TLAMACHTIJLI 55
Xtlapaleui ipan motlanechikol
Ipan nochi tlanechikoltin nemij melak miyekej tokniuan akin kitekichiuiliaj Jehová ika nochi inyojlo. Yejuamej melak kitlasojkaitaj ken ikalpan toTajtsin kinyekana, niman miyek ken tlapaleuiyaj ipan intlanechikol. Ijkuak ijkon kichiuaj melak yolpakij. ¿Tejua noijki ijkon timomachilia ipan motlanechikol?
1. ¿Kenijki uelis titlapaleuis ipan tlanechikojli ika motiempo niman ika mokojtilis?
Tinochimej uelis titlapaleuiskej ipan tlanechikojli. San matikonteneuakan yejuin, tla ipan motlanechikol nemij tokniuan akin youeuentsintiakej noso akin kualoj, kanaj uelis tikinuikas ipan tlanechikojli, kanaj uelis tikomintlakouilis noso tikinpaleuis inchan (xkita Santiago 1:27). Noijki uelis titlapaleuiskej ijkuak nochipaua noso noyektlalia Kajli kampa tosentlaliaj. Xakaj texchiualtia matikchiuakan nochi yejuin, tejuamej tikchiuaj ika nochi toyojlo pampa tiktlasojtlaj toTajtsin niman tikintlasojtlaj tokniuan (Salmo 110:3).
Iteixpantijkauan Jehová akin yonoapolaktijkej miyek ken uelis tepaleuiskej. Tokniuan tlakamej akin nokojtiliaj kichiuaskej tlen Biblia kitlajtlani uelis nochiuaskej siervos ministeriales noso tlapaleuijkej niman, satepan, uelis yeskej tlayekankej. Niman tokniuan tlakamej niman siuamej uelis nochiuaskej precursores niman ijkon chikauak tenojnotsaskej. Oksekimej uelis tlapaleuiskej kampa nochijchiuaj kaltin kampa tikueyichiuaj toTajtsin niman sekimej uelis uejka yaskej niman ijkon ontlapaleuiskej ipan okseki tlanechikoltin.
2. ¿Kenijki uelis titlapaleuiskej ipan tlanechikojli ika totomintsin niman ika okseki tlen tikpiyaj?
Biblia kijtoua: “Xmaka toTEKO sen ofrenda de on tlen tikpiya” (Proverbios 3:9). Tejuamej melak techyolpaktia tiktemakaskej totomintsin niman tlen tikpiyaj niman ijkon titlapaleuiskej ipan tlanechikojli niman ipan tenojnotsalistli tlen nochiua ipan nochi tlaltikpaktli (xkita 2 Corintios 9:7). Niman ika totomintsin tlen tiktemakaj noijki titlapaleuiyaj kampa tlaixpoliui. Miyekej tokniuan kixelojtiuej intomintsin niman ijkon uelis kitemakatiaskej (xkita 1 Corintios 16:2). Tejuamej uelis tiktlaliskej totomintsin ipan cajas tlen notlaliaj ipan kaltin kampa tikueyichiuaj Jehová, noso uelis tiktemakaskej ipan Internet ipan donate.pr418.com. Jehová techkauilia matiktemakakan tlen tikpiyaj niman ijkon tikititiskej ika melak tiktlasojtlaj.
OKSEKI XKASIKAMATI
Matikitakan kenijki uelis titlapaleuis ipan tlanechikojli.
3. Uelis titlapaleuis ika tlen tikpiya
Jehová niman Jesús melak kintlasojtlaj akin kitemakaj tlen kipiyaj ika nochi inyojlo. Sejpa katka, Jesús konitstoya kenijki se siuakaualtsintli kitemakatoya itomintsin maski xmiyek kipiaya, niman yejua okijto ika yejon siuakaualtsintli melak kuajli tlen okichiuj. Xkitakan Lucas 21:1-4 niman xtlajtokan itech yejuin:
-
¿Noneki melak miyek tomin tiktemakaskej niman ijkon tikyolpaktiskej toTajtsin?
-
¿Kenijki nomachiliaj Jehová niman Jesús ijkuak tiktemakaj tlen tikpiyaj ika nochi toyojlo?
Xkitakan VIDEO niman ijkon nenkimatiskej kenijki notekitiltia totomintsin tlen tiktemakaj. Tla yonenkitakej video, aman xtlajtokan itech yejuin:
-
¿Tlen tekitl ueli nochiua pampa tiktemakaj totomintsin?
4. Xteijli ika tikneki titlapaleuis
Yeuejkaui, miyekej itekipanojkauan Jehová xsan kitemakayaj intomintsin, noijki ika inyojlo tlapaleuiayaj ijkuak noyektlaliaya kampa noueyichiuaya Jehová. Xkitakan 2 Crónicas 34:9-11 niman xtlajtokan itech yejuin:
-
¿Tlenon okichiujkej nochimej israelitas niman ijkon kitlajpiyaskej kampa noueyichiuaya Jehová?
Xkitakan VIDEO niman ijkon nenkitaskej kenijki iteixpantijkauan Jehová kichiuaj ijkon ken kichiuayaj israelitas. Tla yonenkitakej video, aman xtlajtokan itech yejuin:
-
¿Tleka melak noneki matiktlajpiyakan niman matikchipauakan Kajli kampa tosentlaliaj?
-
¿Kenijki uelis titlapaleuis?
5. Tokniuan tlakamej uelis nokojtiliskej más tlapaleuiskej ipan tlanechikojli
Biblia kinyolchikaua tokniuan tlakamej manokojtilikan makichikauakan intlaneltokil niman ijkon más tlapaleuiskej ipan tlanechikojli. Xkitakan VIDEO niman ijkon nenkixmatiskej se tokniuj akin ijkon okichiuj. Tla yonenkitakej video, aman xtlajtokan itech yejuin:
-
¿Tlenon okichiuj Ryan niman ijkon más kichikauas itlaneltokil niman más tlapaleuis ipan tlanechikojli?
Biblia kijtoua tlenon noneki kichiuaskej tokniuan akin kinekij yeskej tlapaleuijkej niman tlayekankej. Xkitakan 1 Timoteo 3:1-13 niman xtlajtokan itech yejuin:
-
¿Tlenon noneki kichiuaskej tokniuan akin kinekij yeskej tlapaleuijkej niman tlayekankej?
-
¿Kenijki noneki yeskej inchanejkauan? (Xkitakan 1 Timoteo 3:4, 11).
-
Tla tokniuan nokojtiliaj kichiuaskej tlen Biblia kijtoua, ¿tlenon panos ipan tlanechikojli?
SEKIMEJ UELISKIA KIJTOSKEJ: “¿Kanon konkuij tomin iteixpantijkauan Jehová niman ijkon kichiuaskej nochi tlen kichiuaj?”.
-
¿Tejua kenijki titlanankiliskia?
TLEN OTIUEL
Jehová melak kitlasojkamati ijkuak tejuamej tokojtiliaj titlapaleuiskej ipan tlanechikojli ika totiempo, tokojtilis niman ika tlen tikpiyaj.
¿Kenon titlanankiliskia?
-
¿Kenijki uelis titlapaleuiskej ipan tlanechikojli ika totiempo niman ika tokojtilis?
-
¿Kenijki uelis titlapaleuiskej ipan tlanechikojli ika tlen tikpiyaj?
-
¿Tlenon tikuelitaskia tikchiuas niman ijkon titlapaleuis ipan tlanechikojli?
OKSEKI XKITA
Xkita tleka toTajtsin xok kintlajtlanilia itekipanojkauan makitemakakan diezmo.
“¿Tlenon kijtoua Biblia itech diezmo?” (Tlamachtijli de jw.org)
Biblia kiteneua seki tekitl tlen noneki kichiuaskej tokniuan tlakamej akin yonoapolaktijkej. San ika ¿tlenon panoua tla noneki kichiuas se tokniuj siuatl akin yonoapolakti?.
Xkimixmati sekimej iteixpantijkauan Jehová akin melak nokojtiliaj niman ijkon oksekimej tokniuan noijki makinpiyakan toamatlajkuiloluan.
Xkita kenijki iteixpantijkauan Jehová kitlaxtlauaj tekitl tlen kichiuaj.
“¿Kenon notlaxtlaua tekitl tlen kichiuaj iteixpantijkauan Jehová?” (Tlamachtijli de jw.org)
Puede que también le interese
TLEN MIYEKPA NOTLAJTOLTILO
¿Kenon nochiua ijkuak se kimachtiaj itech Biblia?
Ijkuak mitsmachtiskej iteixpantijkauan Jehová uelis tijkuis maski san katlejua Biblia. Uelis ompa nemiskej mochanejkauan noso moamigos.
