Jesusmi congregacionpaj uma can (Efesios 5:23). Cunan punllacunapica jahua pachamantami Jesusca cai Allpapi paita catijcunata ñaupajman pushangapajca ‘alli cazuj alli yuyaiyuj sirvijta’ utilizan (Mateo 24:45-ta liyipai, NWT). Cai sirvijtaca Jesusllatajmi agllashca. Cai sirvijca huaquin desicioncunata agllai tucushpapish Cristota, paipaj huauqui panicunatapishmi sirvin. ¿Cai sirvijca pitaj can? ¿Ima shinataj ñucanchijtaca cuidan?

1. ¿“Alli cazuj alli yuyaiyuj sirvijca” pitaj can?

Jehová Diosca paipaj pueblota pushangapajca siempremi shuj runata o tauca runacunata agllashca (Malaquías 2:7; Hebreos 1:1). Por ejemplo Jesús huañushca qꞌuipaca apostolcuna, Jerusalenmanta ancianocunami congregaciontaca ñaupajman pusharcacuna (Hechos 15:2). Ñaupa punllacunapi rurashca shinallatajmi cunan punllacunapipish huaquin ancianocunalla Diospaj pueblotaca ñaupajman pushacun. Cai ancianocunaca tucuicuna espiritualmente alli cachun, gentecunaman predicashpa catichunmi ayudancuna. Paicunataca testigo de Jehovacunapaj Cuerpo Gobernante nishpami rijsinchij. Cuerpo Gobernanteca Jesús churashca ‘alli cazuj alli yuyaiyuj sirvijmi’ can (Mateo 24:45a, NWT). Cuerpo Gobernantepi sirvij huauquicunaca tucuicunami espíritu santohuan agllashcacuna can. Paicunaca jahua pachapi Cristohuan mandanatami shuyacuncuna.

2. ¿Alli cazuj sirvijca espiritualmente ima shinataj yachachin?

Jesusca alli cazuj sirvijca caishuj sirvijcunamanmi micuna horaspi micunata caranga nircami (Mateo 24:45b, NWT). Ima shinami micunaca ñucanchij cuerpo sano cachun, sinchi cachun ayudan. Chashnallatajmi espiritual micuna o Bibliapi tiyaj yachachishcacunaca Jehová Diosmanta ama caruyachun, Jesús mandashcacunata pajtachichunpish ayudan (1 Timoteo 4:6). Cai yachachishcacunataca tandanacuicunapi, jatun tandanacuicunapi, publicacioncunapi, videocunapimi yachai tucunchij. Chashnami Jehová Dios imata munashcata intindinchij, paihuanpish ashtahuan apanacui tucunchij.

 ASHTAHUAN YACHAI

3. Diospaj puebloca organizadomi cana can

Jesusca punta siglopimi Cuerpo Gobernantetaca pusharca. Cunan punllacunapipish Cuerpo Gobernantepi sirvij huauquicunatami pushacun. Cai huauquicunami testigo de Jehovacunapaj ruraicunata ñaupajman catichun ayudan. VIDEOTA ricui.

1 Corintios 14:33, 40-ta liyipai. Qꞌuipaca cai catij tapuitami yachashun:

• 1 Corintios 14:33 y 40-pi nishca shinaca ¿Jehová Diosca paipaj pueblo organizado cachun munashcataca ima shinataj ricuchin?

4. Alli cazuj sirvijmi predicacionta organizan

Punta siglopi Jesusta catijcunapajca huillanami ashtahuan importante carca. Hechos 8:14, 25-ta liyipai. Qꞌuipaca cai catij tapuicunatami yachashun:

• ¿Punta siglopica picunataj predicaciontaca ñaupajman pushajcuna carca?

• Caishuj apostolcuna instruccioncunata cujpica, ¿Pedropish, Juanpish, imatataj rurarcacuna?

Cuerpo Gobernantepajca huillanami ashtahuan importante can. VIDEOTA ricui.

Jesusca huillana ashtahuan importante cashcatami yachachirca. Marcos 13:10-ta liyipai. Qꞌuipaca cai catij tapuicunatami yachashun:

• ¿Cuerpo Gobernantepajca huillanaca imamantataj ashtahuan importante can?

• ¿‘Alli cazuj alli yuyaiyuj sirvij’ muyundij Allpapi predicacionta organizachunca imamantataj minishtinchij?

5. Alli cazuj sirvijmi ñucanchijtaca pushan

Cuerpo Gobernantemi muyundij Allpapi causaj huauqui panicunataca ñaupajman pushashpa ayudan. Pero ¿shuj instruccionta cungapajca imatataj ruran? Jesusta punta catijcuna imata rurashcata yachangapajca Hechos 15:1, 2-ta liyipai. Qꞌuipaca cai catij tapuicunatami yachashun:

• ¿Jesusta punta catijcunaca imamantataj mana de acuerdo carca?

• ¿Pablopish, Bernabepish, shujtaj huauquicunapish paicunata ayudachunca picunapaj ayudatataj mañarcacuna?

Hechos 15:12-18 y 23-29-ta liyipai. Qꞌuipaca cai catij tapuitami yachashun:

• Punta siglopi Cuerpo Gobernanteca shuj decisiontami agllana carca. ¿Dios paicunata ayudachunca imatataj rurarcacuna? (Hechos 15:12, 15 y 28-ta ricui).

Hechos 15:30, 31 y 16:4, 5-ta liyipai. Qꞌuipaca cai catij tapuicunatami yachashun:

• ¿Jesusta punta catijcunaca Cuerpo Gobernantepaj instruccioncunata chasquishpaca ima shinataj sintirircacuna?

• ¿Cazushcamantaca Jehová Diosca paicunataca ima shinataj bendiciarca?

2 Timoteo 3:16 y Santiago 1:5-ta liyipai. Qꞌuipaca cai catij tapuitami yachashun:

• Cunan tiempopipish Cuerpo Gobernanteca huaquin decisioncunatami agllan. ¿Diospaj ayudata chasquingapajca imatataj ruran?

 YUYARISHUNCHIJ

Cuerpo Gobernanteca Jesús agllashca ‘alli cazuj alli yuyaiyuj sirvijmi’ can. Cai sirvijca muyundij Allpapi huauqui panicunamanmi instruccioncunata cushpa, espiritualmente alli cachun ayudan.

Yuyaringapaj tapuicuna

• ¿‘Alli cazuj alli yuyaiyuj sirvijtaca’ pitaj agllarca?

• ¿Cuerpo Gobernanteca ima shinataj ñucanchijtaca cuidan?

• ¿Cuerpo Gobernante ‘alli cazuj alli yuyaiyuj sirvij’ cashcata cringuichu?