Yesu niwe mutwe gw’enteko y’Ekikirisito. (Abaefeso 5:23) Kany’aka, Yesu nahabura abagesibwabe abali omu nsi kuraba aha “mwiru omwesigwa mara aina obushobokerwa.” (Shoma Matayo 24:45.) Orw’okuba Yesu niwe amutahireho, “omwiru” ogwo aina ekitinwa omu ngeli nanka, kyonkai nagendelera kuba mwiru wa Kirisito nokukorera barumuna ba Kirisito. Omwiru ogwo n’ohai? Nawe natwikazage omuli ngeliki?

1. “Omwiru omwesigwa mara aina obushobokerwa” n’ohai?

Ebiro byonai, Yehova nakozesa abashaija nanka anga ekikundi kike ekya abashaija kuhabura abantube. (Malaki 2:7; Abaheburania 1:1) Orwo Yesu yafire, entumwa n’abagurusi kulinya Yerusalemu nibo babandize kuhabura. (Ebikorwa 15:2) Omu kuhondera obulebero obwo, ekikundi kike ekya abagurusi, yaani, Orukiiko Rw’abebembezi Orw’Abajulizi ba Yehova, nibatekateka ekyakulya ky’omwoyo nokuhabura omulimo gw’okurangilira. Ekikundi ekyo nikyetwa “omwiru omwesigwa mara aina obushobokerwa owo [Yesu] yasigire yakwasa ekaye.” (Matayo 24:45a) Abashaija bona abali omu rukiiko rw’abebembezi Bakirisito enkorwa-majuta. Orwo oburora bwabo buli kugoba enzindo aha omunsi, baina eshubi ey’okutwara hamoi na Kirisito omu Bukamabwe omwiguru.

2. Omwiru omwesigwa natekateka kyakulyaki eky’omwoyo?

Yesu akagamba nk’okwo omwiru omwesigwa ‘yakugabiire Abakirisito batahibe ekyakulya kyabo omu kanya akali kugasha.’ (Matayo 24:45b) Nk’okwo ekyakulya ky’omubili kilikutujuna kugendelera kugira amani n’obubili burungi, nikwo n’ekyakulya ky’omwoyo, yaani, enyorekelera kuruga omu Kigambo kya Katonda, kilikutuha amani ago tulikwetaga tubase kugendelera kuba besigwa ahali Yehova n’okugobesheleza omulimo ogwo Yesu yatuhaire. (1 Timoteo 4:6) Nitukwasa ekyakulya eki eky’omwoyo kuraba omu nkiiko, omu miterano y’omuzunguko n’eye ekichweka, n’okuraba omu machapisho n’evideo ezili kugendanwa n’Ebibulia ezili kutujuna kushobokerwa engonzi za Katonda n’okugumisa obunywanyi bwaitu ahali wenene.

 MANYURUZA

3. Abantu ba Yehova nibetagwa kutekatekwa ombu taratibu

Omu kuhondera enyorekelera ya Yesu, Orukiiko Rw’abebembezi nirutekateka omulimo gwa abajuliza ba Yehova. Akaba aliho entekateka nkegyo omu nteko y’Ekikirisito ey’ekarine ya mbere. Yolekya EVIDEO.

Shoma 1 Abakorinto 14:33, 40, mushube mufumoreho ekibazo eki:

• Enjuru ezi nizolekya zitai nk’okwo Yehova nayenda abajulizibe bagire obutaratibu?

4. Omwiru omwesigwa natekateka omulimo gw’okurangilira

Omulimo gw’okurangilira nigwo mulimo ogwabaire guli gw’omugasho muno ogw’Abakirisito b’ekarine ya mbere babaire nibakora. Shoma Ebikorwa 8:14, 25, mushube mufumoreho ebibazo ebi:

• Omu Bakirisito b’ekarine ya mbere, ni bahai ababaire nibahabura omulimo gw’okurangilira?

• Petro na Yohana bakatora batai enyorekelera kuruga omu ntumwa ezindi?

Omulimo gw’okurangilira nigwo mulimo oguli gw’omugasho muno oguli kutekwatekwa n’Orukiiko Rw’abebembezi. Yolekya EVIDEO.

 Yesu akakomeleza omugasho gw’omulimo gw’okurangilira. Shoma Mariko 13:10, mushube mufumoreho ebibazo ebi:

• Kubaki Orukiiko Rw’abebembezi nirubona omulimo gw’okurangilira kuba mulimo oguli gw’omugasho muno?

• Kubaki nitwetaga “omwiru omwesigwa mara aina obushobokerwa” abase kutekateka omulimo ogu oguli kukorwa omu nsi yona?

5. Omwiru omwesigwa natekateka enyolekelera

Orukiiko Rw’abebembezi nirutekatekera enyorekelera Abakirisito omu nsi yona. Niruramura rutai enyorekelera eli kutugasha? Enjuza omanye okwo orukiiko rw’abebembezi orw’Abakirisito b’ekarine ya mbere okwo babaire nibakora. Shoma Ebikorwa 15:1, 2, mushube mufumoreho ebibazo ebi:

• Nikintuki ekyakozire abeho obutashobokerwangana omu Bakirisito b’ekarine ya mbere?

• Paulo, Barnaba, n’abandi bakahiga nkaha enyorekelera ey’okumara ekintu ekyo?

Shoma Ebikorwa 15:12-18, 23-29, mushube mufumoreho ekibazo eki:

• Batakakozire buramuzi bwona bwona, orukiiko rw’abebembezi bakahenjuzaki babase kukwasa enyorekelera ya Katonda ekweteho ekintu ekyo?​—Leba orujuru rwa 12, 15, na 28.

Shoma Ebikorwa 15:30, 31 na 16:4, 5, mushube mufumoreho ebibazo ebi:

• Abakirisito b’ekarine ya mbere bakatora batai enyorekelera eyo bahairwe kuruga omu rukiiko rw’abebembezi?

• Yehova akabaha migishaki orwo bahondeire enyorekelera egyo?

Shoma 2 Timoteo 3:16 na Yakobo 1:5, mushube mufumoreho ekibazo eki:

• Orukiiko Rw’abebembezi kany’aka nibahiya nkaha enyorekelera babase kukora oburamuzi?

 OMUBIGUFI

Orukiiko Rw’abebembezi niwe “mwiru omwesigwa mara aina obushobokerwa” atairweho Kirisito. Nibatuha enyorekelera n’okututekatekera ekyakulya ky’omwoyo Abakirisito ichwena omu nsi.

Isi ebi wakubihorora otai?

• N’ohai ayataireho “omwiru omwesigwa mara aina obushobokerwa”?

• Orukiiko Rw’abebembezi nirutwikazage omuli ngeliki?

• Isi, noyesiga nk’okwo Orukiiko Rw’abebembezi niwe “mwiru omwesigwa mara aina obushobokerwa”?