یسوع مسیح کلیسیا دا سربراہ اے۔ (‏اِفسیوں 5:‏23‏)‏ ہُن اوہ آپ اسمان تے وے پر اوہ اِک وفادار تے سمجھ‌دار غلام دے ذریعے زمین تے اپنے بندیاں دی رہنمائی کر رہیا اے۔ (‏متی 24:‏45 نُوں پڑھو۔)‏ بھانویں کہ ایس غلام نُوں یسوع مسیح وَلّوں اِک وڈی ذمے‌داری تے کجھ اِختیار ملیا اے پر فیر وی اوہ مسیح دے تابع وے تے اوہدے بھراواں دی خدمت کردا اے۔ پر ایہہ وفادار تے سمجھ‌دار غلام ہے کون؟ تے ایہہ ساڈی دیکھ‌بھال کیویں کردا اے؟‏

1.‏ وفادار تے سمجھدار غلام کون اے؟‏

یہوواہ نے ہمیشاں توں ای کسے اِک بندے یاں اِک چھوٹے جہے گروہ دے ذریعے اپنے بندیاں دی رہنمائی کیتی اے۔ (‏ملاکی 2:‏7؛‏ عبرانیوں 1:‏1‏)‏ یسوع دی موت دے بعد اوہدے شاگرداں دی رہنمائی کرن دی ذمے‌داری رسولاں تے بزرگاں دی اِک جماعت نے سنبھالی جیہڑی یروشلیم چ سی۔ (‏اعمال 15:‏2‏)‏ ایسے طرحاں اَج وی بزرگاں دی اِک جماعت خدا دے بندیاں نُوں روحانی کھانا یعنی پاک کلام توں تلیم دین تے مُنادی دے کم چ رہنمائی کرن دی ذمے‌داری پوری کر رہی اے۔ ایس جماعت نُوں یہوواہ دے گواہواں دی گورننگ باڈی کہیا جاندا اے۔ ایہی گورننگ باڈی اوہ وفادار تے سمجھ‌دار غلام اے جنہوں یسوع مسیح نے مقرر کیتا اے۔‏ (‏متی 24:‏45‏)‏ گورننگ باڈی دے سارے ممبر پاک روح نال مسح ہوئے نیں۔ اوہناں ساریاں دی امید اے کہ جدوں زمین تے اوہناں دی زندگی ختم ہو جائے گی تے اوہ اسمان تے چلے جان گے تے مسیح نال مِل کے حکمرانی کرن گے۔‏

2.‏ وفادار غلام کیہڑا روحانی کھانا دیندا اے؟‏

یسوع مسیح نے کہیا سی کہ وفادار غلام اپنے ہم‌ایماناں نُوں صحی وقت تے کھانا دے گا۔ (‏متی 24:‏45‏)‏ ایہہ روحانی کھانا اصل چ خدا دے کلام توں مِلن والی تلیم تے ہدیتاں نیں۔ جیس طرحاں کھانا سانوں جسمانی لحاظ نال صحت‌مند رکھدا اے اوسے طرحاں روحانی کھانا سانوں روحانی لحاظ نال صحت‌مند رکھدا اے یعنی ساڈا ایمان مضبوط رکھدا اے۔ اِنج اَسی یہوواہ دے وفادار رہنے آں تے اوہ کم کرن دے قابل ہنے آں جیہڑا یسوع نے سانوں دِتا اے۔ (‏1-‏تیمُتھیُس 4:‏6‏)‏ ایہہ روحانی کھانا سانوں عبادتاں، کنونشناں، بائبل چوں تیار کیتیاں گئیاں کتاباں، ویڈیوز تے رسالیاں دے ذریعے مِلدا اے۔ ایہناں ساریاں چیزاں توں اَسی یہوواہ دی مرضی نُوں سمجھن تے اوہدے نال اپنی دوستی نُوں مضبوط کرن دے قابل ہنے آں۔‏

 ہور سوچ‌وچار لئی

3.‏ یہوواہ دے بندیاں نُوں اِک مُٹھ ہونا چاہی دا اے

گورننگ باڈی یسوع مسیح دی رہنمائی چ یہوواہ دے گواہواں دی نگرانی کردی اے تاکہ سارا کم سلیقے نال ہووے۔ پہلی صدی دِیاں کلیسیاواں دی نگرانی لئی وی ایہو جیہا ای اِنتظام سی۔ ویڈیو چلاؤ‏۔‏

1-‏کُرنتھیوں 14:‏33،‏ 40 نُوں پڑھو تے فیر ایس سوال تے گل بات کرو:‏

• ایہناں ایتاں توں کیویں پتہ چلدا اے کہ یہوواہ چاہندا اے کہ اوہدے بندے اِک مُٹھ ہون تے سلیقے نال کم کرن؟‏

4.‏ وفادار غلام مُنادی دے کم چ رہنمائی کردا اے

پہلی صدی دے مسیحیاں نے جیہڑا سب توں اہم کم کیتا اوہ بادشاہی دی مُنادی سی۔ اعمال 8:‏14،‏ 25 نُوں پڑھو تے فیر ایہناں سوالاں تے گل بات کرو:‏

• پہلی صدی چ مُنادی دے کم چ کنہے رہنمائی کیتی سی؟‏

• جدوں پطرس تے یوحنا نُوں باقی رسولاں وَلّوں ہدیت مِلی تے اوہناں نے کیہہ کیتا؟‏

گورننگ باڈی جیہڑے جیہڑے کماں چ رہنمائی کردی اے اوہناں وچوں مُنادی دا کم سب توں اہم اے۔ ویڈیو چلاؤ‏۔‏

 یسوع مسیح نے دَسیا کہ مُنادی دا کم بوہت ای اہم اے۔ مرقس 13:‏10 نُوں پڑھو تے فیر ایہناں سوالاں تے گل بات کرو:‏

• گورننگ باڈی مُنادی دے کم نُوں ایناں اہم کیوں سمجھدی اے؟‏

• دُنیا بھر چ مُنادی دے کم نُوں چنگی طرحاں کرن لئی وفادار تے سمجھ‌دار غلام دی لوڑ کیوں اے؟‏

5.‏ وفادار غلام خدا دے بندیاں نُوں ہدیتاں دیندا اے

گورننگ باڈی پوری دُنیا چ یہوواہ دے گواہواں نُوں ہدیتاں دیندی اے۔ پر اوہ ایہہ فیصلہ کیویں کردی اے کہ اوہنوں کیہڑی ہدیت دینی چاہی دی اے؟ غور کرو کہ پہلی صدی عیسوی چ گورننگ باڈی ایہہ فیصلہ کیویں کردی سی۔ اعمال 15:‏1، 2 نُوں پڑھو تے فیر ایہناں سوالاں تے گل بات کرو:‏

• پہلی صدی عیسوی چ کیہڑی گل نُوں لے کے کجھ مسیحیاں چ پُھٹ پے گئی سی؟‏

• ایس مسئلے نُوں حل کرن لئی پولُس، برنباس تے کجھ ہور بھرا مدد لین لئی کدے کول گئے؟‏

اعمال 15:‏12-‏18،‏ 23-‏29 نُوں پڑھو تے فیر ایس سوال تے گل بات کرو:‏

• پہلی صدی عیسوی چ گورننگ باڈی نے کوئی وی فیصلہ کرن توں پہلاں خدا توں رہنمائی پان لئی کیہہ کیتا؟—‏12‏، 15 تے 28 ایت نُوں ویکھو۔‏

اعمال 15:‏30، 31 تے 16:‏4، 5 نُوں پڑھو تے فیر ایہناں سوالاں تے گل بات کرو:‏

• جدوں پہلی صدی عیسوی چ گورننگ باڈی نے مسیحیاں نُوں ہدیت دِتی تے اوہناں نے کیہہ کیتا؟‏

• اوہناں مسیحیاں دی فرمانبرداری دا کیہہ نتیجہ نِکلیا؟‏

2-‏تیمُتھیُس 3:‏16 تے یعقوب 1:‏5 نُوں پڑھو تے فیر ایس سوال تے گل بات کرو:‏

• اَج کل گورننگ باڈی کوئی وی فیصلہ کرن یاں کوئی وی ہدیت دین توں پہلاں رہنمائی کتھوں لیندی اے؟‏

 خلاصہ

گورننگ باڈی اوہ وفادار تے سمجھ‌دار غلام اے جنہوں یسوع مسیح نے مقرر کیتا اے۔ ایہہ پوری دُنیا چ یہوواہ دے گواہواں نُوں روحانی کھانا تے ہدیتاں دیندی اے۔‏

دہرائی

• وفادار تے سمجھ‌دار غلام نُوں کنہے مقرر کیتا اے؟‏

• گورننگ باڈی ساڈی دیکھ‌بھال کیویں کردی اے؟‏

• کیہہ توانوں یقین اے کہ گورننگ باڈی اصل چ وفادار تے سمجھ‌دار غلام اے؟‏