Ɛisa d Aqerru n tejmaɛt tamasiḥit (Ifasusiyen 5:23). Ass-a, Ɛisa yeţwellih-ed seg igenni iqeddacen-is yellan ɣef lqaɛa. Akken ad yessiweḍ ɣer wayagi, yessexdam ‘aqeddac unṣiḥ aɛeqli’ (ɣer-ed Matta 24:45). D Ɛisa Lmasiḥ s yiman-is i gesbedden “aqeddac-agi” (neɣ akli-yagi) yerna iwekkel-it ad yeţţaṭṭaf kra n leqrarat. Ihi “akli-yagi” yeţḍuɛu Lmasiḥ yerna iqeddec ɣef watmaten n Lmasiḥ. Menhu-t “wakli-yagi” yerna amek i d-yeţţelhay yid-neɣ?

1. Anwa i d “akli unṣiḥ aɛeqli”?

Si zik, Yahwa yessexdam irgazen yeddukklen ţ-ţarbaɛt, neɣ yiwen wergaz kan, bac ad iwelleh agdud-is (Malaxi 2:7; Iɛebṛaniyen 1:1). Mbeɛd lmut n Ɛisa, d imceggɛen akk-d lecyux n Yarucalim i gwellhen tajmaɛt tamasiḥit (Lecɣal 15:2). Ass-agi daɣen, d yiwet n terbaɛt tamecṭuḥt n lecyux, yeţţusemman Asqamu amwellah n Inagan n Yahwa, i d-yeţheggin lmakla n ṛṛuḥ, i geţwellihen daɣen leqdic n uberreḥ. Ţ-ţarbaɛt-agi i d ‘akli unṣiḥ aɛeqli i gwekkel Ɛisa’ (Matta 24:45a). Iɛeggalen meṛṛa n Wesqamu amwellah d imasiḥiyen yeţwadehnen s ṛṛuḥ. S lfeṛḥ i ţṛaǧun ad ḥekmen akk-d Lmasiḥ di Tgelda-ines n igenwan, asm’ara tekfu tudert-nsen ɣef lqaɛa.

2. D acu i d lqut n ṛṛuḥ i d-yeţţak “wakli unṣiḥ aɛeqli”?

Ɛisa yenna-d belli akli unṣiḥ aɛeqli “a sen-iţţak lqut di lweqt” i iqeddacen-is (Matta 24:45b). Lqut i nteţţ yeţţak-aɣ-d tazmert akk-d ṣṣeḥḥa. Kifkif daɣen, lqut n ṛṛuḥ, yeɛni aselmed ireṣṣan ɣef Wawal n Ṛebbi, yeţţak-aɣ-d tazmert i neḥwaǧ iwakken a neqqim d unṣiḥen i Yahwa yerna a nexdem ccɣel iɣef i ɣ-iwekkel Ɛisa (1 Timutawus 4:6). Yeţţunefkay-aɣ-d lqut-agi n ṛṛuḥ deg inejmuɛen, deg yegrawen akk-d tezmamin d bidyuwat ireṣṣan ɣef Wedlis Iqedsen. Ayagi meṛṛa yeţɛawan-aɣ a nefhem lebɣi n Ṛebbi yerna a nesseǧhed tadukli-nneɣ yid-es.

 A NNADI A NEFHEM AKTEṚ

3. Agdud n Yahwa ilaq ad yesɛu nniḍam

Asqamu amwellah, i gqeddcen ddaw n leɛnaya n Ɛisa, yeţwellih leqdic n Inagan n Yahwa. Ayagi yeţcabi mliḥ ɣer wamek i llan xeddmen imasiḥiyen imezwura. Walit BIDYU-YAGI.

Ɣret-ed 1 Ikurintiyen 14:33, 40, mbeɛd hedṛet ɣef westeqsi-yagi:

• Amek i d-sskanayen yefyar-agi belli Yahwa yebɣa-yasen i Inagan-is ad sɛun nniḍam?

4. Akli unṣiḥ aɛeqli yeţwellih leqdic n uberreḥ

Aberreḥ d leqdic yesɛan azal akteṛ i xedmen imasiḥiyen imezwura. Ɣret-ed Lecɣal 8:14, 25, mbeɛd hedṛet ɣef yesteqsiyen-agi:

• Menhu i gwellhen leqdic n uberreḥ di zzman n imasiḥiyen imezwura?

• Amek i xedmen Buṭrus akk-d Yuḥenna mi slan i lewṣayat n yemceggɛen nniḍen?

Leqdic yesɛan azal akteṛ i geţwellih Wesqamu amwellah, d aberreḥ. Walit BIDYU-YAGI.

 Ɛisa yenna-d belli leqdic n uberreḥ yesɛa azal ameqran. Ɣret-ed Marqus 13:10, mbeɛd hedṛet ɣef yesteqsiyen-agi:

• Ɣur Wesqamu amwellah, ayɣer i gesɛa azal ameqran uberreḥ?

• Acuɣer i glaq ad iwelleh “wakli unṣiḥ aɛeqli” leqdic-agi di ddunit meṛṛa?

5. Akli unṣiḥ aɛeqli yeţţak-ed lewṣayat

Asqamu amwellah yeţţak-ed lewṣayat i imasiḥiyen n ddunit meṛṛa. Amek i geţţaṭṭaf leqrarat? A nwali amek i gella ixeddem wesqamu amwellah di lqern amezwaru. Ɣret-ed Lecɣal 15:1, 2, mbeɛd hedṛet ɣef yesteqsiyen-agi:

• Ɣef wacu ur msefhamen ara imasiḥiyen n lqern amezwaru?

• Ɣur menhu i ṛuḥen Bulus d Bar-Naba akk-d wiyaḍ bac ad frun tamsalt?

Ɣret-ed Lecɣal 15:12-18, 23-29, mbeɛd hedṛet ɣef westeqsi-yagi:

• D acu i gexdem wesqamu amwellah akken a t-iɛiwen Ṛebbi di leqrar i geṭṭef? (walit ifyar 12, 15 akk-d 28).

Ɣret-ed Lecɣal 15:30, 31 akk-d 16:4, 5, mbeɛd hedṛet ɣef yesteqsiyen-agi:

• Amek i xedmen imasiḥiyen n lqern amezwaru mi slan i lewṣayat n wesqamu amwellah?

• Amek i gburek Yahwa imasiḥiyen-agi imi i uɣen awal?

Ɣret-ed 2 Timutawus 3:16 akk-d Yeɛqub 1:5, mbeɛd hedṛet ɣef westeqsi-yagi:

• Ass-a, d acu i geţwellihen Asqamu amwellah m’ara yeţţaṭṭaf leqrarat?

 AYEN I D-NELMED

Asqamu amwellah d “akli unṣiḥ aɛeqli” i gesbedd Lmasiḥ. D neţţa i d-yeţţaken lewṣayat akk-d lmakla n ṛṛuḥ i imasiḥiyen n ddunit meṛṛa.

A d-nesmekti

• Anwa i gesbedden “akli unṣiḥ aɛeqli”?

• Amek i d-yeţţelhay yid-neɣ Wesqamu amwellah?

• Tumneḍ belli Asqamu amwellah d “akli unṣiḥ aɛeqli”?