Gesù el ga autorità sora la congregassion. (Efesi 5:23) Ancoi, lu l’è nel cielo e el dopera el “schiavo fedele e prudente” par insegnar ai so dissìpoli cossa che i ga de far. (Ledi Mateo 24:45.) Gesù el ga scoliesto el ‘schiavo fedele e prudente’ e el ghe ga dato autorità par far arquante dessision. Ancora che questi òmini i gàpia autorità, lori i serve a Cristo e ai so fradei. Ma chi che l’è el schiavo fedele e prudente e come che lu el tende de noantri?

1. Chi che l’è el “schiavo fedele e prudente”?

Geovà el ga sempre doperà un omo o un pìcolo grupo de òmini par tender e insegnar el so pòpolo. (Malachia 2:7; Ebrei 1:1) Dopo che Gesù l’è morto, i apòstoli e i ansiani in Gerusalen i fea questo laoro. (Ati 15:2) Ancoi, Geovà el dopera el Corpo Governante, che l’è un pìcolo grupo de ansiani, par insegnar ai so servi e tender del laoro de predicassion. Lori i ze el schiavo fedele e prudente che el so Signor el ga scoliesto par dar quel che i servi de Dio ghe ocore. (Mateo 24:45a) Tuti i fradei del Corpo Governante i ze servi de Dio scoliesti par meso del spìrito santo. Lori i ndarà governar con Cristo nel cielo dopo che finisse la so vita qua nela Tera.

2. Come che el schiavo fedele e prudente el tende e el insegna el pòpolo de Geovà?

Gesù el ga dito che el schiavo fedele e prudente el ndaria darghe ai so dissìpoli el ‘magnar nel tempo giusto’. (Mateo 24:45b) Come cossita? Cossita come el magnar el ne giuta a gaver forsa e bona salute, quel che la Bìblia la ne insegna ne giuta a gaver la forsa par seitar leai a Geovà e par far el laoro che Gesù el ne ga dato. (1 Timòteo 4:6) El schiavo fedele e prudente el ne giuta a capir meio la Bìblia par meso dele riunion, dele assemblee, dei congressi, dele publicassion e dei vìdei. Tute queste robe le ne giuta a saver come Geovà el pensa e a far pi forte la nostra amicìssia con lu.

 IMPARA DE PI!

3. Geovà el vol che i so servi i sìpie organisadi

Gesù el dopera el Corpo Governante par dir ai servi de Dio cossa i ga de far. Anca nel tempo dei primi dissìpoli de Cristo, ghen’era un Corpo Governante. Vardé el VÌDEO.

Ledé 1 Corinti 14:33, 40, e dopo, parlé sora questo:

• Come che questi testi i mostra che Geovà el vol che i so servi i sìpie organisadi?

4. El schiavo fedele e prudente el tende del laoro de predicassion

Predicar l’era el laoro pi importante par i primi dissìpoli de Cristo. Ledé Ati 8:14, 25, e dopo, parlé sora questo:

• Chi che tendea del laoro de predicassion nel tempo dei primi dissìpoli de Cristo?

• Sarà che Piero e Gioani i ga obedio ala orientassion che i altri apòstoli i ghe ga dato?

El laoro pi importante del Corpo Governante l’è tender dela predicassion. Vardé el VÌDEO.

 Gesù el ga mostrà che el laoro de predicassion l’è tanto importante. Ledé Marco 13:10, e dopo, parlé sora questo:

• Parché che el laoro de predicassion l’è tanto importante par el Corpo Governante?

• Parché che ne ocore che “el schiavo fedele e prudente” el tenda del laoro de predicassion in tuta la Tera?

5. El schiavo fedele e prudente el ne giuta a saver cossa far

El Corpo Governante el dà orientassion par i fradei in tuto el mondo. Lori i fà questo laoro dela medèsima maniera che el corpo governante del passà el fea. Ledé Ati 15:1, 2, e dopo, parlé sora questo:

• Che problema l’è vegnesto fora nela època dei primi dissìpoli?

• A chi che Paolo, Barnabè e altri i ga domandà aiuto?

Ledé Ati 15:12-18, 23-29, e dopo, parlé sora questo:

• Vanti de far una dessision, el corpo governante nel passà el domandea el aiuto de Dio. Come che lori i fea questo? — Vardé i versìcoli 12, 15 e 28.

Ledé Ati 15:30, 31 e 16:4, 5, e dopo, parlé sora questo:

• Cossa che i primi dissìpoli i ga fato quando i ga ricevesto orientassion del corpo governante?

• Come che Geovà li ga benedio?

Ledé 2 Timòteo 3:16 e Tiago 1:5, e dopo, parlé sora questo:

• Cossa che giuta el Corpo Governante a far dessision ancoi?

 COSSA CHE TE GHÈ IMPARÀ?

El Corpo Governante l’è el “schiavo fedele e prudente” che Gesù el ga scoliesto par tender e insegnar i servi de Dio in tuta la Tera.

Sito bon de ricordarte?

• Chi che ga scoliesto el “schiavo fedele e prudente”?

• Come che el Corpo Governante el tende de noantri ancoi?

• Te credi che el Corpo Governante l’è el “schiavo fedele e prudente”?