AKANKAMU 55
Ame iruntramurmin yaimkiata
Ashi nunkanam testigos de Jehová iruntramuka nukap iruneawai. Ninkia Jehovan wara warat enentaimtuiniawai, tura ju turatarum tutaisha wara warat uminiawai. Nuyasha ni iruntramurin warinkish najanatniun asumprusar yaimin ainiawai. Amesha wara warat yaimkiattsam wakeramek?
1. Ame iruntramurmin itiur yaimkiamniaitiam?
Ii iruntramurinkia mashiniu yaimkiamniaitji. Ame pujamna nui Jehová enentaimtuinia yaksha weampra turutskesha jaa pujuinia iruneawak? Iruntainiam jukimniakaitiam? Turutskesha ni utsumamu sumaktin yainminiashitiam? Ni jeen japimkiatniusha yainminkiaitiam? (Sántiak 1:27 aujsata). Nuya Yuus enentaimtutai jea japimkiatin tura iwiaratniusha yaimkiamniaitji. Nu turatniun yaksha utsutmatsji, ii enentaijiain Yuus anea asar tura Jehová enentaimtuinia nusha anena asar nu turatniuitji (Yus Kanta [Salmo] 110:3).
Testigo de Jehová ajasaru ainia nuka chikichniumsha yaimkiamnia ainiawai. Aishman Yuusa chichamen timiatrusan umiakka iruntramunam yaimin ati tusa anaikiarminiaiti, tura urum uuntri anaikiarminiaiti. Mash testigos de Jehovati Yuusa chichame nukap etserkattsar precursor ajasminiaitji. Nuyasha chikichkia Yuus enentaimtutai jea najanmanum yaimiainiawai. Tura chikichkia Yuusa chichamen etserkatniun yaimkiattsar aransha wearuiti.
2. Ame pujamna nui kuitjiai tura ame achiakeamna nujaisha Yuusna itiur yaimkiamniaitiam?
“Kuítrumja̱i̱sha arakrumja̱i̱sha Uunt Yusa naari̱ shiir awajsata” tawai Yuusa chichame (Nekatai̱n Jintinkiartin [Proverbios] 3:9). Iikia ii kuitrijiai tura ii achiakeajnia nujaisha Yuusna yaimji (2 Kurintiunam 9:7 aujsata). Tura Kristu aents chikich nunkanmaya itiurchat nankaamasarmatai ii kuitrijiai yaimniuitji. Chikichkia Yuusnan yaimkiattsar ni kuitrin akankar taku ainiawai (1 Kurintiunam 16:2 aujsata). Tura aintsan Yuusna yaimkiatai takurkia ii iruntairin kuit apujtai irunna nui ii kuitri nui enkeamniaitji, turutskesha internetnumani donate.pr418.com nui enkemar ii kuitrijiaisha yaimkiamniaitji. Jehovaka ni anea asar ii achiakeajnia nujai yaimkiarat tusa wakerawai.
PENKER NEKAATAI
Ame pujamna nui Yuusna itiura yaimkiamniaitiam nu nekaatai.
3. Ame takakmena nujai yaimkiamniaitme
Wakerusmajai suana nunaka Jehová tura Jesús anenawai. Nuwa waje achiakman mash susamiania nuna Jesús wainkiamiayi. Rúkas [Lucas] 21:1-4 aujsarum juna aujmattsatarum:
-
Jehová warasat tusar nukap kuitjiai yaimkiatniuashitiaj?
-
Ii enentaijiain suakrinkia Jehová Jesusjaisha itiur enentaimin ainia?
Kuitjiai yaimiajnia nunasha itiurin ainia nu nekaattsarum VIDEO iistarum. Turarum juna aujmattsatarum:
-
Ii kuit apujeajnia nujai itiura chikich Kristu aents yayainiaj?
4. Ii iruntairi penker wainkiatin yaimkiamniaitme
Yaunchunia aents Yuusan enentaimtin armiania nuka Yuus enentaimtutai jea penker wainkiatniun yaimin armiayi, tura aya kuitjiainkia yaimin acharmiayi. 2 Crónicas 34:9-11 TNM aujsarum juna aujmattsatarum:
-
Israel aentscha Jehová jeen penker wainkiartasa warinia turawarmia?
Testigos de Jehová Yuus enentaimtutai jean penker wainkiattsar itiurin ainia nu nekaattsarum VIDEO iistarum. Turarum juna aujmattsatarum:
-
Ii iruntairisha urukamtai warinkish mesercha tura penker japimkiamu atiniait?
-
Amesha yaimkiattsam wari najanamniaitiam?
5. Aishman ainiana nuka Yuusnan nu nukap yaimkiarminiaiti
Aishman ainiana nuka Yuusan penker umirin artiniaiti tawai Yuusa chichame. Nuna turuiniakka ni yachin ni umain yainkiarminiaiti. Kristu aents aishman ainis turamiania nu nekaattsarum VIDEO iistarum. Turarum juna aujmattsatarum:
-
Ryan Yuusan penker umirkattsa tura Yuusnan nukap yaimkiattsa warinia najana?
Iruntramunam yaimin tura uuntri anaikiamu ajastasa wakeruinia uruku artiniait nuna Yuusa chichame aujmatui. 1 Timiutéun 3:1-13 aujsarum juna aujmattsatarum:
-
Iruntainiam yaimin tura uuntri anaikiamusha ajastasar wakeruiniana nusha uruku artiniait?
-
Ni nuari tura ni uchirisha uruku artiniait? (Akantramuri 4 nuya 11 iistarum).
-
Aishman Yuusa chichame tana nuna umiakka chikichnasha itiur yaintata?
CHIKICHKIA JUNIS TINIU AINIAWAI: Testigos de Jehovasha ni najanainiana nuna wari kuitjiai najanin ainia?
-
Amesha warintinmek?
WARI NEKAAM
Ankan sumamsar warinkish najankurin nuya ii achiakeajnia nujai chikich Kristu aents yayakrin Jehová shiir enentaimniuiti.
Awakeasrik nekaatin
-
Ii pujajnia nuisha ankan sumamsar Yuusna warinma yaimkiamniaitiaj?
-
Ii takakmajai Yuusna yaimkiattsar wari itiurkamniaitiaj?
-
Kristu aents ainiana nu yaintasam wari turamniaitiam?
NUKAP NEKAATA
Yuussha diezmo surusarat tusa wakerawash?
Yuusa chichamesha diezmo susatniuitji tawash? (jw.org nui aarma irunu)
Aishman Jehovan enentaimtaka warinia turatniuit nuna Yuus Papii aujmatui. Tumaitkiusha aishman turatniua nuna nuwa turatniuitkiusha wari itiurkatniuit?
Yuusa iruntramurin emtin anairamu warinia najanawartiniait? (La Atalaya, febrero 2021)
Kristu aents chikich Kristu aents papii Yuusnan takuarat tusar itiurin ainia nu nekaata.
Testigos de Jehovatisha wari kuitjiaiya Yuusna nu najaneaj nu nekaata.
Testigos de Jehová najanainiana nunasha wari kuitjiaiya najanainia? (jw.org nui aarma irunu)
