Jesusmi “congregacionba umashna can” (Efesios 5:23). Jesusca ‘aliguta cazushpa, aliguta pensarishpa sirvij esclavota’ utilizashpami tucui paita sirvijcunata ñaupaman pushajun (Mateo 24:45, liipangui). ‘Aliguta cazushpa, aliguta pensarishpa sirvij esclavotaca’ Jesusmi agllarca. Chaimandami paicunapash asha autoridadta charin. Shina cashpapash Jesusta y Jesusta catijcunata ayudangapaj, sirvingapami esforzarin. ‘Aliguta cazushpa, aliguta pensarishpa sirvij esclavoca’ ¿pita can? ¿Imashnata ñucanchitaca cuidan?

1. ‘Aliguta cazushpa, aliguta pensarishpa sirvij esclavoca’ ¿pita can?

Jehová Diosca siempremi huaquin jaricunata churashpa paita sirvijcunataca ñaupaman pushajushca (Malaquías 2:7; Hebreos 1:1). Por ejemplo, Jesús huañushca jipaca tucui congregaciongunataca Jerusalenmanda ancianocuna, apostolcunami ñaupaman pushanajurca (Hechos 15:2). Chai tiempocunapishnami cunanbipash Cuerpo Gobernantemanda huauquicunaca ñucanchiman yachachingapaj alimento espiritualta ruran y predicaciondapash ñaupaman pushanajun. Jesusca Cuerpo Gobernantetami ‘aliguta cazushpa, aliguta pensarishpa sirvij esclavo’ cachun churashca. Paicunatami paipa huasipi sirvijcunaman micuna horaspi micunaguta carana responsabilidadta mingarca (Mateo 24:45). Cuerpo Gobernantemanda huauquigucunaca tucuicunami ungidocuna can. Paicunaca jahua cieloman rishpa Taita Diospa Gobiernopi Jesushuan gobernanatami shuyanajun.

2. ‘Aliguta cazushpa, aliguta pensarishpa sirvij esclavoca’ ¿ima laya micunagutata caran?

Jesusca ‘aliguta cazushpa, aliguta pensarishpa sirvij esclavomanmi’ Jehová Diosta sirvijcunaman ‘micuna horaspi’ micuna espiritualta carana responsabilidadta mingarca (Mateo 24:45). Imashnami micunaca fuerzata charichun, sano cachun ayudan, shinallatami Bibliapa yachachishcacunaca Jehová Diosta cazushpa catichun y Jesuspa mandashcata pactachichunbashmi ayudan (1 Timoteo 4:6). Alimento espiritualtaca tandanajuicunapi, asambleacunapi, publicaciongunapi, videocunapimi chasquita ushapanchi. Shinami Jehová Diospa munai maijan cashcata yachajunchi, Jehová Diosmanbashmi ashtahuan quimirinchi.

 ASHTAHUAN YACHAJUPASHUNCHI

3. Jehová Diosta sirvijcunaca organizadomi cana can

Jesusca testigo de Jehovacunapa tucui ruraicunata organizangapaca Cuerpo Gobernantemanda huauquicunatami agllashca. Apostolcunapa tiempopipashmi congregaciongunataca shinallata organizan carca. VIDEOTA ricupai.

1 Corintios 14:​33 y 40​ta liishpa, cai tapuita contestapangui:

• Cai textopi ricushcashnaca ¿Jehová Diosca paita sirvijcuna organizado cachunllu munan? ¿Imamandata shina yuyapangui?

4. ‘Aliguta cazushpa, aliguta pensarishpa sirvij esclavomi’ predicaciondaca ñaupaman pushajun

Primer cristianocunapaca villachinaca importantepachami carca. Hechos 8:14 y 25​ta liishpa, cai tapuicunata contestapangui:

• Apostolcunapa punllacunapica ¿picunata predicaciondaca ñaupaman pushan carca?

• ¿Chaishuj apostolcuna cushca instrucciongunataca Pedro y Juanga cazurcachu?

Cuerpo Gobernantepaca Jehovapa organizacionbi predicacionda ñaupaman pushanami ashtahuan importante can. VIDEOTA ricupai.

 Jesusca predicanaca importantepachami can nircami. Marcos 13:10​ta liishpa, cai tapuicunata contestapangui:

• Cuerpo Gobernanteca ¿imamandata predicacionga importantepachami can nin?

• ¿Imamandata ‘aliguta cazushpa, aliguta pensarishpa sirvij esclavo’ mundo enteropi predicacionda aliguta organizachun minishtipanchi?

5. ‘Aliguta cazushpa, aliguta pensarishpa sirvij esclavomi’ ñucanchita ñaupaman pushajun

Cuerpo Gobernanteca mundo enteropi cristianocunatami ñaupaman pushajun. ¿Imashinata decisiongunataca japin? Apostolcunapa tiempocunapi Cuerpo Gobernante imashna ñaupaman pushashcata ricupai. Hechos 15:1 y 2​ta liishpa, cai tapuicunata contestapangui:

• Apostolcunapa punllacunapi cristianocunaca ¿imamandata huaquin problemacunata charirca?

• Cai problemata alichingapaca Pablopash, Bernabepash y shuj cristianocunapash ¿picunapa ayudatata mascarca?

Hechos 15:​12​manda 18​caman y 23​manda 29​caman liishpa, cai tapuita contestapangui:

• Apostolcunapa punllacunapi Cuerpo Gobernante huauquicunaca shuj decisionda nara agllashpallata Taita Diospa ayudata chasquingapaca ¿imatata rurarca? (Versículos 12, 15 y 28​ta ricupangui).

Hechos 15:30 y 31 y 16:4 y 5​ta liishpa, cai tapuicunata contestapangui:

• Apostolcunapa punllacunapi cristianocunaca Cuerpo Gobernante cushca instrucciongunataca ¿imashinata chasquirca?

• Paicuna cazushcamanda Jehová Dios bendiciashcataca ¿imashnata cuenta japipanchi?

2 Timoteo 3:16 y Santiago 1:5​ta liishpa, cai tapuita contestapangui:

• Cunan punllacunapi Cuerpo Gobernante shuj decisionda agllagrijushpaca Jehová Diospa ayudata chasquingapaca ¿imatata ruran?

 YARINGAPAJ

Cuerpo Gobernanteca ‘aliguta cazushpa, aliguta pensarishpa sirvij esclavomi’ can. Paicunataca Jesusmi agllarca. Paicunami mundo enteromanda cristianocunaman alimento espiritualta cushpa catijushca.

¿Imatata yachajupashcanchi?

• ‘Aliguta cazushpa, aliguta pensarishpa sirvij esclavotaca’ ¿pita agllarca?

• Cuerpo Gobernantemanda huauquicunaca ¿imashinata ñucanchitaca cuidanajushca?

• ¿Cuerpo Gobernante ‘aliguta cazushpa, aliguta pensarishpa sirvij esclavo’ cashcatachu cripangui?