Jesub ge a ǀhaohâb di dana. (Efeseǁîn 5:​23) Jesub ge nētsē ǁîb di saosaben hîna. ǃHūbaib ai hâna “ǂgomǂgomsa tsî gā-ai ǃgāb” ǃnâ-ū ra ǂgaeǂgui. (Khomai re Mateub 24:​45 sa.) Jesub ge aitsama ǁnā ‘ǃgāba’ ge ǁgaumâi. ǁNā-amagagu ge ǀnî mîǁguiga a dī ǁkhā. Xaweb ge nē ǃgāba Jesuba ǁnâuǀnam tsî mā-eb hâ sîsen-e ra dī. ǁNā ǃgāba a ham? Nē ǃgāba mati ra kōǃgâ da?

1. ‘ǂGomǂgomsa tsî gā-ai ǃgāba’ a ham?

Jehovab ge hoaǁae aob tamas ka io. ǂKhari ǃgôab aoga ra sîsenū ǁîb khoena kōǃgâs ǃaroma. (Maleaxib 2:7; Hebreǁîn 1:1) Jesub ǁōb khaoǃgâgu ge apostelgu tsî ǀhaohâb ǃûi-aogu tsîna. Jerusalems ǃnâ gere ǂgaeǂgui. (ǃNaeǃkhaidi 15:2) ǁKhā ǀgaub ǃnâ gu ge nētsē ǂkhari ǃgôab. ǀHaohâb ǃûi-aoga ra ǂgaeǂgui. Nē ǂkhari ǃgôab aogu ge ǂGaeǂguira soros. Jehovab ǃoaba-aon dis ase a ǂansa. Tsî gu ge gagasi ǂû-e mā. Tsî aoǁnâ sîsen i, mati nî dīhe ǀgausa ra mûǂam. ‘ǂGomǂgomsa tsî gā-ai ǃgāb ge oms din ǂama ge mâihe [Jesub] xa.’ (Mateub 24:​45) Hoa ǁanigu ǂGaeǂguira soros digu ge. ǃAnu gagab ǀkha ǂkhauhe hâ Xristeǁîga. ǁÎgu ge Xristub ǀkha ǁîb di ǀhomsi Gaosib ǃnâ sī nî hâ. ǁÎgu ǁgaumâis ǃhūbaib aigu ūhâs ga ǀam ǁaeb ai.

2. ǂGomǂgomsa tsî gā-ai ǃgāba mâ gagasi ǂûna ra mā?

Jesub ge ge mî ǂgomǂgomsa ǃgāb ge. Xristeǁîna ‘ǁaeb ai ǁîn ǂû-e ra mā.’ (Mateub 24:​45) ǂÛ da ra ǂûn sorosise ǀgaisa tsî ǂuruse ra ūhâ das. ǁKhās khami i ge gagasi ǂû-e, ǀgaiba ra mā da. Elobmîsa xu i ra hā amaga. Tsî ra dī î da ǂgomǂgomsase Jehovab ǃoa-ai hâ. Tsî Jesub ge mā da sîsen i, tsîna da nî dī ǁkhāse. (1 Timoteub 4:6) Nē gagasi ǂû-e da ge ǀhaodi, ǂharis ǀhaodi. Tsî ǀkharib kai ǀhaodi, Elobmîs ai ǃgaoǃgaosa ǂkhanin. Tsî vidion hîna ra hui dan, Elob ǂâisa ǁnâuǃās ǀkhan. Tsî sada ǀhōsagusisa ǁîb ǀkha ra ǀgaiǀgain ǃnâ-ū ra hō.

 ǃGAMSE ÔAǃN RE

3. Jehovab ǃoaba-aon ge ǃgâise nî aiǂhomihe

Jesub ǂgaeǂguis ǃnākagu ge ǂGaeǂguira soros ǁaniga. Jehovab ǃoaba-aon sîsen-e ra daoǁgau. ǁKhā ǀgaub ge ǃkharu ge. ǁAeb Xristeǁîn xa gere saohe. VIDIOBA ǀhuru re.

Khomai re 1 Korinteǁîn 14:​33, 40 sa. Tsî sao ra dîsa ǃhoaǃgao re:

• Nē ǁaraǃādi ǃoagu da mati a ǂan. Jehovab ǂhâba hâsa, în ǁîb ǃoaba-aona ǃgâise aiǂhomihe?

4. ǂGomǂgomsa ǃgāb ge sada di aoǁnâ sîsen-e ra mûǂam

Aoǁnâ sîsen i ge kaise ge ǂhâǂhâsa sîsen-e hîna ge. ǂGurokamǁaeb Xristeǁîn xa gere dīhe-e. Khomai re ǃNaeǃkhaidi 8:​14, 25 sa. Tsî sao ra dîra ǃhoaǃgao re:

• ǂGurokamǁaeb Xristeǁîn ǁaeb ǃnâ, ham-e aoǁnâ sîsen-e gere ǂgaeǂgui?

• Petrub tsî Johaneb tsîkha mati nau apostelgu gere mā daoǁgaus ai gere tanisen?

Aoǁnâ sîsen i ge ǂhâǂhâsa sîsen i hînas ǂGaeǂguira sorosa ra mûǂam-e. VIDIOBA ǀhuru re.

 Jesub ge aoǁnâ sîsenni di ǂhâǂhâsasiba ge ǁguiǃā. Khomâi re Markub 13:​10 sa. Tsî sao ra dîra ǃhoaǃgao re:

• Aoǁnâ sîsen-e tae-i ǃaroma ǂGaeǂguira sorosa a ǂhâǂhâsaba?

• Tae-i ǃaroma da ‘ǂgomǂgomsa tsî gā-ai ǃgāba’ ǂhâ hâ îb nē sîsen-e ǃhūbaib ǂhawase mûǂam?

5. ǂGomǂgomsa ǃgāb ge daoǁgaude ra mā da

ǂGaeǂguira soros ge ǃhūbaib ǂhawase hâ, Xristeǁîna daoǁgaude ra mā. Matigu ra mîǁgui mâ daoǁgausa māsa? Kō re, matis ǂgurokamǁaeb Xristeǁîn ǂGaeǂguira sorosa nēsa gere dī ǀgausa. Khomai re ǃNaeǃkhaidi 15:​1, 2 sa. Tsî sao ra dîra ǃhoaǃgao re:

• Tae-i ǃaroman ǀnî Xristeǁîn ǃkharu ge ǁaeb dina gere ǂnôagu?

• Ham-i ai gu Paulub, Barnabab tsî nau ǃgâsagu tsîna huiba gere ǂgan?

Khomai re ǃNaeǃkhaidi 15:​12-18, 23-29 sa. Tsî sao ra dîsa ǃhoaǃgao re:

• Mîǁgui-e gu ga dī o, o gu ǂgurokamǁaeb ǂGaeǂguira soros ǁaniga tae-e gere ôaǃnâ? Elob daoǁgausa gu ga ǁhō-i ǃnâ ǂhâ o?​—Khomai re 12ǁî, 15ǁî tsî 28ǁî ǁaraǃāde.

Khomai re ǃNaeǃkhaidi 15:​30, 31 tsî 16:​4, 5 sa. Tsî sao ra dîra ǃhoaǃgao re:

• ǃKharu ge ǁaeb Xristeǁîna ǂGaeǂguira soros gere mā daoǁgaudi ai mati gere tanisen?

• Jehovaba mati ǁîn di ǁnâuǀnamxasiba ge ǀkhae?

Khomai re 2 Timoteub 3:​16 tsî Jakobub 1:5 sa. Tsî sao ra dîsa ǃhoaǃgao re:

• Mapa gu ǂGaeǂguira soros ǁaniga nētsē huiba ra ôa. Mîǁgui-e gu nî dīs aiǃâ?

 ǃKHŌǀHAOS

ǂGaeǂguira soros ge a ‘ǂgomǂgomsa tsî gā-ai ǃgā’ hîna Xristub xa ǁgaumâi-e hâsa. Daoǁgaus tsî gagasi ǂû-i tsîna gu ge ǃhūbaib ǂhawase hâ Xristeǁîna ra mā.

ǁKhāǁkhāsen du go xūna ǂâiǃgâs

• Ham-e ‘ǂgomǂgomsa tsî gā-ai ǃgāba’ ge ǁgaumâi?

• ǂGaeǂguira sorosa mati ra kōǃgâ da?

• ǂGom du ra ǂgaeǂguira soros a ‘ǂgomǂgomsa tsî gā-ai ǃgā’ ǃkhaisa?