Jesus umundú congregação resé. (Efezowaraitá 5:23) Iwaka suí aé umbué idiscípuloitá iwí upé escravo fiel asuí prudente rupí. (Releri Mateu 24:45.) Jesus uparawaka kuá escravo umuñhakunta arama congregação resé. Ma aintá upurakí Kristo asuí imũita supé. Awá taá kuá escravo fiel asuí prudente? Mayé aé umuñhakunta yané resé?

1. Awá taá kuá escravo fiel asuí prudente?

Kuxiíma suíwara até kuíri Jeová usari yepé apigá u yepeyepé apigaitá umbué arama imiraitá. (Malakia 2:7; Ebreoitá 1:1) Jesus umanũ riré, apóstoloitá asuí anciãoitá Jeruzalẽ upé ta umuñhã kuayé. (Ato 15:2) Yaweté yuíri usasá yané tempo upé. Jeová usari yepeyepé anciãoitá ta umeẽ arama timbiú espiritual asuí ta umuñhakunta arama upurakiwaitá Jeová supé pregação upé. Yaseruka aintá mayé Corpo Gorvenante. Jesus uparawaka kuá escravo fiel asuí prudente upurakí arama congregação supé. (Mateu 24:45a) Pañhe kuá anciãoitá Corpo Governante suí, aintá cristãoitá Deus uparawakawaá espírito santo rupí. Aintá ta usú ta ugovernari Kristo irum iwaka upé ta umanũ riré.

2. Mayé kuá escravo fiel umeẽ timbiú espiritual Jeová miraitá supé?

Jesus uparawaka kuá escravo fiel “uxari arama aintambau usika rame sangawa” (Mateu 24:45b) Mayé yaprecisari timbiú yapitá arama kirimbá, yaprecisari yuíri timbiú espiritual ti arama yapituú yasendú Jeová, asuí yamuñhã kuá murakí Jesus uxari yamuñhã arama. (1 Timóteo 4:6) Yarikú kuá timbiú espiritual yayumuatiri ramé, assembleiaitá asuí conferênciaitá upé, paperaitá asuí vídeoitá rupí yuíri. Pañhe kuá timbiú espiritual uajudari yandé yakuá maã Jeová uputari yamuñhã arama asuí umukirimbá yané amizade irum.

 REYUMBUÉ PIRI ARAMA

3. Jeová miraitá ta uprecisari ta uikú organizado

Corpo Governante usendú Jesus mairamé umuñhakunta Umbeusaitá Jeová resé ta murakí. Yaweté yuíri uyumuñhã cristãoitá irum kuxiíma. Pemaã kuá VÍDEO.

Peleri 1 Korintowaraitá 14:33, 40, ariré pekuntari kuá resé:

• Mayé kuá versículo umukameẽ Jeová uputari imiraitá ta uikú organizado?

4. Kuá escravo fiel umuñhakunta pregação resé

Pregação aé kuá murakí importante piri cristãoitá ta umuñhãwaá kuxiíma. Peleri Ato 8:14, 25, ariré pekuntari kuá resé:

• Awá umuñhakunta kuera pregação resé cristãoitá ta umuñhãwaá kuxiíma?

• Será Pedro asuí João ta usendú maã apóstoloitá ta umbeu?

Pregação aé kuá murakí importante piri Corpo Governante umuñhakuntawaá. Pemaã kuá VÍDEO.

 Jesus umbeu importante yambué Jeová resé. Peleri Marko 13:10, ariré pekuntari kuá resé:

• Marã Corpo Governante umaã importante pregação?

• Marã yaprecisari kuá escravo fiel asuí prudente umuñhakunta arama kuá murakí resé pañhe kuá mundo upé?

5. Kuá escravo fiel umukameẽ maã yamuñhã arama

Kuá Corpo Governante umukameẽ maã cristãoitá ta urikuté ta umuñhã pañhe kuá mundo upé. Mayé aintá ta uparawaka maã ta usú ta umbeu yamuñhã arama? Remaã mayé Corpo Governante umuñhã kuxiíma. Peleri Ato 15:1, 2, ariré pekuntari kuá resé:

• Maã umuapatuka cristãoitá kuxiíma?

• Awá suí Paulo, Barnabé asuí amuitá ta usikari ajuda?

Peleri Ato 15:12-18, 23-29, ariré pekuntari kuá resé:

• Umbeu rundé yepé maã resé aintá supé, kuá Corpo Governante kuxiíma ta usikari ta ukuá primeiro maã Deus umbeu kuá resé. Mayé aintá ta umuñhã kuayé? — Pemaã versículoitá 12, 15, asuí 28.

Peleri Ato 15:30, 31 asuí 16:4, 5, ariré pekuntari kuá resé:

• Será cristãoitá kuxiíma ta usendú maã Corpo Governante umbeu aintá supé?

• Mayé Jeová uabençoari aintá ta usendú resewara?

Peleri 2 Timóteo 3:16 asuí Tiago 1:5, ariré pekuntari kuá resé:

• Mamé Corpo Governante usikari ajuda ta ukuá arama maã ta umuñhã?

 MAÃ REYUMBUÉ

Kuá Corpo Governante aeté kuá escravo fiel asuí prudente, Jesus uparawakawaá. Kuá yané imũitá, ta umbué asuí ta umeẽ timbiú espiritual cristãoitá supé pañhe kuá mundo upé.

Remanduári arama

• Awá taá uparawaka kuá escravo fiel asuí prudente?

• Mayé Corpo Governante umuñhakunta yané resé?

• Reruyari será Corpo Governante aeté kuá escravo fiel asuí prudente?