Jesús “kiyekana tlanechikol” (Efesios 5:​23). Axkan, ika “tlakeuali yolmelajki uan ixtlamatki” Jesús kinualyekantok akinmej kichiuaj ken ye (xiktlajtolti Mateo 24:​45). Jesús okitlali nin “tlakeuali” uan kikauilia matlayekana, pero noijki kitekichiuilia Cristo uan ikniuan. ¿Akin nin tlakeuali uan ken techmaluia?

1. ¿Akin “tlakeuali yolmelajki uan ixtlamatki”?

Jehová nochipa kitlalia se tlakatl noso miakej para kinyekanas itekipanojkauan (Malaquías 2:7; Hebreos 1:1). Ijkuak Jesús oixpoliuik, opejkej tlayekanaj apóstoles uan tlayekankej tlen okatkaj Jerusalén (Hechos 15:2). Axkan noijki sekimej tokniuan techyekanaj uan tikinmixmatij ken Cuerpo Gobernante, yejuan techmakaj tlen ika timomachtiskej uan techiluiaj ken titetlapouiskej. Ninmej tokniuan tikinmixmatij ken “tlakeuali yolmelajki uan ixtlamatki tlen iteko [Jesús] okinauati makinyekana” tokniuan (Mateo 24:​45a). Nochtin akinmej pouij itech Cuerpo Gobernante, Jehová okinpejpenki ika espíritu santo uan satepan tlanauatiskej iluikak iuan Cristo.

2. ¿Ken techpaleuia “tlakeuali yolmelajki uan ixtlamatki”?

Jesús okijto nin tlakeuali yolmelajki kintlamakaskia nochtin itekipanojkauan ijkuak monekiskia (Mateo 24:​45b). Ijkon ken tlakuali techpaleuia para matichikajtokan, tlen techmachtia tlakeuali ika Biblia techpaleuia para matiktekichiuilikan Jehová uan matikchiuakan tlen Jesús otechnauati (1 Timoteo 4:6). Techmachtia ika nechikolmej, uejueyij nechikolmej, amatlajkuilolmej uan videos. Nochi nin tlamantli techpaleuia para matikmatikan tlen kineki Jehová uan noijki kuali iuan matimouikakan.

 MATIMOMACHTIKAN

3. Itekipanojkauan Jehová moneki kuali kitekichiuiliskej

Jesús okinyekanki akinmej opejki kichiuaj ken ye uan axkan kinyekana akinmej pouij itech Cuerpo Gobernante. Nin Cuerpo Gobernante kinyekana iTlaixpantijkauan Jehová. Xikitakan VIDEO.

Xiktlajtoltikan 1 Corintios 14:​33, 40 uan satepan xikitakan tlen namechmachtia.

• Ijkon ken kijtouaj ninmej textos, ¿ken kiteititia Jehová kineki matiktekichiuilikan ken ye kineki? ¿Tleka ijkon timokuayejyekoua?

4. Tlakeuali yolmelajki techiluia ken titetlapouiskej

Akinmej opejkej kichiuaj ken Cristo sapanoua okipatioitayaj tetlapouiskej. Xiktlajtoltikan Hechos 8:​14, 25 uan satepan xikitakan tlen namechmachtia.

• Itech achto siglo, ¿akinmej okijtouayaj ken omonekiaya tetlapouiskej?

• ¿Tlen okichijkej Pedro uan Juan ijkuak oksekimej apóstoles okintitlankej matetlapouitij?

Tokniuan tlen pouij itech Cuerpo Gobernante techpaleuiaj para kuali matitetlapouikan. Xikitakan VIDEO.

 Jesús okiteititi moneki titetlapouiskej. Xiktlajtoltikan Marcos 13:​10 uan satepan xikitakan tlen namechmachtia.

• ¿Tleka Cuerpo Gobernante kineki matitetlapouikan?

• ¿Tleka moneki matechpaleui “tlakeuali yolmelajki uan ixtlamatki” para titetlapouiskej itech nochi tlaltikpak?

5. Tlakeuali yolmelajki techyekana

Cuerpo Gobernante kinyekana nochtin iTlaixpantijkauan Jehová. ¿Ken kimati ken techyekanas? Xikita ken otlayekanaya Cuerpo Gobernante itech achto siglo. Xiktlajtoltikan Hechos 15:​1, 2 uan satepan xikitakan tlen namechmachtia.

• ¿Tlen okinekiayaj kajsikamatiskej sekimej tokniuan itech achto siglo?

• Ijkuak Pablo, Bernabé uan oksekimej tokniuan amo okimatiayaj tlen kichiuaskej, ¿akinmej okintlajtlanitoj?

Xiktlajtoltikan Hechos 15:12-18 uan 23-29 uan satepan xikitakan tlen namechmachtia.

• ¿Tlen okichi jkej itech achto siglo tokniuan tlen opouiayaj itech Cuerpo Gobernante para kipejpenaskiaj tlen toTajtsin Dios kipaktia? (Xikitakan versículos 12, 15 uan 28).

Xiktlajtoltikan Hechos 15:​30, 31 uan 16:​4, 5 uan satepan xikitakan tlen namechmachtia.

• ¿Tlen okichijkej tokniuan itech achto siglo ijkuak okimatkej tlen okipejpenki Cuerpo Gobernante?

• ¿Ken tikmatij Jehová okinteochi porque otetlakamatkej?

Xiktlajtoltikan 2 Timoteo 3:​16 uan Santiago 1:5 uan satepan xikitakan tlen namechmachtia.

• ¿Tlen kichiua Cuerpo Gobernante ijkuak moneki itlaj kipejpenas?

 XIKILNAMIKTO

Cuerpo Gobernante ye “tlakeuali yolmelajki uan ixtlamatki” akin Jesús okipejpenki. Nin tlakeuali kinyekana uan kinmachtia nochtin iTlaixpantijkauan Jehová.

Matikojpauikan

• ¿Akin okipejpenki tlakeuali “yolmelajki uan ixtlamatki”?

• ¿Ken techyekana Cuerpo Gobernante?

• ¿Tikneltoka Cuerpo Gobernante ye “tlakeuali yolmelajki uan ixtlamatki”?