54 УРОКЫР
«ЗэхэщІыкІ зиІэ, узыщыгугъ хъун унэІутыр»
Зэхуэсым и щхьэу щытыр Хьисэ Мэссихьщ (Ефес 5:23). Ар иджыпсту уафэм щыІэщ. Абы щІылъэм тет и лъэужь ирикІуэхэр «зэхэщІыкІ зиІэ, узыщыгугъ хъун унэІутыр» къигъэсэбэпу еунэтІ. (Къеджэ Маттэ 24:45.) А унэІутыр Хьисэщ тезыгъэувар. Абы ар хуит ищІащ унафэ гуэрхэр къищтэну. Апхуэдэ хуитыныгъэ иІэми, ар Хьисэ и лъабжьэ щІэту къонэж икІи Хьисэ и къуэшхэм хуолажьэ. Хэт хъуну а унэІутыр икІи дапхуэдэу абы и нэІэ къызэрыттригъэтыр?
1. Хэт хъуну «зэхэщІыкІ зиІэ, узыщыгугъ хъун унэІутыр»?
Иеговэ и лъэпкъыр иунэтІын щхьэкІэ сыт щыгъуи цІыху щхьэхуэхэр е цІыху гупхэр къигъэсэбэпу щытащ (Малахия 2:7; Еврейхэм 1:1). Хьисэ лІа иужь Ерусалим щыІэ апостолхэмрэ зэхуэсым и нэхъыжьхэмрэ зэхуэсхэм кІэлъыплъу щІадзащ (Апостолхэм 15:2). Абыхэм я щапхъэм тету, ноби Иеговэ и Щыхьэтхэм я УнафэщІ гупым хыхьэ къуэш зыбжанэм Алыхьым къыбгъэдэкІ щІэныгъэр къыдат, хъыбарыфІ гъэІун лэжьыгъэри яунэтІ. А гупым хыхьэ зэхуэсым и нэхъыжьу лажьэ къуэшхэращ «зэхэщІыкІ зиІэ, узыщыгугъ хъун унэІуткІэ» еджэу Хьисэ тригъэувар (Маттэ 24:45, япэ Іыхьэр). УнафэщІ гупым хыхьэхэм псоми уафэм кІуэну гугъэ яІэщ. Ахэр лІэуэ уафэм дэкІуеижа иужь Хьисэ и гъусэу уафэм щытепщэнущ.
2. УнэІут пэжым сыт хуэдэ шхын къыдитыр?
Хьисэ жиІауэ щытащ унэІут пэжым Алыхьым и лэжьакІуэхэм шхыныр и чэзум зэрыритынур (Маттэ 24:45, етІуанэ Іыхьэр). Шхыным къару къызэрыдитым икІи ди узыншагъэр зэрызэтриІыгъэм хуэдэу, Алыхьым къыбгъэдэкІ шхыныгъуэр — Библием тегъэщІа щІэныгъэр — къыддоІэпыкъу Иеговэ хуэпэжу дыкъэнэну, Хьисэ къыдита къалэнри дгъэзэщІэну (1 Тимофей 4:6). Алыхьым къыбгъэдэкІ шхыныгъуэр ди зэІущІэхэмкІэ, конгрессхэмкІэ, Библием тегъэщІа публикациехэмкІэ, видеохэмкІэ къытІэрохьэ. А псор къыддоІэпыкъу Алыхьыр къызэрытщыгугъыр фІыуэ къыдгурыІуэну, ди зэхуаку дэлъ зэныбжьэгъугъэри нэхъ быдэ тщІыну.
НЭХЪ КУУУЭ ХЭПЛЪЭ
«ЗэхэщІыкІ зиІэ, узыщыгугъ хъун унэІутым», е нэгъуэщІу жыпІэмэ УнафэщІ гупым, дыщІыхуэныкъуэр къащІэ.
УнафэщІ гупым дуней псом тет Иеговэ и Щыхьэтхэм Алыхьым къыбгъэдэкІ шхыныгъуэмрэ унафэмрэ ярет икІи гузэвэгъуэшхуэ гуэр къызылъэІэсахэм ядоІэпыкъу
3. Алыхьым и лъэпкъыр фІыуэ зэгъэпэщауэ щытын хуейщ
Хьисэ и унафэм щІэту УнафэщІ гупым Иеговэ и Щыхьэтхэм я лэжьыгъэр еунэтІ. Апхуэдэущ япэ лІэщІыгъуэми Хьисэ и лъэужь ирикІуэхэм ирахьэкІ лэжьыгъэр зэрызэгъэпэщауэ щытар. ВИДЕОМ еплъ.
1 Коринф 14:33, 40 итым къеджи мы упщІэм егупсыс:
-
И лъэпкъыр зэгъэпэщауэ щытыну Иеговэ зэрыхуейр мы едзыгъуэхэм дапхуэдэу къызэрыхэщыр?
4. «ЗэхэщІыкІ зиІэ, узыщыгугъ хъун унэІутым» хъыбарыфІ гъэІун лэжьыгъэр къызэрегъэпэщ
Япэ лІэщІыгъуэм псэуа Хьисэ и лъэужь ирикІуэхэм хъыбарыфІ гъэІуныр псом япэ ирагъэщт. Апостолхэм 8:14, 25 итым къеджи мы упщІэхэм егупсыс:
-
Япэ лІэщІыгъуэм хъыбарыфІыр зэрагъэІуну щІыкІэм теухуауэ хэтыт унафэ зыщІыр?
-
Адрей апостолхэм ящІа унафэм Петррэ Иуанрэ дапхуэдэу зэрыхущытар?
УнафэщІ гупым иригъэкІуэкІ лэжьыгъэ нэхъыщхьэ дыдэр — ар хъыбарыфІ гъэІуныр къызэгъэпэщыныращ. ВИДЕОМ еплъ.
Марк 13:10 итым къеджи мы упщІэхэм егупсыс:
Хьисэ и псалъэхэм къыхощ хъыбарыфІ гъэІуным мыхьэнэшхуэ зэриІэр.-
УнафэщІ гупым хъыбарыфІ гъэІуным апхуэдиз мыхьэнэ щІритыр сыт?
-
А лэжьыгъэр дуней псом щекІуэкІын щхьэкІэ зэхэщІыкІ зиІэ, узыщыгугъ хъун унэІутым дыщІыхуэныкъуэр сыт?
5. УнэІут пэжым Алыхьым и лъэпкъыр еунэтІ
Хьисэ и лъэужь ирикІуэхэм ирахьэкІ лэжьыгъэр УнафэщІ гупым дуней псом къыщызэрегъэпэщ. Дапхуэдэу а къуэшхэм унафэ къызэращтэр? Япэ лІэщІыгъуэм щыІа унафэщІ гупым унафэхэр къызэрищтэу щытам еплъ. Апостолхэм 15:1, 2 итым къеджи мы упщІэхэм егупсыс:
-
Япэ лІэщІыгъуэм псэуа Хьисэ и лъэужь ирикІуэхэр сытыт щІызэдэуар?
-
Паулрэ Варнавэрэ нэгъуэщІ къуэшхэр я гъусэу, а упщІэр зэхагъэкІын щхьэкІэ хэт зызыхуагъэзар?
Апостолхэм 15:12—18, 23—29 итым къеджи мы упщІэм егупсыс:
-
А упщІэм теухуауэ Алыхьым и еплъыкІэр гурыІуэгъуэ хъун щхьэкІэ, япэ лІэщІыгъуэм щыІа унафэщІ гупым сыт ищІар? (12, 15, 28 едзыгъуэхэм еплъ.)
Апостолхэм 15:30, 31; 16:4, 5 итым къеджи мы упщІэхэм егупсыс:
-
УнафэщІ гупым ищІа унафэм япэ лІэщІыгъуэм псэуа Хьисэ и лъэужь ирикІуэхэр дапхуэдэу зэрыхущытар?
-
ЖыІэдаІуэныгъэ зэрагъэлъэгъуам щхьэкІэ дауэ Иеговэ и нэфІ абыхэм зэращыхуар?
2 Тимофей 3:16, Екъуб 1:5 итым къеджи мы упщІэм егупсыс:
-
Ди зэманым УнафэщІ гупым дапхуэдэу унафэ къызэрищтэр?
ЗЫГУЭРЫМ ЖИІЭФЫНУЩ: «УнафэщІ гупым жиІэм фыщыщІэткІэ, фэ фи пашэр цІыхухэращ».
-
УнафэщІ гупымкІэ Хьисэ дызэриунэтІыр сыт уи фІэщ зыщІыр?
КЪЭПЩЫТЭЖ
«ЗэхэщІыкІ зиІэ, узыщыгугъ хъун унэІуту» Хьисэ тригъэувар УнафэщІ гупыращ. А унэІутым дуней псом тет Хьисэ и лъэужь ирикІуэхэр еунэтІ икІи Алыхьым къыбгъэдэкІ шхыныгъуэр ярет.
Мы упщІэхэр зэгъусэу зэпкърыфх:
-
«ЗэхэщІыкІ зиІэ, узыщыгугъ хъуну унэІутыр» хэт тезыгъэувар?
-
УнафэщІ гупым дапхуэдэу и нэІэ къызэрыттригъэтыр?
-
Уи фІэщ хъурэ «зэхэщІыкІ зиІэ, узыщыгугъ хъуну унэІутыр» УнафэщІ гупырауэ зэрыщытыр?
НЭХЪЫБЭ КЪАЩІЭ
УнафэщІ гупымрэ абы игъэзащІэ лэжьыгъэмрэ теухуауэ къащІэ.
«Иеговэ и Щыхьэтхэм я УнафэщІ гупыр сыт зищІысыр?» (интернет-статья, урысыбзэкІэ)
Ди тхыгъэхэм пцІы хэмыхьэу, дзыхь хуэпщІ хъуну щытын щхьэкІэ, УнафэщІ гупым сыт ищІэми къащІэ.
Хьисэ кърита къалэным УнафэщІ гупыр дапхуэдэу зэрыхущытыр?
УнафэщІ гупыр къигъэсэбэпу Иеговэ унафэрэ щІэныгъэрэ къызэрыдитым ди зэІущІэхэмрэ ди конгрессхэмрэ дапхуэдэу щыхьэт зэрытехъуэр?