Jësus is dai her fone gemaind. (Efésios 5:23) Hüütsendåg Jësus is im himel un fon dår an däit hai dai wat em någåe hijr upe Ër lenke. Hai däit dat måke doir der “reäl un forständig eskrav”. (Lees Mateus 24:45) Dai aigen Jësus hät dës “eskrav” inset, un hät dem recht geewt taum wek uutsuiken måke. Åwer, lijkerst soo dai blijwt bij Kristus horge un arbëd tau Kristus sijn bruirers. Wee is dai “reäl un forständig eskrav”? Un wosoo däit dai oos uppasse?

1. Wee is dai “reäl un forständig eskrav”?

Jehovaa hät al ümer aine kërl urer ain grup kërls uutsöcht taum sij folk lenke. (Malaquias 2:7 un Hebreus 1:1) Nå Jësus sijm dood, dai apostels un dai ülster in Jerusalém hare dat oiwersich. (Atos 15:2) Dat neemlig passijrt hüütsendåg uk. Doir ain klain grup ülster, Jehovaa giwt oos wat wij bruuke taum oose gloobe ernääre un lenket der preegarbëd. Dës grup hit: Grup Kërls wat Jehovaa sijne arbëd lenkt. Dës Grup Kërls is “dai reäl un forständig eskrav wat sij her [Jësus] oiwergeewt hät”. (Mateus 24:45a) Ale dai wat tauhööre tau dai Grup Kërls wat Jehovaa sijne arbëd lenkt sin uutsöcht woore doir der hailig gaist. Nådem, wen eer leewend al ware däit hijr upe Ër, daue sai mit Kristus t’hoop im himel regijre.

2. Wat mökt dai “reäl un forständig eskrav” taum oose gloobe stärke?

Jësus hät sägt dat dai “reäl un forständig eskrav”, ‘gaiw der andrer kristen dat eeten ine richtige tijd’. (Mateus 24:45b) Dat eeten giwt oos kraft un löt oos gesuuner. Soo uk, dat wat wij fon God sij Woord lëre däit oos kraft geewe dat wij koine reäl blijwe tau Jehovaa un krijge der arbëd måkt wat Jësus oos oiwergeewt hät. (1 Timóteo 4:6) Wij krijge dës daile taum oose gloobe stärke doir forsamlunge, kongressen, buiker un videos fone Bijbel. Dit ales däit oos helpe måke wat God fon oos forlangt un stärk oose ümgang mit em.

 DAU MËR LËRE

3. Jehovaa sij folk mut in ordnung sin

Jësus däit der “reäl un forständig eskrav” lenke taum der arbëd fon Jehovaas Tüügen in ordnung hule. Dat wäir uk soo mit der airste kristen. Kijkt der VIDEO.

Leest 1 Coríntios 14:33 un 40. Nåheer fortelt oiwer dai fråg hijr uuner:

• Wosoo daue dës sprüüch wijse dat Jehovaa wil dat sij folk in ordnung arbërt?

4. Dai “reäl un forständig eskrav” lenkt oose preegarbëd

Dai preegarbëd wäir dai oiwerst arbëd wat dai airste kristen måke däire. Leest Atos 8:14 un 25. Nåheer fortelt oiwer dai frågen hijr uuner:

• Wee däir der preegarbëd lenke wat dai airste kristen måke däire?

• Hät Pedro un João annåme wat dai andrer apostels sägt häwe schule sai måke?

Dai oiwerst arbëd wat dai Grup Kërls wat Jehovaa sijne arbëd lenkt oiwersich hät is der preegarbëd lenke. Kijkt der VIDEO.

 Jësus hät klår låte dat dai preegarbëd sër nöörg is. Leest Marcos 13:10. Nåheer fortelt oiwer dai frågen hijr uuner:

• Woweegen hät dai preegarbëd soo’ne groote wërd tau der Grup Kërls wat Jehovaa sijne arbëd lenkt?

• Woweegen bruuke wij dat dai “reäl un forständig eskrav” der preegarbëd ine ganse wild lenke däit?

5. Dai “reäl un forständig eskrav” däit oos lenke

Dai Grup kërls wat Jehovaa sijne arbëd lenkt, giwt belërungs tau dai bruirers un swesters ine ganse wild. Wosoo däit dës grup kërls uutsuike wat fon belërungs as sai geewe daue? Dau saie wosoo dai Grup Kërls wat Jehovaa sijne arbëd lenke däir dat maik in dai airste kristen sijn tijd. Leest Atos 15:1 un 2. Nåheer fortelt oiwer dai frågen hijr uuner:

• Wat is passijrt dat dai airste kristen sich ni inenaner forståe däire?

• Wem häwe Paulo, Barnabé un dai andrer kristen söcht taum dat int raich bringe?

Leest Atos 15:12 bet 18 un 23 bet 29. Nåheer fortelt oiwer dai fråg hijr uuner:

• In der airste kristen sijn tijd, as dai Grup Kërls wat dår Jehovaa sijne arbëd lenke däir wat uutsuike müst, sai wule waite wat God dåroiwer maine däir. Wosoo däire sai dit måke? (Kijkt dai sprüüch 12, 15 un 28)

Leest Atos 15:30, 31 un 16:4 un 5. Nåheer fortelt oiwer dai frågen hijr uuner:

• Häwe dai airste kristen dat formånen fon dai Grup Kërls wat Jehovaa sijne arbëd lenke däir annåme?

• Wosoo hät Jehovaa eer seegent dat sai horgt häwe?

Leest 2 Timóteo 3:16 un Tiago 1:5. Nåheer fortelt oiwer dai fråg hijr uuner:

• Wosoo däit dai Grup Kërls wat Jehovaa sijne arbëd lenkt hüütsendåg uutsuiken måke?

 WAT HÄWE WIJ HIJR LËRT?

Dai Grup Kërls wat Jehovaa sijne arbëd lenkt, is dai “reäl un forständig eskrav”. Jësus Kristus hät dai inset. Dës bruirers geewe ales wat dai kristen ine ganse wild bruuke taum stark im gloobe sin.

Denk dij ais nå

• Wee hät der “reäl un forständig eskrav” inset?

• Wosoo passt dai Grup Kërls wat Jehovaa sijne arbëd lenkt oos hüüt up?

• Däist duu anglööwe dat dai Grup Kërls wat Jehovaa sijne arbëd lenkt, is dai “reäl un forständig eskrav”?