LEKCIJA 55
So šaj keres predal tiro zboros
Pal calo svetos hine ezera zbori le Jehovaskere svedkengere. Phiren odoj milijoni manuša, kaj te sikhľon u ašaren le Jehovas. Igen paľikeras, hoj hin amen ajse zbori. Vaš oda kamas andro zboros te pomožinel aleha, so pes del. Tu bi sar kamehas te pomožinel andre tiro zboros?
1) Sar šaj pomožines tu andre tiro zboros?
Hin but, so šaj keres. Hin andre tiro zboros phure phrala the pheňa? Šaj len ľigenes pro zhromažďeňa. Šaj lenge pomožines varesoha andro kher. Šaj lenca džas chabeneske. (Pregen Jakub 1:27) Abo šaj pomožines te pratinkerel andro kher, kaj phires pro zhromažďeňa. Soske oda keras? Bo amen igen cirdel o jilo te pomožinel. (Žalm 110:3) A tiš avka sikavas, hoj kamas le Jehovas the amare phralen the pheňen.
So šaj keren bolde phrala the pheňa? Šaj buter služinen andre služba sar prjekopňika. Šaj džan te kerel pre amare stavbi. Šaj džan te bešel odoj, kaj kampel buter te vakerel pal o Del. O phrala, so dživen avka sar lendar o Del užarel, šaj služinen andro zboros sar pomocna služobňika a paľis sar zborova phuredera.
2) Soske pomožinas tiš oleha, te davkeras o lovore?
Avka doľikeras o lava: De le Jehovas oda lačho, so tut hin. (Príslovia 3:9) Sam barikane andre oda, hoj šaj das o lovore, bo oleha sikavas, hoj kamas le Jehovas the le manušen. Ole lovendar pes poťinel oda, so kampel odoj, kaj phiras pro zhromažďeňe. Tiš pes avka dochudel o čačipen pal o Jehovas kijo nekbuter manuša. (Pregen 2. Korinťanom 9:7) Te pes ačhel varesavi prirodno bibacht, tiš džan ola love pre oda. Hin mište, te sako čhon varesave lovore „odthovas pre sera“. (Pregen 1. Korinťanom 16:2) Te amen cirdel o jilo vareso te del, sar oda šaj keras? Šaj len čhivas andre schranka, kaj phiras pro zhromažďeňe abo len šaj bičhavas prekal e stranka donate.pr418.com. Igen paľikeras le Jehovaske, hoj leske avka šaj sikavas amaro kamiben.
DODŽAN TUT BUTER
So šaj keres predal tiro zboros?
3) Šaj das oda lačho, so amen hin
O Jehovas the o Ježiš hine igen rade, te dikhen, hoj davkeras cale jilestar. O Ježiš phenďa pal e čori vdova, hoj oj avke kerďa. Pregen Lukáš 21:1–4 a paľis vakeren jekhetane:
-
Kampel te čhivel but, kaj o Jehovas te el spokojno?
-
Sar hin le Jehovaske the le Ježišoske, te dikhen, hoj amen davkeras jilestar?
Dikh tuke, pre soste džan love, so davkeras. Mukh o VIDEJO a paľis vakeren jekhetane.
-
Sar amare lovore pomožinen amare phralenge pal calo svetos?
4) Šaj prithovas o vast
Le Devleskero ľudos andre phurikaňi doba pes igen starinelas pal o Devleskero kher. Na pomožinelas ča le lovenca. Pregen 2. Kroník 34:9–11 a paľis vakeren jekhetane:
-
Sar šaj prithovelas o vast dojekh Izraelčanos pro Jehovaskero kher?
Dikh tuke, sar avka keras the amen, le Jehovaskere svedki. Mukh o VIDEJO a paľis vakeren jekhetane.
-
Soske igen kampel, kaj amare khera, kaj phiras pro zhromažďeňa, te en furt žuže the šukar?
-
Sar bi tu kamehas te pomožinel?
5) Phrala, kam te kerel buter buťi andro zboros!
E Biblija šukar lavenca podhazdel le phralen, kaj te kamen te kerel buter buťi andro zboros. Mukh o VIDEJO a paľis vakeren jekhetane.
-
So kampelas te kerel ole terne phraleske, kaj andro zboros te kerel buter buťi?
E Biblija phenel, savo musaj te el o phral, te kamel te služinel sar pomocno služobňikos the zborovo phureder. Pregen 1. Timotejovi 3:1–13 a paľis vakeren jekhetane:
-
Savo musaj te el o phral, so kamel te služinel sar pomocno služobňikos the zborovo phureder?
-
Savi musaj te el leskeri romňi the čhave? (Dikh o teksti 4 the 11.)
-
So lačho oda anela le phralenge the le pheňenge, te len andro zboros ela ajso phral, so kamel te služinel buter?
VAREKO ŠAJ PHUČEL: „Khatar le Jehovaskere svedki len ajci love?“
-
So bi pre oda phenehas?
SO SIKHĽIĽAM
O Jehovas hino igen rado, te das calo jilo the oda lačho, so amen hin, kaj te pomožinas amare phralenge the le pheňenge.
So bi phenehas
-
So savoro šaj keras andro zboros the predal o phrala the pheňa?
-
Soske pomožinas tiš oleha, te davkeras o lovore?
-
So bi tu kamehas te kerel predal o phrala the pheňa?
DIKH TUKE BUTER
Pregen tuke, soske o Del na užarel, hoj davkeraha ďesjatki.
E Biblija sikavel, savi buťi andro zboros majinen te kerel bolde murša. Aľe so akor, te kadi buťi mušinel te kerel bolďi pheň?
„Achaľuvas, ko hino kaske o šero“ (E Stražno veža februaristar 2021)
Dikh tuke, sar o phrala andre Afrika thoven calo jilo, kaj le phralenge the le pheňenge te ľigenen časopisa the kňižki.
Sar pes amare kňižki dochuden kijo phrala the pheňa andro Kongo (4:25)
Pregen tuke, hoj amen na keras le lovenca avka, sar aver vjeri.
Ako je financovaná činnosť Jehovových svedkov? (arakheha pro jw.org)
Dikh the pre ada
SO O MANUŠA KAMEN TE DŽANEL
So oda hin te sikhľol la Biblijatar?
Te kavka sikhľona la Biblijatar le Jehovaskere svedkenca, šaj genen andal e Biblija, savi tumen kamen. Šaj vičinen la fajta, le kamaraten abo kas kamen.
