Jesus tỹ tỹ congregação krĩ nĩ. (Éfeso 5:23) Ũri ti tỹ kanhkã tá nĩ, kar ti tỹ ti nón mũnh fã ag jyvẽn tĩ Ga kri, Cristo Mré Ke Ag Kar Ki Rĩr Fã tỹ. (Mateus 24:45 le kem nĩ.) Jesus hã ne tóg Cristo Mré Ke Ag Kar Ki Rĩr Fã kuprẽg mũ kar Jesus tóg ag mỹ nén ũ ag vin mũ, ag tỹ nén ũ ãn tỹ rĩr jé. Jérĩn mỹ, ũn ag tỹ rĩr tĩ, Cristo Mré Ke Ag Kar Ki Rĩr Fã tỹ Cristo mỹ rãnhrãj tĩ kar ag tỹ régre ag mỹ rãnhrãj tĩ gé. Ũn tỹ ne nỹ Cristo Mré Ke Ag Kar Ki Rĩr Fã ti? Ti hã ren kỹ ẽg ki rĩr tĩ?

1. Ũ tỹ ne nỹ Cristo Mré Ke Ag Kar Ki Rĩr Fã ti?

Jeová tỹ ti povo jyvẽn nĩgtĩ, ũn pir tỹ, ke tũ nĩn kỹ ũn ag tỹ. (Malaquias 2:7; Hebreu 1:1) Jesus ter ja ke kar, apóstolo ag kar congregação to kófa ag tỹ tag han nỹtĩ vã, Jerusalém tá. (Han kãme 15:2) Ũri tag tỹ hãn ri ke tĩ gé. Jeová tỹ ti vĩ kanhrãn tĩ, kar ti tỹ ũn tỹ ti vĩ kãmén tĩ ag tỹ rĩr tĩ, congregação to kófa ũ ag tỹ. Ag tỹ tỹ Cristo Mré Ke Ag Tỹ Rĩr Fã nỹtĩ. Jesus tóg ag kuprẽg mũ, ag tỹ ‘ti jo ti mré mré ke ag ki rĩr jé’, ag tỹ nén ũ ãn ag tỹ rĩr jé. (Mateus 24:45a, [TNM]) Cristo Mré Ke Ag Kar Tỹ Rĩr Fã kãmĩ, Jeová tỹ vẽnh kar tỹ kuprẽg ja, ti kuprĩg tỹ. Ag tỹ kãgter ke kar, ag tỹ kanhkã tá Cristo mré Ga tỹ rĩr ke mũ.

2. Cristo Mré Ke Ag Kar Ki Rĩr Fã hã ren kỹ Jeová povo mỹ Topẽ vĩ to kanhrãnrãn tĩ?

Jesus tó ja, Cristo Mré Ke Ag Kar Ki Rĩr Fã tỹ ‘ti jo ti mré camarada ag ki rĩr jé, ag mỹ vẽjẽn ven jé, vẽjẽn ke hora ki’. (Mateus 24:45b) Vãjãn tỹ ẽg ajũna ke tĩ, ẽg tỹ tigtar nỹtĩ jé kar ẽg corpo há nỹtĩ jé, tag hã ri ke ‘vẽjẽn kuprĩg’ ẽg ajũna ke tĩ, ẽg tỹ Jeová to jykre pir hã ki nỹtĩ kar ẽg tỹ Topẽ vĩ to kãmén jé. (1 Timóteo 4:6) Vẽnhmãn ag, assembleia ag, vẽnhmãn mág ag, vẽnh rá ag kar vídeo ag tỹ Topẽ vĩ to kanhrãnrãn tĩ, ẽg mỹ. Tag vỹ ẽg ajũna ke tĩ, ẽg tỹ Topẽ jykre to kanhrãn jé kar ẽg tỹ ti mré há kãfór nỹtĩ jé.

 VẼNH KANHRÃN KÃFÓR NĨ

3. Jeová povo tỹ vẽnh mãn kỹ nỹtĩ ke nỹtĩ

Cristo Mré Ke Ag Kar Tỹ Rĩr Fã tỹ Jesus vẽnh jyvẽn ag jẽmẽ há han tĩ kar ag tỹ Jeová Kãmén Fã ag tỹ rĩr tĩ, fag tỹ Topẽ vĩ to kãmén jé. Vãsỹ, Cristo mré ke ag tỹ ge han tĩ gé. Ha vé VÍDEO ti.

1 Corinto 14:33, 40 le kem nĩ. Kar jagnẽ mré vãmén nĩ, tag to:

• Vẽnh rá tag hã ren kỹ ẽg mỹ ven tĩ, Jeová tỹ ti povo tỹ vẽnh mãn kỹ nỹtĩ ve sór tĩ?

4. Cristo Mré Ke Ag Kar Ki Rĩr Fã tỹ ẽg tỹ rĩr tĩ, ẽg tỹ Topẽ vĩ to kãmén jé

Vãsỹ, Cristo mré ke ag hã mỹ, ag tỹ Topẽ vĩ to kãmén kỹ, ũn ag mỹ, tag tỹ tỹ vẽnh rãnhrãj há kãfór nĩ. Han kãme 8:14, 25 le kem nĩ. Kar jagnẽ mré vẽmén nĩ, nén ũ tag ag to:

• Vãsỹ, ũ nẽ Cristo mré ke ag tỹ rĩr tĩ vã, ag tỹ Topẽ vĩ to kãmén jé?

• Apóstolo ũ ag tóg Pedro kar João jyvẽn mũ. Ag mỹ apóstolo vĩ ki króm nĩ hẽn?

Cristo Mré Ke Ag Tỹ Rĩr Fã mỹ ẽg tỹ Topẽ vĩ to kãmén kỹ ũn ag mỹ, tag tỹ tỹ vẽnh rãnhrãj há kãfór nĩ. Ha vé VÍDEO ti.

 Jesus vỹ tó ja, ẽg tỹ Topẽ vĩ to kãmén kỹ, tag tỹ tỹ vẽnh rãnhrãj há kãfór nĩ. Marcos 13:10 le kem nĩ. Kar jagnẽ mré vãmén nĩ, tag to:

• Cristo Mré Ke Ag Tỹ Rĩr Fã hã mỹ, ne tugnĩn ag mỹ há nĩ, ẽg tỹ Topẽ vĩ to kãmén kỹ?

• Cristo Mré Ke Ag Kar Ki Rĩr Fã tỹ ẽg tỹ rĩr ke nỹtĩ, ẽg tỹ Topẽ vĩ to kãmén jé, Ga kar mĩ. Mỹ ne tugnĩn?

5. Cristo Mré Ke Ag Ki Rĩr Fã tỹ ẽg jyvẽn tĩ

Cristo Mré Ke Ag Tỹ Rĩr Fã tỹ Cristo mré ke jyvẽn tĩ, Ga kar mĩ. Ag hã ri ken kỹ ge han tĩ? Ha vé vãsỹ Cristo mré ke ag tỹ rĩr fã hã ren kỹ ge han ja ti. Han kãme 15:1, 2 le kem nĩ. Kar jagnẽ mré vẽmén nĩ, nén ũ tag ag to:

• Vãsỹ Cristo mré ke ag kãmĩ nén ũ jagy vỹ nĩ. Mỹ ne tugnĩn?

• Paulo, Barnabé kar ũnꞌũ ag tỹ ũ nẽ jagnẽ mré vẽmén mũ, ag ajũna ke jé, nén ũ jagy ãn fĩn rãm jé?

Han kãme 15:12-18, 23-29 le kem nĩ. Kar jagnẽ mré vẽmén nĩ, tag to:

• Vãsỹ apóstolo ag tỹ Ga kri mũ nĩn kã, Cristo mré ke ag tỹ rĩr fã tỹ nén ũ ag kuprẽg ke jo, ag tỹ nén ũ to kanhrãn sór tĩ vã, Topẽ jykre ki. Ag hã ren kỹ ge han tĩ vã? — Ha vé nũmro 12, 15 kar 28.

Han kãme 15:30, 31 kar 16:4, 5 le kem nĩ. Kar jagnẽ mré vẽmén nĩ, nén ũ tag ag to:

• Vãsỹ, Jesus nón tĩ ag mỹ Cristo Mré Ke Ag Tỹ Rĩr Fã tỹ vĩ ki króm nĩ hẽn?

• Ag tóg Topẽ vĩ jẽmẽ há han mũ. Tag tugnĩn Jeová hã ri ken kỹ ag ve há han ja?

2 Timóteo 3:16 kar Tiago 1:5 le kem nĩ. Kar jagnẽ mré vẽmén nĩ, tag to:

• Ũri Cristo Mré Ke Ag Tỹ Rĩr Fã tỹ hã ri ken kỹ nén ũ ag kuprẽg tĩ?

 Ã NE KANHRÃN JA TI

Jesus tóg Cristo Mré Ke Ag Tỹ Rĩr Fã kuprẽg mũ, ag tỹ ti jo ti mré ke ag ki rĩr jé. Ẽg régre tag ag vỹ Cristo mré ke ag jyvẽn tĩ kar ag tỹ ag mỹ Topẽ vĩ to kanhrãnrãn tĩ, Ga kar mĩ.

Jykrinkrén mũ

• Ũ nẽ Cristo Mré Ke Ag Kar Ki Rĩr Fã kuprẽg ja?

• Ũri Cristo Mré Ke Ag Tỹ Rĩr Fã hã ri ken kỹ ẽg ki rĩr tĩ?

• Jesus tóg ũn ag kuprẽg mũ, “ti mré ke ag ki rĩr jé.” Ã mỹ kri fig tĩ, Jesus tỹ Cristo Mré Ke Ag Tỹ Rĩr Fã kuprẽg ja ti?