LESON 54
« Lésklav fidèl é saj »
Jézu lé le Chèf lasanblé krétien (Éfézien 5:23). Zordi, depui dann sièl, Jézu i dirij son bann disip su la tèr gras « lésklav fidèl é saj » (lir Matieu 24:45). Sé Jézu li mèm la mèt an plas se « lésklav » la ; donk li néna in lotorité, mé li rès lésklav le Kris é li sèrv bann frèr le Kris. Kisa i lé se « lésklav » ? É koman li pran soin d’nou ?
1. Kisa i lé « lésklav fidèl é saj » ?
Jéova la toultan utiliz in mesieu oubien inn ti group d’om pou gid son peup (Malaki 2:7 ; Ébreu 1:1). Apré la mor Jézu, lété bann zapot é bann zansien Jéruzalèm ke té dirij lasanblé (Akt 15:2). Zordi osi, sé inn ti group zansien, le Kolèj santral bann Témoin Jéova, ki donn la nouritur spirituèl é ki dirij laktivité prédikasion. Se group la lé « lésklav fidèl é saj ke [Jézu] la établi » (Matieu 24:45a). Tout le Kolèj santral lé bann krétien oin de léspri. Zot lé vréman kontan kan zot i majinn retrouv le Kris dan son roiyom dann sièl, a la fin zot vi su la tèr.
2. Kosa i lé le manjé spirituèl ke « lésklav » i donn ?
Jézu la di ke « lésklav fidèl é saj » noré donn son bann disip « zot nouritur o moman ki fo » (Matieu 24:45b). Le manjé ke nou manj i donn la fors é i èd anou rès an bonn santé. Lé parèy, le manjé spirituèl, sétadir lansègnman ke lé bazé su la Parol Bondieu, i donn anou la fors ke nou la bezoin pou rès fidèl Jéova é fé sak Jézu la demann anou (1 Timoté 4:6). Nou gingn se manjé spirituèl la, dan bann rénion é bann zasanblé, é osi dan bann publikasion é bann vidéo ke lé bazé su la Bib. Tousala i èd anou konprann la volonté Bondieu é i ranfors nout lamitié avèk li.
ALON APRANN PLUS
Alon voir poukosa nou la bezoin « lésklav fidèl é saj ».
Le Kolèj santral i donn la nouritur spirituèl, in diréksion é in lèd pratik bann Témoin Jéova su tout la tèr.
3. Le peup Jéova i doi èt organizé
Jézu i dirij le Kolèj santral. É le Kolèj santral i organiz bann zaktivité bann Témoin Jéova. Lé parèy sak té éspas dann tan bann premié krétien. Gard le VIDÉO.
Lir 1 Korintien 14:33, 40 é koz su késtion la :
-
Koman bann vèrsé la i mont, ke Jéova i ve ke son bann Témoin lé organizé ?
4. Lésklav fidèl é saj i organiz la prédikasion
La prédikasion lété laktivité le plu zinportan, ke bann premié krétien té fé. Lir Akt 8:14, 25 é koz su bann késtion la :
-
Kisa té dirij laktivité prédikasion, anparmi bann premié krétien ?
-
Koman Pièr é Jan la réaji, kan zot la gingn bann zinstruksion èk lé zot zapot ?
La prédikasion lé laktivité le plu zinportan organizé par le Kolèj santral. Gard le VIDÉO.
Mark 13:10 é koz su bann késtion la :
Jézu la di ke la prédikasion lété vréman inportan. Lir-
Poukosa la prédikasion lé vréman inportan pou le Kolèj santral ?
-
Poukosa i fo ke « lésklav fidèl é saj » i organiz se laktivité la, ke lé fé su tout la tèr ?
5. Lésklav fidèl é saj i donn bann zinstruksion
Le Kolèj santral i donn bann zinstruksion bann krétien partou su la tèr. Koman li pran se bann désizion la ? Alon voir koman le kolèj santral dann tan bann premié krétien té fé. Lir Akt 15:1, 2 é koz su bann késtion la :
-
Su kosa bann premié krétien lété pa dakor ?
-
Kisa Pol, Barnabé é dot la parti voir pou trouv in solusion ?
Lir Akt 15:12-18, 23-29 é koz su késtion la :
Lir Akt 15:30, 31 é 16:4, 5 é koz su bann késtion la :
-
Koman bann premié krétien la réaji, kan le kolèj santral la donn azot bann zinstruksion ?
-
Koman Jéova la béni zot lobéisans ?
Lir 2 Timoté 3:16 é Jak 1:5 é koz su késtion la :
-
Zordi, par kosa le Kolèj santral i lès ali gidé, kan li pran bann désizion ?
NADFOI DOMOUN I DI : « Ékout le Kolèj santral, sé suiv bann zom. »
-
Kosa i prouv aou ke le Kolèj santral lé gidé par Jézu ?
SAK NOU LA APRANN
Le Kolèj santral lé « lésklav fidèl é saj » ke le Kris la mèt an plas. Li donn bann zinstruksion é la nouritur spirituèl bann krétien su tout la tèr.
Alon révizé
-
Kisa la mèt an plas « lésklav fidèl é saj » ?
-
Koman le Kolèj santral i pran soin d’nou ?
-
Èske ou kroi ke le Kolèj santral sé « lésklav fidèl é saj » ?
GARD SA OSI
Koman le Kolèj santral lé organizé ?
« Qu’est-ce que le Collège central des Témoins de Jéhovah ? » (lartik jw.org)
Koman le Kolèj santral i asur ali, ke li donn le manjé spirituèl ke lé égzak ?
Sak le Kolèj santral i resan par rapor le travay ke Jézu la donn azot.
Koman nout bann rénion é nout bann lasanblé i prouv ke Jéova i gid le Kolèj santral ?