Nia Jesús nekiipüʼükai na anoujashiikana (Éfeso 5:23, 24). Maaʼulu yaa, nuʼunirüin Jesús nakuwaʼipa na anoujashiikana nükajee «chi achepchiee oonookai jee kekiikai maʼin» (jaashajeʼera Mateo 24:45, TNM). Aneekünüshi chia achepchieekai nutuma Jesús jee naapüin laülawaa nümüin. Ayatapejeʼe nia nüchepchiain Cristo süpüla niʼyataainjachin napüleerua na wane aneekuushikana. ¿Jarai chia achepchieekai? ¿Kasa naaʼinraka süpüla naaʼinmajüin waya?

1. ¿Jarai «chi achepchiee oonookai jee kekiikai maʼin»?

Niʼitaapuʼuin Jehová wanee wayuu jee kojuyashiire naya süpüla nuʼunirüin sukuwaʼipa tü nupueulosekat (Malaquías 2:7; Hebreokana 1:1). Jamüsüjaʼa süchikijee outuin Jesús, naya na aluwataaushikana namaa na laülaashii chejeʼewaliikana Jerusalén oʼuniraka nakuwaʼipa na anoujashiikana (Aluwataaushikana [Hechos] 15:2). Maaʼulu yaa nuʼunirüin Jehová sukuwaʼipa tü nupueulosekat nakajee na Laülaashii Jülüjakana Aaʼin na Aküjaliikana Pütchi sainküin mma. Aʼyataashii naya süpüla icheinjatüin nanoula na wawalayuukana jee noʼunirüin sukuwaʼipa tü aküjaakat pütchi. «Chi achepchiee oonookai jee kekiikai maʼin eʼitaanakai nutuma [Jesús]» naya na Laülaashii Jülüjakana Aaʼin na Aküjaliikana Pütchi sainküin mma (Mateo 24:451). Wawalayuukana naainnua, aneekünüshii naya sükajee nüpülain Maleiwa jee aʼatapajüshii naluwataainjanain nümaa Cristo.

2. ¿Kasa naapaka chi achepchiee oonookai jee kekiikai maʼin?

Niʼitaain Jesús chi achepchieekai süpüla «naapajatüin neküin na wane [anoujashiikana] choʼujaapa shia namüin» (Mateo 24:452). Maʼaka katsüin waaʼin sutuma tü eküütkat, katsüinsü wanoula sutuma tü naapakat wamüin chi achepchieekai, tü süchikimaajatkat Nünüiki Maleiwa. Choʼujaasü wamüin tia süpüla waneepiain waya nümaa Jehová jee süpüla wekeraajüin tü nuluwataakalü anain waya Jesús (1 Timoteo 4:6). Aapünüsü wamüin tü choʼujaakat sümüin wanoula sükajee tü ekirajünakalü anain waya sünain tü outkajawaakat, sünain tü outkajawaakat miyoʼu, sükajee tü karaloʼutakalüirua jee sükajee tü video suluʼujeejatkat tü Bibliakat. Sünainjee tia, wayaawata aaʼu tü keeʼireekat naaʼin Jehová wapüleerua otta tü waaʼinrajatkat süpüla aleewain maʼin waya nümaa.

 WEKIRAJAA SOOʼOMÜIN

3. Paaʼinwashii na aʼyataakana nümüin Jehová

Nuʼunirüin Jesús nakuwaʼipa na Laülaashii Jülüjakana Aaʼin na Aküjaliikana Pütchi süpüla nakumajüin sukuwaʼipa naʼyataain na wawalayuukana sainküinpünaa tü mmakat. Majatia sukuwaʼipa tia soʼu nakalia na nikirajüinkana Jesús. Jünaja tü VIDEOKOT.

Jaashajeʼera 1 Corinto 14:33, 40, TNM otta yooto jia süchiki tüü:

• Sünainjee tü sümakat tia wetsiikulokalüirua, ¿jamüsü watüjaaka saaʼu keeʼireein naaʼin Jehová paaʼinwain na aʼyataashiikana nümüin?

4. Nia akumajaka chi achepchieekai sukuwaʼipa tü aküjaakat pütchi

Na anoujashiikana soʼu nakalia na nikirajüinkana Jesús, shia naaʼinmaaka maʼin tü aküjaakat pütchi. Jaashajeʼera Aluwataaushikana 8:14, 25, otta yooto jia süchiki tüü:

• ¿Jaralii na akumajakana sukuwaʼipa tü aküjaakat pütchi soʼu nakalia na nikirajüinkana Jesús?

• ¿Kasa naaʼinraka Pedro nümaa Juan wanaa sümaa najütünüin natuma na wanee aluwataaushikana?

Na Laülaashii Jülüjakana Aaʼin na Aküjaliikana Pütchi sainküin mma, shia naaʼinmaaka nakumajüin sukuwaʼipa tü aküjaakat pütchi. Jünaja tü VIDEOKOT.

 Nüküjain Jesús shiainjatüin waaʼinmaain maʼin tü aküjaakat pütchi. Jaashajeʼera Marcos 13:10, TNM otta yooto jia süchiki tüü:

• ¿Jamüsü naaʼinmaaka tü aküjaakat pütchi na Laülaashii Jülüjakana Aaʼin na Aküjaliikana Pütchi sainküin mma?

• ¿Jamüsü choʼujaaka sukumajünüin sukuwaʼipa tü aküjaakat pütchi sainküinpünaa mmakat nutuma «chi achepchiee oonookai jee kekiikai maʼin»?

5. Nuʼunirüin wakuwaʼipa chi achepchieekai

Na Laülaashii Jülüjakana Aaʼin na Aküjaliikana Pütchi sainküin mmakat, noʼunirüin nakuwaʼipa na Aküjaliikana pütchi. ¿Kasa naaʼinrakat süpüla nanouteʼerüin wanee kasa? Waashajeʼera süchiki tü naaʼinrapuʼukat soʼu nakalia na nikirajüinkana Jesús. Jaashajeʼera Aluwataaushikana 15:1, 2 otta yooto jia süchiki tüü:

• ¿Kasa nnojotka anajiraain atuma naaʼin na anoujashiikana soʼu nakalia na nikirajüinkana Jesús?

• ¿Jara naashajaaka amaa Pablo, Bernabé otta waneinnua anoujashii süpüla nanouteʼerüin tü alatakat?

Jaashajeʼera Aluwataaushikana 15:12-18 otta 23-29 otta yooto jia süchiki tüü:

• Soʼu nakalia na nikirajüinkana Jesús, ¿kasa naaʼinraka na aluwataaushikana jee na laülaashiikana süpüla nuʼunirüin Maleiwa sukuwaʼipa tü nanouteʼerüinjatkat? (Jaashajeʼera süchikuaʼa wetsiikulokot 12, 15 otta 28).

Jaashajeʼera Aluwataaushikana 15:30, 31 otta 16:4, 5 otta yooto jia süchiki tüü:

• ¿Jamüsü naaʼin na anoujashii eejanakana soʼu tia sutuma tü karaloʼutaka naluwataakat na laülaashiikana jee na aluwataaushikana?

• ¿Jamüsü watüjaaka saaʼu nükaalinjain Jehová naya sünainjee noonooin sümaa tü aluwataanakalü anain?

Jaashajeʼera 2 Timoteo 3:16 otta Santiago 1:5 otta yooto jia süchiki tüü:

• ¿Kasa naaʼinraka na Laülaashii Jülüjakana Aaʼin na Aküjaliikana pütchi süpüla anain noʼuluʼu Jehová tü naneekakat napüleerua na anoujashiikana?

 WATÜJAAITPAKA AAʼU

Niʼitaala Jesús «chi achepchiee oonookai jee kekiikai maʼin». Chia achepchieekai, naya na Laülaashii Jülüjakana Aaʼin na Aküjaliikana Pütchi sainküin mma. Naya oʼuniraka sukuwaʼipa naʼyataain na Aküjaliikana Pütchi sainküin mmaka jee naapüin namüin tü katchinjatkalü atuma nanoula.

Pusouta shiʼipajee

• ¿Jara keʼinaajalaka «chi achepchiee oonookai jee kekiikai maʼin»?

• ¿Kasa naaʼinraka na Laülaashii Jülüjakana Aaʼin na Aküjaliikana Pütchi sainküin mma süpüla naaʼinmajüin waya?

• ¿Nayache na Laülaashii Jülüjakana Aaʼin na Aküjaliikana pütchi «chi achepchiee oonookai jee kekiikai maʼin»?