Jesús kiyakana tlanechikoli (Efesios 5:23). Ipan ni tonali, Jesús kitekiuia nopa “tlalnamijkatlatekipanojketl tlen nelia temachtli” uan kiampa kinyakana nochi itokilijkauaj (xijpoua Mateo 24:45). Jesús kitekimakak nopa “tlalnamijkatlatekipanojketl”, yeka kipia se kentsi tlanauatili. Maske kiampa, inijuantij moneki kineltokasej Jesús uan kintekipanosej Cristo iikniuaj. ¿Ajkia eli nopa tlalnamijkatlatekipanojketl? ¿Kenijkatsa techmokuitlauia?

1. ¿Ajkia eli nopa “tlalnamijkatlatekipanojketl tlen nelia temachtli”?

Jehová nochipa kitekiuijtok se akajya o se keskij maseualmej uan kiampa kinyakantok itekipanojkauaj (Malaquías 2:7; Hebreos 1:1). Kema Jesús ya kimiktijtoyaj, apóstoles uan ueuejtlakamej tlen Jerusalén kiyakankej tlanechikoli (Hechos 15:2). Kej kichijkej uejkajkia, nama se keskij ueuejtlakamej Katli kinyakanaj Jehová itlajtoltemakauaj kikualchijchiuaj tlamachtili uan kiyakanaj tlajtolmoyaualistli. Inijuantij elij nopa “tlalnamijkatlatekipanojketl tlen nelia temachtli” katli Jesús kintekimakak (Mateo 24:45). Ika itonal, toTeotsij kintlapejpenijtok Katli kinyakanaj Jehová itlajtoltemakauaj ma yakaj iluikak uan tlanauatisej iuaya Jesús kema ayokmo itstosej ipan Tlaltipaktli.

2. ¿Kenijkatsa nopa tlalnamijkatlatekipanojketl kejuak techtlamaka?

Jesús kiijtok nopa tlalnamijkatlatekipanojketl kintlamakas nochi itokilijkauaj “kema asis hora” (Mateo 24:45). Kema kuali titlakuaj kipaleuia totlakayo uan amo tlauel timokokouaj. Nojkia, nopa tlamachtili tlen mokixtijtok ipan toTeotsij iTlajtol techpaleuia amo ma tijtlauelkauakaj Jehová uan ma tijchiuakaj tlen Jesús technauatik (1 Timoteo 4:6). Nopa tlamachtili tijseliaj ipan tlanechikoli, uejueyi tlanechikolistli, amatlajkuiloli uan videos tlen mokixtijtok ipan Biblia. Nochi ni techpaleuia ma tijmatikaj tlake kineki Jehová ma tijchiuakaj uan nojua kuali ma timouampojchijtokaj iuaya.

 KUALI XIMOMACHTI

3. Jehová itekipanojkauaj moneki ma kinyakanakaj

Jesús kiyakana nopa “tlalnamijkatlatekipanojketl tlen nelia temachtli” uan kiampa kiitaj tlake kichiuasej Jehová itlajtoltemakauaj. Ipan achtoui siglo nojkia kiampa kinyakanki itokilijkauaj. Xikitakaj nopa VIDEO.

Xijpouakaj 1 Corintios 14:33, 40 uan xijnankilikaj ni tlajtlanili:

• Kej kiijtoua ni texto, ¿Jehová kineki itekipanojkauaj san kej ueli ma kichiuakaj se tlamantli? ¿Kenke kiampa timoiljuia?

4. Tlalnamijkatlatekipanojketl techyakana ipan tlajtolmoyaualistli

Cristo itokilijkauaj katli uejkajkia itstoyaj, tlauel kipatiitayayaj tlajtolmoyauasej. Xijpouakaj Hechos 8:14, 25 uan xijnankilikaj ni tlajtlanili:

• Ipan achtoui siglo, ¿ajkia inijuantij kiyakanayayaj tlajtolmoyaualistli?

• ¿Tlake kichijkej Pedro uan Juan kema sekinok apóstoles kiniljuijkej tlen monekiyaya kichiuasej?

Katli kinyakanaj Jehová itlajtoltemakauaj kiachtouitlaliaj kiitasej kuali ma moyakana tlajtolmoyaualistli. Xikitakaj nopa VIDEO.

 Jesús kiijtok kenke tlauel moneki ma titlajtolmoyauakaj. Xijpouakaj Marcos 13:10 uan xijnankilikaj ni tlajtlanili:

• ¿Kenke Katli kinyakanaj Jehová itlajtoltemakauaj tlauel kipatiitaj tlajtolmoyaualistli?

• ¿Kenke nopa “tlalnamijkatlatekipanojketl tlen nelia temachtli” moneki ma kiyakana tlajtolmoyaualistli?

5. Tlalnamijkatlatekipanojketl kuali techyakana

Katli kinyakanaj Jehová itlajtoltemakauaj kiniljuiaj toikniuaj tlake moneki kichiuasej. ¿Tlake kinpaleuia kuali ma moiljuikaj tlake kiniljuisej ma kichiuakaj toikniuaj? Xikita tlake kichiuayayaj katli kinyakanayayaj Cristo itokilijkauaj ipan achtoui siglo. Xijpouakaj Hechos 15:1, 2 uan xijnankilikaj ni tlajtlanili:

• ¿Ipan tlake tlamantli amo sanse moiljuiyayaj Cristo itokilijkauaj tlen achtoui siglo?

• ¿Tlake kichijkej Pablo, Bernabé uan sekinok Cristo itokilijkauaj pampa kinekiyayaj kisenkauasej nopa kuesoli?

Xijpouakaj Hechos 15:12-18 uan 23-29 uan xijnankilikaj ni tlajtlanili:

• ¿Tlake kichijkej katli kinyakanayayaj Cristo itokilijkauaj pampa kinekiyayaj toTeotsij ma kinpaleui kimatisej tlake monekiyaya kichiuasej? (Xikitakaj versículos 12, 15 uan 28).

Xijpouakaj Hechos 15:30, 31 uan 16:4, 5 uan xijnankilikaj ni tlajtlanili:

• ¿Kenijkatsa kiyolmatkej Cristo itokilijkauaj kema kinpouilijkej tlen kiijtojtoyaj katli kinyakanayayaj?

• ¿Kenijkatsa tijmatij Jehová kinteochijki pampa tlaneltokakej?

Xijpouakaj 2 Timoteo 3:16 uan Santiago 1:5 uan xijnankilikaj ni tlajtlanili:

• Kema Katli kinyakanaj Jehová itlajtoltemakauaj moneki kitlapejpenisej tlen kichiuasej, ¿tlake kichiuaj pampa kinekij toTeotsij ma kinyakana?

 TLEN TIMOMACHTIJKEJ

Katli kinyakanaj Jehová itlajtoltemakauaj eli nopa “tlalnamijkatlatekipanojketl” tlen Jesús kitekimakatok. Inijuantij kinyakanaj uan kinmachtiaj toikniuaj katli itstokej kampa ueli.

¿Tlake tijyekok?

• ¿Ajkia kitlapejpenik nopa “tlalnamijkatlatekipanojketl tlen nelia temachtli”?

• ¿Kenijkatsa techmokuitlauiaj Katli kinyakanaj Jehová itlajtoltemakauaj?

• ¿Timoiljuia Katli kinyakanaj Jehová itlajtoltemakauaj eli nopa “tlalnamijkatlatekipanojketl tlen nelia temachtli”?