იესო ქრისტიანულ კრებაშ დუდ რე (ეფესოელები 5:23). ამდღა თინა ზეცაშე ხემძღვანელენს მუშ მიმაჸუნალეფს დედამიწას „ართგურ დო გონიერ მონაშ“ საშვალებათ (წეკითხით მათეშ 24:45). „მონას“ აღვენუდ გარკვეულ ძალაუფლება — იესოშე მეღებულ დანიშნულება — მარა თინა იესოშ მსახურო ქუდოსქიდუდ დო მემსახურებუდ თიშ ჯიმალეფს. მი რე „ართგურ დო გონიერ მონა“? მუჭო ზრუნენს თინა ჩქინდე?

1. მი რე „ართგურ დო გონიერ მონა“?

იეჰოვა ირიათო ირინუანდჷ ადამიანს ვარდა ადამიანეფიშ ჯგუფის მუშ ხალხიშ ოხემძღვანელებერო (მალაქია 2:7; ებრაელები 1:1). იესოშ ღურაშ უკულ, იერუსალიმს თე საქმეს მოციქულეფ დო უხუცესეფ ორთუდეს (საქმეები 15:2). თინეფცალო, ამდღა უხუცესეფიშ ჭიჭე ჯგუფ — იეჰოვაშ მოწმეეფიშ ხემძღვანელ საბჭო — მარზენა სულიერ საზრდოს დო ხემძღვანელენს სამქადაგებლო საქმეს. თინა რე „ართგურ დო გონიერ მონა, ნამუთ [იესოქ] დანიშნჷ“ (მათე 24:45ა). ხემძღვანელ საბჭოშ არძა წევრ ცხებულ ქრისტიან რე, ნამუთ ელჷ თი დროს, მუჟამსით მიწიერ ცხოვრებას დასრულენს დო იესოწკუმა ართო იმართველენს ზეციერ სამეფოს.

2. მუ სულიერ საზრდოს მარზენა „ართგურ დო გონიერ მონა“?

იესოქ თქუ, ნამდა ართგურ მონა დროულო ქიმეჩანდჷ საზრდოს თანაქრისტიანეფს (მათე 24:45ბ). მუჭოთ ოჭკუმალ მოხვარნა, ფიზიკურო ძალიერეფ დო ჯამრთელეფ ვორდათ, თეშ სულიერ საზრდო — მითითებეფ ღორონთიშ სიტყვაშე — მარზენა ძალას, ნამუთ მოსაჭირნა, ნამდა ვა ვოდინუათ იეჰოვაშ ართგურობა დო შევასრულათ თი საქმე, ნამდგაშ კეთება იესოქ დუმავალეს (1 ტიმოთე 4:6). თე სულიერ საზრდოს კრებეფიშ, რაიონულ დო რეგიონულ კონგრესეფიშ, ბიბლიაშა გერსხილ ლიტერატურაშ დო ვიდეოეფიშ საშვალებათ ბღებულენთ, ნამუთ მოხვარნა, ქინვანჭათ ღორონთიშ ნებას დო გუვამანგარათ თიწკუმა ჩქინ მეგობრობა.

 ქიგეგით უმოს

3. იეჰოვაშ ხალხ ოკო რდას ორგანიზებულ

იესოშ მეთაურობათ, ხემძღვანელ საბჭო იეჰოვაშ მოწმეეფიშ საქმიანობას ხემძღვანელენს. პირველ საუკუნეშ ქრისტიანეფიშ ხემძღვანელობა ხოლო თაშ ხვადუდ. ქოძირით ვიდეო.

წეკითხით 1 კორინთელეფიშ 14:33, 40 დო უკულ გარჩით თუდო მოჩამილ კითხვა:

• მუჭო იძირე თე მუხლეფშე, ნამდა იეჰოვას ოკო, მუშ მოწმეეფ ორგანიზებულეფ რდან?

4. ართგურ მონა ქადაგებაშ საქმეს ხემძღვანელენს

ქადაგება არძაშ უმოს მნიშვნელოვან საქმე რდჷ, ნამდგას პირველ ქრისტიანეფ ორთუდეს. წეკითხით საქმეეფიშ 8:14, 25 დო უკულ გარჩით თუდო მოჩამილ კითხვეფ:

• მი ხემძღვანელენდჷ ქადაგებაშ საქმეს პირველ საუკუნეს?

• მუჭო მიღეს პეტრე დო იოანექ შხვა მოციქულეფიშ ხემძღვანელობა?

ქადაგება არძაშ უმოს მნიშვნელოვან საქმე რე, ნამდგას ხემძღვანელ საბჭო უწიენს ორგანიზებას. ქოძირით ვიდეო.

 იესოქ ყურადღება გამახვილ, მუნერ მნიშვნელოვან რე ქადაგება. წეკითხით მარკოზიშ 13:10 დო უკულ გარჩით თუდო მოჩამილ კითხვეფ:

• მუშენ რე ხემძღვანელ საბჭოშო ქადაგებაშ საქმე მანგარ მნიშვნელოვან?

• მუშენ მოსაჭირნა „ართგურ დო გონიერ მონა“ თე მსოფლიო საქმეშ ოხემძღვანელებერო?

5. ართგურ მონა მითითებეფს მარზენა

ხემძღვანელ საბჭო მთელ მსოფლიოშ ქრისტიანეფს არზენს მითითებეფს. მუჭო გინოჭყვიდუნს თინა, მუ მითითებეფ მუჩან? ქიგეგით, მუჭო ორთუდ თეს პირველ საუკუნეშ ხემძღვანელ საბჭო. წეკითხით საქმეეფიშ 15:1, 2 დო უკულ გარჩით თუდო მოჩამილ კითხვეფ:

• მუ საკითხწკუმა დაკავშირებით წიმიჭკირ უთანხმოებაქ ნამთინე ქრისტიან შქას პირველ საუკუნეს?

• მიშა იდეს პავლე, ბარნაბა დო შხვეფქ თე საკითხიშ გინაჭყვიდირალო?

წეკითხით საქმეეფიშ 15:12—18, 23—29 დო უკულ გარჩით თუდო მოჩამილ კითხვა:

• საკითხიშ გინოჭყვიდუაშახ, მუ აკეთ პირველ საუკუნეშ ხემძღვანელ საბჭოქ, ნამდა მიღკო ღორონთიშ ხემძღვანელობა? (ქოძირით მუხლეფ 12, 15,  დო 28)

წეკითხით საქმეეფიშ 15:30, 31 დო 16:4, 5 დო უკულ გარჩით თუდო მოჩამილ კითხვეფ:

• მუნერ დამოკიდებულება უღდეს პირველ ქრისტიანეფს თი მითითებეფიშ მიმართ, ნამდგას ხემძღვანელ საბჭო არზენდჷ?

• მუჭო აკურთხჷ იეჰოვაქ თინეფიშ მორჩილება?

წეკითხით 2 ტიმოთეშ 3:16 დო იაკობიშ 1:5 დო უკულ გარჩით თუდო მოჩამილ კითხვა:

• ამდღა სო გორუნს ხემძღვანელ საბჭო მითითებეფს გადაწყვეტილებეფიშ მეღებაშ დროს?

დასკვნა

ხემძღვანელ საბჭო რე „ართგურ დო გონიერ მონა“, ნამუთ იესოქ დანიშნჷ. თინა არზენს მითითებეფს დო სულიერ საზრდოს მთელ დედამიწას მახორუ ქრისტიანეფს.

გამეორებელ კითხვეფ

• მიქ დანიშნჷ „ართგურ დო გონიერ მონა“?

• მუჭო ზრუნენს ხემძღვანელ საბჭო ჩქინდე?

• ქორჯერანო, ნამდა ხემძღვანელ საბჭო რე „ართგურ დო გონიერ მონა“?