Yéeso aa Two tsèe tchouʼté Mékréeté (Éféso 5:23). Aa lièʼôôn, Yéeso foo two lépwo ntségé mégaŋa kwo pé ntchʉaté na «nkouôôn yié é ghiété mbing njouʼ» (toŋo Matio 24:45). Yéeso yé méŋwè zo la tʉôg yèe nkouôôn, mbing ngnié paʼ ngouô a pi tsô médécizion. Taʼ, paʼ ée «nkouôôn» yé la, é jouʼ po ntchwo wé. Yèe nkouôôn aa wôô? A ping ndié wégé lékô?

1. Awôô péʼé ngouô «nkouôôn yié é ghiété mbing njouʼ»?

Ta fo Jéova gwiée ma lé yousé taʼ mambaŋa ka po nouô mbaŋa wôô lé lôg ntségé laʼ yé (Malachi 2:7; Héber 1:1). Yéeso la wo ta nkwé, mégaŋa kwo pé paa mélhié pé Yérosalém zoo kuié mvfo tsèe nda tchouʼté (Mégang ntoum 15:2). Ndʉng ndʉng pouʼou lièʼôôn, tsoo mouô ménouô mélhié pié ée Létsiŋé lôg ntségé tchouʼté Pakuié Ntang Jéova naa wégé choum léjʉo sé zuigé mbing ntségé faʼ léchouŋo no Ssé. Wèe mouô ménouô pʉa aa «Ngaŋa faʼ wuié a jouʼ mbing ngwiée léghié wuié [Yéeso] la tchʉmé pʉa pé mbwo yé» (Matio 24:45a). Méfa pié ée tsaa Létsiŋé lôg ntségé tchouʼté ta mag ée pé zôôʼ né zuigé, po ping ngwiée lékag nti paʼ fʉʼ yié po gé gʉo wô tʉo lépwo, paa Yéeso saʼa tsèe Léfouô sé.

2. Ée sèe choum léjʉo zuigé sié yèe nkouôôn naa mbwo pégé?

Yéeso la gôôn ngié nkouôôn yié é ghiété mbing njouʼ «lôôn gé na choum léjʉo (mbwo mégaŋa kwo pé) ana fʉʼ yié a né nzèté» (Matio 24:45b). Choum léjʉo sié pégé pfèe naa wégé métʉ mbing nkuiété wégé lé wô nténtʉ. Ndésèm pouʼou, choum léjʉo sé zuigé sié ée ménziʼi mié é kuièe tsaa Chouŋo Ssé naa wégé métʉ mié é né nzaté wégé lé lôg nkouèe na Jéova, mbing ngouôgô faʼ yié Yéeso la naa mbwo pégé (1 Timoté 4:6). Pégé gwiée sèe choum léjʉo zuigé ntchʉaté na métchouʼté mégé, laa mémaa métchouʼté, mboo na méŋwaʼné laa mévidéo mié é tsuéʼé na Biible. Sôôn choum ntsém kuiété wégé lé tchouŋo nzsé lékoung wé Ssé, mbing nkuiʼi ntʉté léso ségé né yé.

 YING NKUIʼI NZIʼI

3. Pagouʼté Jéova gwiée lé yiŋé na nkang

Létsiŋé lôg ntségé tchouʼté tangté méfaʼ tchouʼté Pakuié Ntang Jéova paʼ Yéeso né ntségé wôb ngié po gʉo. Ayèe gwiée ntémté na nti yié choum lôôn ntchʉaté pouʼou na tam mévôg mvfo Mékréeté. Tsôʼô VIDÉO.

Toŋo 1 Korénto 14:33, 40, mbing chouŋé na yôôn nzèté:

• Wôôn nkang ŋwaʼné gniè lékô ngié Jéova Ssé né nkouŋo ngié Pakuié Ntang pé yiŋé na nkang?

4. Nkouôôn yié é ghiété mbing njouʼ tangté faʼ léchouŋo no Ssé

Faʼ léchouŋo no Ssé laa faʼ yié a lôôn mbou mboŋo tʉnzuing mbwo mévôg mvfo Mékréeté. Toŋo Mégang ntoum 8:14, 25, mbing chouŋé na môôn ménzèté:

• A laa tsétsèe mévôg mvfo Mékréeté, awôô tangté faʼ léchouŋo no Ssé?

• Piè po Jang la gʉo lékô fʉʼ yié po la jouʼou mmo yié pétsô mégang ntoum la gôôn?

Afaʼ yié a pou mboŋo tʉnzuing yié Létsiŋé lôg ntségé tchouʼté né ntangté aa faʼ léchouŋo no Ssé. Tsôʼô VIDÉO.

 Yéeso la gôôn ngié faʼ léchouŋo no Ssé poŋo tʉnzuing tèʼ. Toŋo Malékousé 13:10, mbing chouŋé na môôn ménzèté:

• Nti kô faʼ léchouŋo no Ssé pou mboŋo tʉnzuing mbwo Létsiŋé lôg ntségé tchouʼté?

• Nti kô a pong ngié nkouôôn yié é ghiété mbing njouʼ tangté yôôn faʼ atsaa ngouong ntsém?

5. Nkouôôn yié é ghiété mbing njouʼ tsiéen wégé

Létsiŋé lôg ntségé tchouʼté na méntʉôgô mbwo Mékréeté ndoum njʉo ntsém. Po gʉo lékô ta nna mèe méntʉôgô? Pégé giè paʼ létsiŋé lôg ntségé tchouʼté lôôn ngʉo na tam mévôg mvfo Mékréeté. Toŋo Mégang ntoum 15:1, 2, mbing chouŋé na môôn ménzaté:

• Aa kô aa yié a la né fagté mévôg mvfo Mékréeté?

• Pôl, Panébaasé paa pétsô pʉa la gia pawôô lé tangté yôôn zoŋo no?

Toŋo Mégang ntoum 15:12-18, 23-29, mbing chouŋé na yôôn nzaté:

• Létsiŋé lôg ntségé tchouʼté la gʉo lékô ta Ssé lièʼté wôb chʉo lé lôg ntangté yèe zoŋo no? (lié nkang 12, 15, po 28).

Toŋo Mégang ntoum 15:30, 31 , mboo 16:4, 5, mbing chouŋé na môôn ménzaté:

• Mévôg mvfo Mékréeté la jouʼ lékô na méntʉôgô mié létsiŋé lôg ntségé tchouʼté la na?

• Jéova la néng mbʉlé na jouʼou ntchwo yôb lékô?

Toŋo 2 Timoté 3:16 po Jag 1:5, mbing chouŋé na yôôn nzaté:

• Aa lièʼôôn, Létsiŋé lôg ntségé tchouʼté gnié kô tségé yé fʉʼ yié a gée mbi médéciziông?

 TA O ZIʼII KÔ?

Létsiŋé lôg ntségé tchouʼté ée «nkouôôn yié é ghiété mbing njouʼ» yié Yéeso la tʉôg. Po tsiéen Mékréeté tsée njʉo ntsém mbing nna choum léjʉo zuigé mbwo pôb.

Ta o né nkimté?

• Wôô gning la tʉôg «nkouôôn yié é ghiété mbing njouʼ»?

• Létsiŋé lôg ntségé tchouʼté lié wégé lékô?

• Ta oo péʼé nzuing ngié Létsiŋé lôg ntségé tchouʼté zoo «ngaŋa faʼ wuié a jouʼ mbing ngwiée léghié»?