Jesu ndiye Unsholo wegubungano lyobuKristo. (BaEfeso 5:23) Feno elikudenga umutungamilila batobeli babe penyika eshingisa “undanda ulochenjela nowulombimbika.” (Balani Mateu 24:45.) Kojoba “undanda” yoyu akaponchwa naJesu nokukwe kuti etungamilile batobeli babe koga unolamba ezuninipisa kunaKristo. Ndiyani undanda yoyo? Unotililitila chini?

1. Ndiyani “undanda ulochenjela nowulombimbika”?

Kuva ntolo Jehova wagala eshingisa unhu umwempela kana kuti igapo lyabanhu bashoma kuti betungamilile banhu babe. (Malaki 2:7; BaHebhelu 1:1) Mushule mokufa kwaJesu bapositoli nabakulwana muJelusalema ndibo bakosala betungamila. (Mishingo 15:2) Ndizo zumutiwa mazhubano, kunegapo idukutuku lyabakulwana linowi iGota Lyabatungamilili lyabaSumikiji baJehova ndilyo linotipa kulya kokumpepo akale ndilyo limutungamilila ponshingo wokupupula. Igapo yelyo ndilyo “undanda ulochenjela nowulobimbika wakaponchwa na[Jesu].” (Mateu 24:45a) Bose bamomuGota Lyabatungamilili maKristo akaponchwa akale bamumilila kunotonga naKristo kudenga kana bapeja unshingo wabo wopenyika.

2. Undanda ulobimbika unotipa kulya kulichini?

Jesu wakati undanda ulobimbika “walopa [maKristo] zokulya nonshaji ulokwelela.” (Mateu 24:45b) Sozunota zokulya zunotibhancha kuti tigale tikasima mibili yedu akale tibe nobupenyu bubuya, zokulya zokumpepo zunova zumiso zumomuBhayibhili zunotipa isimba lyokuti tigale tikabimbika kuna Jehova nokuta unshingo watakapiwa naJesu. (1 Timoti 4:6) Towana zokulya yozu pamishangano yegubungano, mishangano mikulwana, mumabhuku anobhawunula iBhayibhili namavidiyo anotibhancha kuwhisisisa zunodiwa naMwali nokuti tibe nobukwayina bulosima naye.

 FUNDA ZUNJI

3. Banhu baJehova banokwelela kuba balolongeka

Betungamililwa naJesu, iGota lyabatungamilili linotungamilila unshingo wabaSumikiji baJehova. Ndizo zwakabetiwa namaKristo okutanga. Yebani iVIDIYO.

Balani 1 BaKolinte 14:33, 40, akale kwejisani nombuzo yoyu:

• Mavesi yaya anotondeja chini kuti Jehova unoda kuti baSumikji babe bebe balolongeka?

4. Undanda ulobimbika unolonganya unshingo wokupupula

MaKristo okutanga bakabekoshesa unshingo wokupupula. Balani Mishingo 8:14, 25, akale kwejisani nemibhuzo yeyi:

• Munshaji wamaKristo okutanga ndiyani wakabetungamilila unshingo wokupupula?

• Pita naJohani bakata chini pabakabujwa zokuta nabamwe bapositoli?

Kupupula unshingo ulokosha unolonganywa neGota Lyabatungamilili. Yebani iVIDIYO.

 Jesu wakasimatija kuti unshingo wokupupula ulokosha kasa. Balani Maliko 13:10, akale kwejisani nemibhuzo yeyi:

• Neni unshingo wokupupula ukakosha kuGota Lyabatungamilili?

• Neni tida kuti “undanda ulochenjela nowulobimbika” elonganye unshingo yoyu unotiwa inyika yose?

5. Undanda ulobimbika unotitungamilila

IGota Lyabatungamilili ndilyo linobuja zokuta maKristo inyika yose. Linoshala chini zunoda kutiwa? Bona zwakabetiwa negota lyabatungamilili munshaji wamaKristo okutanga. Balani Mishingo 15:1, 2, akale kwejisani nemibhuzo yeyi:

• Ini zwakatisa kuti maKristo okutanga besiwhanane?

• Paulo, naBhanabhasi nabamwe bakenda kupi kuti benobhanchwa nokusowhanana kwabo?

Balani Mishingo 15:12-18, 23-29, akale kwejisani nombuzo yoyu:

• Igota lyabatungamili lyokutanga lyakabetani kuti lizibe kuti Mwali unotini lisanu lyata chishalujo?​—Linga vesi 12, 15, na28.

Balani Mishingo 15:30, 31 na16:4, 5, akale kwejisani nemibhuzo yeyi:

• MaKristo okutanga bakata chini pabakabujwa zokuta negota lyabatungamilili?

• Jehova wakabakombolela chini nokuwhilila kwabo?

Balani 2 Timoti 3:16 naJemusi 1:5, akale kwejisani nombuzo yoyu:

• IGota Lyabatungamilili lyamazhubano linozuwana kupi zushalujo zwalinota?

 INI ZWAWAFUNDA

IGota Lyabatungamilili “undanda ulochenjela nowulobimbika” wakaponchwa naKristo. Banotungamilila maKristo amomunyika yose nokubapa zokulya zokumpepo.

Kubwilulula

• Ndiyani wakaponcha “undanda ulochenjela nowulobimbika”?

• IGota Lyabatungamilili linotililitila chini?

• Unozudimbwa na kuti iGota Lyabatungamilili “undanda ulochenjela nowulobimbika”?