki bori urta. Toxench, ami Devachi xikounn apnnaitat tednam Jehovak visvaxi ravonk ani Jezun dilʼlem kam bore toren korunk amkam modot zata. (1 Timotak 4:6) Tor, hi xikounn amkam video, prokaxonam, zomati, odhivexonam ani mittinge udexim melltta. Hea vorvim, Devachi khuxi kitem ti zannam zaunk ani tachea sangata amchi ixttagot ghott korunk amkam modot zata.

 KHOLAIEN XIKAT

3. Aple lok songottit aslole Jehovak zai

Jezuchea nirdexona khala Sonchalon Monddoll, Jehovachea Sakxeanchea kamachi dekhrekh korta. Ani poilea xekddeant pasun oxich manddavoll asli. VIDEO polloiat.

1 Korintkarank 14:33, 40 vachun sokol dilʼlea prosnacho zobab zannam zaum-ia:

• Jehovak aplea lokamnim songottit ritin kam kelolem zai mhunn hea versantlean koxem kolltta?

4. Visvaxi ani xanno chakor porgottnnechea kamachi manddavoll korta

Poilea xekddeantle Kristanv porgottnnechea kamak chodd mhotv ditale. Itihas 8:14, 25 vachun sokol dilʼlea prosnanche zobab zannam zaum-ia:

• Poilea xekddeantlea Kristanvank porgottnnechem kam korunk konn margdorxon ditalo?

• Her apostlam thaun Pedruk ani Juanvak margdorxon mellʼllem tednam tannim kitem kelem?

Aiz pasun Sonchalon Monddoll porgottnnechea kamak chodd mhotv dita. VIDEO polloiat.

 Porgottnnechem kam kitlem mhotvachem tem Jezun sanglem. Marku 13:10 vachun sokol dilʼlea prosnanche zobab zannam zaum-ia:

• Sonchalon Monddollak porgottnnechem kam kiteak itlem mhotvachem zaun asa?

• Sonvsarbhor porgottnnechea kamachi manddavoll korunk amkam ‘visvaxi ani xannea chakrachi’ kiteak goroz asa?

5. ‘Visvaxi ani xanno chakor’ amkam margdorxon dita

Sonvsarbhor aslolea Kristanvank aiz Sonchalon Monddoll margdorxon dita. Poilea xekddeantlem Sonchalon Monddoll margdorxon diunk kitem kortalem tem zannam zaiat. Itihas 15:1, 2 vachun sokol dilʼlea prosnanche zobab zannam zaum-ia:

• Poilea xekddeantlea Kristanvam modem kiteak lagon vad-vivad zalʼlo?

• Ho vad-vivad suttavo korunk Paulu, Barnabas ani her bhav konna lagim gele?

Itihas 15:12-18, 23-29 vachun sokol dilʼlea prosnacho zobab zannam zaum-ia:

• Poilea xekddeantlea Sonchalon Monddollan eka vixoi-acher Jehovachem chintop zannam zaunk kitem kelem?—Vers 12, 15, ani 28 polloiat.

Itihas 15:30, 31 ani 16:4, 5 vachun sokol dilʼlea prosnanche zobab zannam zaum-ia:

• Poilea xekddeantlea Kristanvamnim Sonchalon Monddollan ghetlolo nirnnoi aikolea uprant kitem kelem?

• Ani tea pasot Jehovan tankam koslim besanvam dilim?

2 Timotak 3:16 ani Jakob 1:5 vachun sokol dilʼlea prosnacho zobab zannam zaum-ia:

• Aiz Sonchalon Monddoll koslo-i nirnnoi ghetana kitem korta?

 KITEM XIKLIM

‘Visvaxi ani xanno chakor’ aiz Sonchalon Monddoll zaun asa ani taka Jezun vinchun kaddla. Hem Monddoll sonvsarbhor Kristanvank tancho bhavarth ghott zaunk Devachea Utra thaun xikounn dita.

Porot Ugddas Korum-ia

• ‘Visvaxi ani xannea chakrak’ konnem vinchun kaddla?

• Sonchalon Monddoll amchi kallji koxi gheta?

• Sonchalon Monddoll hench ”visvaxi ani xanno chakor” mhunn tumi manun ghetat kai?